FILIPI 4:3 - KITTA KAREBA MADECENG

³ Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

FILIPI 4:3 Խաչաձեւ Հղումներ

WAHYU 13:8

Iyaro olokolo'é risompai matu ri sininna tau iya tuwoé ri yasé'na linoé, sangadinna sining tau iya asennaé purani riyoki riwettu dé'napa naripancaji linoé, ri laleng kitta'na tau tuwoé appunnangenna Ana' Bimbala' iya puraé rigéré.

WAHYU 3:5

Mennang iya pacaué ripappakéiwi matu pakéyang maputé. Asenna mennang dé' Uleddai matu polé ri Kitta'na Tau Tuwoé. Na riyolona Ambo'-Ku enrengngé malaéka'-malaéka'-Na mangaku-Ka matu makkedaé mennang iyanaritu appunnangek-Ku.

LUKAS 10:20

Namuni makkuwaro aja' mumarennu nasaba sining roh majaé tunru' ri iko. Lebbi kessing muwi akkérennuko nasaba riyokii asemmu ri surugaé.”

FILIPI 1:27

Iya pentingngé iyanaritu makkedaé tuwoko situru aga iya natuntu'é Karéba Madécéng passalenna iyaro Kristus. Rimakkuwannanaro, wedding mupaga siruntu'ka iko iyaré'ga dé', uwéngkalingai matu makkedaé masse'ko masséddi enrengngé massibawa méwa untu' banna séddi akkatta sibawa séddi pangéloreng; iyanaritu untu' ateppereng iya sicoco'é sibawa Karéba Madécéng polé ri Allataalaro.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.

FILIPI 4:2

Saudara Euodia sibawa Saudara Sintiké! Uwéllauwi sibawa masero kuwammengngi Saudara massiatiwi selaku sining tau iya siatepperengngé.

ROMA 16:12

Sellekku lao ri Triféna sibawa Trifosa iya marejjingngé majjama tumaningiwi Puwangngé, sibawa lao ri Persis iya uwamaséiyé. Pura toni marejjing majjama untu' Puwangngé.

ROMA 16:9

Palettukekka sellekku ri Urbanus, sellaota iya majjamaé sibawa idi untu' Kristus. Makkuwatoro sellekku lao ri Stakhis iya uwamaséiyé.

ROMA 12:1

Saudara-saudara! Makessing senna'i Allataala lao ri idi. Iyanaro saba'na uwéllauwi sibawa masero kuwammengngi muwakkasuwiyangengngi aléna selaku séddi akkalarapangeng tuwo iya ripallaingngé untu' Allataala sibawa pésennangiwi atin-Na. Assompako lao ri Allataala harusu'i makkuwaro.

MAZMUR 69:28

Leppessanni asalanna tattamba maéga; aja' naripattongeng mennang.

ASSURENG 32:32

Tennapodo taddampengengngi dosana; rékko dé', leddani asekku polé ri kitta'na sining tau tuwoé.”

WAHYU 20:12

Sibawa uwitai sining tau maté, baiccu battowa, tettong ri yolona kadéra arajangngéro. Naritimpa'na sining kitta'é. Nainappa séddi kitta laingngé ritimpa, iyanaritu Kitta'na Tau Tuwoé. Nainappa ripatatteppa pahukkungengngé ri yasé'na sining tau maté, situru pangkaukenna mennang iya riyokié ri laleng sining kitta'éro.

KOLOSE 1:7

Iyaro gau'é napalettu'i Epafras lao ri Saudara, sellao iya riyamaséiyé. Aléna ritu pajjamana Kristus iya matinulué majjama untu' apentingetta.

DANIEL 12:1

Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

WAHYU 20:15

Sining tau iya dé'é nariyoki asenna ri laleng Kitta'na Tau Tuwoé, iyaro sining tauwé ribuwangngi ri laleng tasi apié.

YEHEZKIEL 13:9

Uhukkukko matu, éh nabi-nabi iya powadaéngngi boto bellé sibawa nawa-nawaéngngi sining pakkitangngé! Dé'na naweddikko maccowé mabbéré apettung ri laleng addeppu-deppungenna umma'-Ku. Ricoré'i matu aseng-ngasemmu polé ri daftar appanna Israélié, sibawa dé' matu mulisuna ri tana assalemmu. Namuwissengngi matu makkedaé Iyya ritu Puwang Iya Pommatanré.

YESAYA 4:3

Tungke tau iya risalaiyé ri Yérusalém, sining tau iya napilé Allataala untu' ripassalama, riteppui matu mapaccing.

FILIPI 1:5

Mattarima kasi'ka lao ri Allataala nasaba sipongenna esso mammulangngé lettu makkekkuwangngé, puraka mubantu pallebbangngi Karéba Madécéng polé ri Allataala.

FILIPI 1:7

Mémeng ri onronna mappunnaika pappénedding pada-padaéro lao ri iko saba' iya maneng Saudara tuli macawé'i ri atikku. Makkuwatoro nasaba maccowéko tarima silaong iyya, pammasé iya nawéréngngékka Allataala, muwi makkekkuwangngéwé ri laleng tarungkué iyaré'ga wettukku engka ri saliweng untu' méwaiwi sibawa mattahangengngi Karéba Madécéngngéro.

FILIPI 1:12

Uwéloriwi muwissengngi, makkedaé gau'-gau' iya puraé kajajiyang lao ri iyya mala nassabariwi maéga tau méngkalingai sibawa matepperiwi Karéba Madécéngngé.

FILIPI 1:16

Iyaé sining tauwé napogau'i nasaba namaséiwi Allataala sibawa iyya, saba' naissengngi makkedaé Allataala pura suroi untu' mappaitangngi Karéba Madécéng iya tongengngéro.