ESTER 8:9 - KITTA KAREBA MADECENG

⁹ Iyatoro essoé, iyanaritu tanggala 23 uleng tellu, uleng Siwan, naobbini Mordékhai sining jurutulisi'na arungngé nanaparéntangngi mennang moki sure' lao risining gubernur-é ri iya 127 propinsié, polé ri India lettu ri Sudan. Iyaro sure'-sure'é riyokii ri laleng basa sibawa oki propinsi-propinsiéro tungke'-tungke'. Nakiring towi iyaro sure'é lao ri tau Yahudié ri laleng basa sibawa oki Yahudi.

ESTER 8:9 Խաչաձեւ Հղումներ

ESTER 1:22

Kirinni sure' parénta lao ri sininna propinsinna akkarungengngé, ri laleng basa sibawa okina propinsiéro tungke'-tungke'. Oninna iyaro paréntaé makkedaé ri laleng tungke' ruma tangga, lakkaié ritu harusu mancaji kapala, sibawa sipato mala sininna apettungngé.

ESTER 1:1

Ri Susan, ibukotana Persia, mapparéntai Ahasywéros selaku arung. Akkarungenna poléi ri 127 propinsi, mappammulai ri India lettu ri Sudan.

DANIEL 6:1

Puranana riyuno Bélsyazar, Darius tau Médiaé sittaiwi kadéra akkarungengngé. Iyaro wettué umuru'na enneng pulona duwa taung.

DANIEL 4:1

Iyanaé pappallebbanna Arung Nébukadnézar iya nakkiringengngé lao risining tau polé ri sininna bangsaé, suku bangsaé sibawa basaé ri sininna linoé: “Salama!

2 ARUNG-NGARUNG 18:26

Namakkeda Elyakim, Sébna, sibawa Yoah lao ri parawiraéro, “Puwang, abbicarani sibawa idi ri laleng basa Aram bawang, ripahang muwa. Aja' mupakéi basa Ibranié, napahangngi matti ra'ya'é ri tompo'na témbo'éro.”

DANIEL 6:25

Nainappa naparéntang arungngé tauwé kuwammengngi natikkengngi sining tau iya puraé mapparapekengngi Daniél. Nainappa mennang silaong sibawa ana'-ana'na nenniya sining bainéna riyaggenrungeng ri laleng gowa singaéro. Dé'pa mennang nalettu ri borina gowaéro, iyaro singa-singaé naluruini mennang sibawa reppo'i buku-bukunna.

2 TAWARIKH 15:10

maddeppungeng ri Yérusalém. Namaddeppungenna mennang ri uleng matellué ri laleng taung maseppuloé lima apparéntanna Asa.

ESTER 10:1

Pakangkai Arung Ahasywéros jamang passa, tenniya bawang ri ra'ya'é ri daéra-daéra wiring tasi'é ri laleng akkarungenna, iyakiya ri daéra-daéra padalamangngétto.