DANIEL 9:20 - KITTA KAREBA MADECENG

²⁰ Matteruka massempajang sibawa mangakuiwi dosaku sibawa dosana bangsaku Israélié, enrengngé méllauwi ri Puwang Allataalaku untu' palisui Bola-Na iya mapaccingngé.

DANIEL 9:20 Խաչաձեւ Հղումներ

MAZMUR 145:18

Macawé'i lao ri tau iya mangobbié lao ri Aléna, sibawa méllauwi ri Aléna sibawa malempu atinna.

ROMA 3:23

Sininna tauwé madosani sibawa mabélai polé ri Allataala iya maéloé passalama'i mennang.

YESAYA 58:9

Rékko massempajakko, Utarimai matu. Rékko mangobbiko ri Iyya, Ubaliwi matu. Aja'na mutenre'i pada-padammu, pappésauni assimusurengngé sibawa pétenna'é.

DANIEL 9:16

Purani Muéwai ri wettu riyolo, rimakkuwannanaro aja'na Mumacaisi lao ri Yérusalém, kota-Mu muto, bulu-bulu-Mu iya mapaccingngé. Nasaba dosata sibawa jana néné-nénéta, na sininna tauwé ri mattulilitta naita mariyawai Yérusalém sibawa umma'-Mu.

YESAYA 65:24

Ri wettu dé'napa naéllauwi, mappébali-Ka; ri wettu dé'napa napura massempajang, Utarimani sempajanna mennang.

YESAYA 6:5

Nainappa makkedaka, “Cilaka! Dé'na amménasanna ri aléku, saba' macarépai témukku nasaba dosa, namonroka ri yelle'na bangsa iya makkuwaéttoro. Namuni makkuwaro, nasibawang mata ulukku purani uwita Arungngé, Puwang Iya Pommakuwasaé!”

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

WAHYU 21:10

Nanakuwasaina Rohna Allataala, sibawa iyaro malaéka'é natiwika ri coppo'na bulu iya matanré senna'é. Najellokenna Yérusalém, kota mapaccingngéro. Iyaro kotaé nonnoi polé ri surugaé, polé ri Allataala,

WAHYU 21:2

Nauwitani iyaro kota mapaccingngé, iyanaritu Yérusalém iya mabarué, nonno polé ri Allataala. Iyaro kotaé purani ripassadiya pada-pada séddié botting makkunrai iya ribélo-béloiyé untu' duppaiwi bottimpurané.

YAKOBUS 3:2

Idi manengngé biyasaki pogau' asalang. Iyakiya tau iya dé'é naengka napogau' asalang sibawa ada-adanna, iyanaritu tau iya sukkué, iya mullé kuwasai manengngi aléna.

RIWAYA'NA RASUL-RASUL-E 4:31

Pajanana mennang massempajang, mpéwanni onronna mennang maddeppungeng. Rikuwasai manenni ri Rohna Allataala, sibawa mappammula mabbicara sibawa barani senna' passalenna biritta polé ri Allataala.

ZAKHARIA 8:3

Maélo-Ka lisu lao ri Yérusalém, kota-Ku iya mapaccingngéro, sibawa monro kuwaro. Riissengngi matu kota Yérusalém selaku kota iya matinulué, sibawa Bulu-buluna Puwang Iya Pommakuwasaé riteppui matu Bulu-bulu Mapaccing.

DANIEL 10:2

Iyaro wettué mattengngakka tapakkoro' tellu minggu bujuru'.

YESAYA 56:7

“Utiwiko matu ri Sion, ri bulu-bulu-Ku mapaccingngé, sibawa Uwéréng arennung ri bola assompak-Ku. Sining akkarobangeng iya muwakkasuwiyangengngé ri mézba-Ku Utarimai matu. Riteppui matu Bola-Ku bola sempajang untu' sininna bangsaé.”

PAKKATOBBA 7:20

Ri linoéwé dé'gaga tau sukku; dé'gaga iya tuli pogau'éngngi makessingngé sibawa dé' naengka namadosa.

EZRA 10:1

Wettunna Ezra massempajang naterito sibawa mangaku dosa ri yolona Bolana Puwangnge, maéga senna tau Israél polé maddeppungeng, muwi worowané, iyaré'ga makkunrai sibawa ana'-ana'. Nattulilingiwi mennang naterito maladde.

NEHEMIA 1:6

Itaka oh Puwang, sibawa éngkalingai sempajang iya upaénré'é ri yolo-Mu esso sibawa wenni untu' umma Israél, ata-atam-Muro. Uwangakuiwi makkedaé idi, umma Israélié, madosani; iyya sibawa toriyoloku madosa toni.

DANIEL 10:12

Nainappa makkeda lao ri iyya, “Daniél, aja' mumétau. Purani naéngkalinga Allataala sempajammu mappammulai esso mammulangngé sipongenna malako apettung untu' pakariyawai alému kuwammengngi mumancaji mapanré. Poléka selaku pappébalinna sempajammu.

DANIEL 11:45

Mala pasangngi matu kéma akkarungeng ri pallawangenna tasi'é sibawa bulu onronna Bolana Puwangnge. Iyakiya ri munri matéi matu na dé'gaga muwi séddi tau iya tulungngéngngi matu.”