FILEMON 1:24 - KITTA KAREBA MADECENG

²⁴ Tarima towi sellenna sellao-sellaoku: Markus, Aristarkhus, Démas sibawa Lukas.

FILEMON 1:24 Խաչաձեւ Հղումներ

KOLOSE 4:14

Dottoro' Lukas, iya tamaséiyé, sibawa Démas kiring selleng lao ri iko.

KOLOSE 4:10

Aristarkhus, iya engkaé ri laleng tarungkué sibawa iyya, masselleng lao ri iko. Makkuwatoro Markus, sapposisenna Barnabas. (Purani rikiringekko karéba untu' duppaiwi rékko laowi ri iko.)

RIWAYA'NA RASUL-RASUL-E 19:29

Nallebbanna iyaro roca'é lettu ri sininna kotaé. Nainappa iyaro garembolang-garembolang paddoca'é natikkengngi Gayus sibawa Aristarkhus, iyanaritu sining tau Makedonia iya silaongengngéngngi Paulus ri laleng allalengenna, nainappa nassarénréngeng mennang lao ri stadionna kotaéro.

RIWAYA'NA RASUL-RASUL-E 12:12

Namaingekinnana keadaangngéro, laoni Pétrus ri bolana Maria, indo'na Yohanés iya riyasengngétto Markus. Kuwaro maéga tau maddeppungeng sibawa massempajang.

RIWAYA'NA RASUL-RASUL-E 27:2

Tonang kappala'ki ri Adramitium, nainappa sompe'ni sibawa kappala'éro iya sadiyaénna sompe' ri pelabuhang-pelabuhang ri daéra Asia. Aristarkhus, séddiwi tau Makedonia iya polé ri Tésalonika, sompe' towi sibawakki.

RIWAYA'NA RASUL-RASUL-E 12:25

Puranana jama-jamanna Barnabas sibawa Saulus, lisuni mennang polé ri Yérusalém sibawa tiwii Yohanés Markus silaong mennang.

3 YOHANES 1:8

Rimakkuwannanaro, idi sining tau Kristéngngé harusu'ki tulungngi sellao-sellao pada-padatta Kristéng iya pada-padaéro, kuwammengngi taulléi maccowé ri laleng usahana mennang untu' mappallebbangengngi pappagguruwanna Allataala.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

FILIPI 2:25

Passalenna saudarata Epafroditus iya puraé musuro bantuka, marasa parelluka suroi lisu lao ri iko. Purana naranreng ri laleng jama-jamangngé sibawa perjuwangekku.

2 KORINTUS 8:23

Passalenna Titus, iyanaritu sellaoku, iya uwéwaé sibawa majjama untu' bantuko. Na passalenna iya duwa saudaraé, passalenna iyaro, iya laowé silaong aléna, mennang iyanaritu tau iya risuroé ri jema'-jema'é sibawa mancajiwi arennutta lao ri Kristus.

RIWAYA'NA RASUL-RASUL-E 13:13

Polé ri Pafos, Paulus sibawa sining sellaona sompe'ni lao ri Pérga ri Pamfilia. Kuwaniro Yohanés Markus salaiwi mennang, nainappa lisu ri Yérusalém.

1 PETRUS 5:13

Sellao-sellao si jema'ta ri Babilonia, iya ripiléétto ri Allataala, masselleng lao ri iko, makkuwatoro ana'ku Markus iya upojiyé.