FILEMON 1:1 - KITTA KAREBA MADECENG

¹ Saudara Filémon, sellao sibawa sahaba'ta! Iyya, Paulus, séddiwi tau tahanang nasaba Kristus Yésus, silaong saudarata Timotius, mokii iyaé sure'é lao ri iko

FILEMON 1:1 Խաչաձեւ Հղումներ

EFESUS 3:1

Iyanaro saba'na iyya, Paulus, massempajangekko. Ritarungkuka nasaba Kristus Yésus, untu' apentingemmu iya tenniyaé Yahudi.

FILEMON 1:9

Iyakiya nasaba uwamaséiwi Saudara, iyya maréllauma bawang. Iyya'é séddi tau macowa namakkekkuwangngé mattengngang ritahang ri laleng tarungkué nasaba Kristus Yésus.

KOLOSE 1:1

Saudara-saudara umma'na Allataala ri Kolosé iya matinulué masséddi sibawa Kristus! Selaku rasulna Kristus Yésus, – iya nakkaé Allataala – iyya, Paulus, silaong Saudarata Timotius, mamménasa tennapodo Allataala Ambo'ta mabbéré barakka sibawa asaléwangeng lao ri iko.

FILIPI 2:25

Passalenna saudarata Epafroditus iya puraé musuro bantuka, marasa parelluka suroi lisu lao ri iko. Purana naranreng ri laleng jama-jamangngé sibawa perjuwangekku.

1 KORINTUS 3:9

Idi iyanaritu sining tau iya sibawaé majjama untu' Allataala; na iko pada-padai dare'na Allataala. Saudara-saudara iyanaritu pada-pada towi bolana Allataala.

2 TIMOTIUS 1:8

Rimakkuwannanaro, aja' mumasiri mabbéré asabbiyang passalenna Puwatta, sibawa aja'to mumasiri passalekku, iya ritarungkué nasaba Aléna. Sibalé'na sitinajako nasibawang awatangeng polé ri Allataala, maccowé manrasa-rasa untu' Karéba Madécéngngéro.

1 TESALONIKA 3:2

ri wettutta suroi saudarata Timotius. Séddiwi pattumaninna Allataala iya majjamaé sibawa idi untu' mabbirittangngi Karéba Madécéngngé passalenna Kristus. Risuroi Timotius lao ri iko kuwammengngi napéwatangiko sibawa dorokko untu' lebbi mateppe'pa ri Kristus.

KOLOSE 4:11

Sellennato Yésus iya riyasengngétto Yustus. Polé risining tau Yahudié iya mateppeénna ri Puwang Yésus, banna mennang sipattellu bawang iya majjamaé makkekkuwangngé sibawakka untu' pajoppai jamang polé ri Allataala. Tonget-tongengngi mennang natulukka.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

EFESUS 4:1

Iyanaro saba'na iyya – séddiwi tahanang, iya ritahangngé nasaba tumaningiwi Puwangngé – méllauwi sibawa masero ri iko: tuwono situru tudangemmu selaku tau iya puraé riyobbi ri Allataala.

2 KORINTUS 1:1

Saudara-saudara jema'na Allataala ri Korintus sibawa sininna umma'na Allataala ri Akhaya. Iyya, Paulus, rasulna Kristus Yésus, iya riyakkaé nasaba élona Allataala silaong saudarata Timotius,

FILEMON 1:24

Tarima towi sellenna sellao-sellaoku: Markus, Aristarkhus, Démas sibawa Lukas.

2 TESALONIKA 1:1

Saudara-saudara jema'é ri Tésalonika, iya mancajiyé umma'na Allataala Ambo'ta sibawa Puwang Yésus Kristus! Idi, iyanaritu Paulus, Silas sibawa Timotius

EFESUS 6:20

Nasaba Karéba Madécéngngé ritu, mancajika séddi duta, na makkekkuwangngé engkaka ri laleng tarungkué. Assempajanno kuwammengngi ubarani mabbicara passalenna Karéba Madécéngngéro, pékkugi harusu'ka mabbicara.

RIWAYA'NA RASUL-RASUL-E 16:1

Napatteruni joppana Paulus lao ri Dérbé, nainappa lao ri Listra. Kuwaro engka séddi tau maccowé ri Yésus asenna Timotius. Indo'na séddiwi tau Yahudi, iya mateppe'énna ri Yésus, iyakiya ambo'na tau Yunani.

GALATIA 3:26

Nasaba mateppe'ko ri Kristus Yésus, namumasséddi sibawa aléna; narimakkuwannanaro mancajiko ana'-ana'na Allataala.

FILIPI 1:1

Saudara-saudara umma'na Allataala iya monroé ri Filipi, sibawa iya masséddiyénna sibawa Kristus Yésus. Makkuwatoro Saudara-saudara pamimpingngé enrengngé pabbantu jema'é. Iyya Paulus, sibawa Timotius, ata-atanna Kristus Yésus,

FILEMON 1:23

Epafras, iya engkaé sibawakka ri laleng tarungkué nasaba Kristus Yésus, masselleng lao ri iko.