FILEMON 1:17 - KITTA KAREBA MADECENG

¹⁷ Rimakkuwannanaro, nasaba Saudara nangga'ka sellao pada-pada Kristéng, tarimani paimeng Onésimus pada-pada natarimaku Saudara.

FILEMON 1:17 Խաչաձեւ Հղումներ

2 KORINTUS 8:23

Passalenna Titus, iyanaritu sellaoku, iya uwéwaé sibawa majjama untu' bantuko. Na passalenna iya duwa saudaraé, passalenna iyaro, iya laowé silaong aléna, mennang iyanaritu tau iya risuroé ri jema'-jema'é sibawa mancajiwi arennutta lao ri Kristus.

MATIUS 10:40

“Tau iya tarimaékko, natarima-Ka. Na tau iya tarimaék-Ka, natarimai iya suroék-Ka.

FILEMON 1:12

Makkekkuwangngé iyaro tau uwamaséiyé ukiringngi lisu ri iko.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.

IBRANI 3:1

Saudara-saudara pada-padatta Kristéng iya puraé riyobbito ri Allataala! Coba pikkiri'i malamul-lamung passalenna iyaé Yésus! Allataala suroi Aléna banna untu' mancaji Imang Lompo ri laleng agama iya riyaccowériyé.

EFESUS 3:6

Iyaro rahasiyaé iyanaritu: Naolai Karéba Madécéngngéro, tau tenniyaé Yahudi maccowé towi napéneddingi barakka'-barakka'na Allataala iya riyolo banna untu' tau Yahudié. Sining tau tenniyaé Yahudi mancajiwi anggota polé ri tubu iya padaé, sibawa maccowé towi tarima aga iya najjanciyangngé Allataala naolai Kristus Yésus.

RIWAYA'NA RASUL-RASUL-E 16:15

Ricemméni Lidia sibawa silise bolana. Puranana ricemmé, naundanni. Makkedai, “Rékko napérasai Saudara-saudara tonget-tongekka mateppe' lao ri Yésus, laono mai mappéruma ri bolaku.” Nainappa maddessa'ni kuwammengngi nariturusi paréllaunna.

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

MATIUS 18:5

Na tau iya tarimaéngngi anana' iya pada-padaéwé nasaba Iyya, bettuwanna natarima-Ka.”

1 YOHANES 1:3

Aga iya puraé riita sibawa riyéngkalinga, iyanaro riyabbirittang lao ri iko, kuwammengngi musibawakki maccowé mattemmeriwi atuwongngé, masséddi sibawa Ambo'é kuwaéttopa Ana'na Yésus Kristus.

1 PETRUS 5:1

Uwéllauwi napuriyati sining pamimpinna jema'mu. Uwokii iyaé selaku sellao pamimping enrengngé selaku tau iya alénaé pura sabbingngi anrasa-rasanna Kristus, sibawa iya turu'étto matu ripakaraja, rékko arajanna Kristus riyappaitangngi lao ri rupa tauwé. Uwéllauwi sibawa masero

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

FILEMON 1:10

Iyya, Paulus, pangolo séuwa paréllaung lao ri iko passalenna Onésimus, ana'ku ri laleng Kristus. Saba' ri laleng tarungkué mancajika ambo' rohaninna.

1 TIMOTIUS 6:2

Ata-ata iya puwannaé tau Kristéng, dé' nawedding napandang énténg puwanna nasaba pada-padai mennang tau Kristéng. Mala harusu'i mennang natumaningi puwanna mennanro lebbi kessippa, saba' puwang iya natumaningiyéro iyanaritu pada-padai tau mateppe' iya riyamaséiyé. Iya manennaé harusu'i muwappagguruwang sibawa muwappangajareng.

FILIPI 1:7

Mémeng ri onronna mappunnaika pappénedding pada-padaéro lao ri iko saba' iya maneng Saudara tuli macawé'i ri atikku. Makkuwatoro nasaba maccowéko tarima silaong iyya, pammasé iya nawéréngngékka Allataala, muwi makkekkuwangngéwé ri laleng tarungkué iyaré'ga wettukku engka ri saliweng untu' méwaiwi sibawa mattahangengngi Karéba Madécéngngéro.

FILEMON 1:18

Rékko pasalai iyaré'ga makkinrengngi lao ri iko, leppessanni iyya tanggungngi iya manennaro.