DANIEL 9:13 - KITTA KAREBA MADECENG

¹³ Sininna abala iya tarokié ri laleng Hukkunna Musa purani Mupakennaingekki. Iyakiya namuni makkuwaro, oh Puwang Allataalata, tette mupi massampéyang untu' pésennangiwi atim-Mu. Tette'ki dé' tamaélo salaiwi dosa-dosata sibawa dé'to tapuriyatiwi sining pappagguruwam-Mu.

DANIEL 9:13 Խաչաձեւ Հղումներ

DANIEL 9:11

Sininna Israélié purani najjalékkai hukkung-hukkum-Mu sibawa dé' namaélo méngkalingai saddam-Mu. Madosaki lao ri Iko, narimakkuwannanaro Mupakennaiki tanro iya tarokiénna ri laleng Kitta'na Musa, atam-Mu.

YEREMIA 2:30

Paracuma bawang Uhukkukko, saba' dé' mumaélo tarima pakkampareng. Pada-pada singa iya mattengngangngé majjallo, makkuwatoniro iko mpunoi sining nabimmu.

YESAYA 9:13

Rimakkuwannanaro ri laleng si esso bawang nahukkungngi Puwangnge sining pamimpinna Israélié sibawa ra'ya'na. Natéppe'i sibawa nabbéyangngi ulunna nenniya ikko'na.

HOSEA 7:10

Paitani sibawa manessa atemponna tau Israélié sibawa mancaji butti asalanna. Namuni kajajiyang manenni iyaro, dé'to mennang nasappaka iyaré'ga lisui ri Iyya, Puwang Allataalana.

YEREMIA 31:18

Uwéngkalingai umma Israélié makkeda penno amesséng, ‘Oh Puwang, pada-padaki olokolo iya dé'éppa naripakacuwai iyakiya Mulatiki untu' mapato, na makkekkuwangngé sadiyani untu' lisu ri Iko. Jaji, tiwini lisu, oh Puwang, Allataalata.

YEREMIA 5:3

Sitongenna iya natuntu'é Puwangnge iyanaritu atinulureng. Puwangnge munruko, iyakiya dé' mupaduliwi. Nalolongekko, iyakiya dé' mumaélo ripagguru. Matedde atiko, sibawa dé' mumaélo toba' polé ri dosa-dosamu.

MAZMUR 119:27

Tulukka pahangngi hukkung-hukkum-Mu, unennungngi matu pappagguruwam-Mu iya mappabengngaé.

AYUB 36:13

Tau iya dé'é nakképuwang taroi cai; muwi rihukkung ri Puwangnge, dé' namaélo mennang méllau bantuwang.

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

EFESUS 4:21

Purani muwéngkalinga passalenna Aléna! Na selaku sining tau maccowériyéngngi, pura tono ripagguru passalenna sipa-sipa'na Allataala iya engkaé ri Aléna!

YOHANES 10:35

Riissenni makkedaé aga taroki ri laleng Kitta'é kajajiyangngi lettu mannennungeng. Jaji, rékko Allataala nateppui ‘allataala’ lao risining tau iya tarimaéngngi ada-adan-Na,

YOHANES 8:32

namuwissennitu Allataala iya tongengngé, narimakkuwannanaro ripamaradékako matu.”

YOHANES 6:45

Ri laleng Kitta'na Nabi-nabié tarokii makkuwaé, ‘Sininna tauwé ripaggurui matu ri Allataala.’ Jaji sininna tau méngkalingaéngngi Ambo'é sibawa magguru polé ri Aléna, laowi ri Iyya.

LUKAS 24:45

Nanatimpa'ni Yésus akkalenna mennang untu' pahangngi akkattana Kitta'é.

HOSEA 7:14

Dé' nattonget-tongeng massempajang lao ri Iyya. Rékko massempajangngi mennang, naggeppuwangngi aléna ri onrong atinrongngé, sibawa mpating pada-pada iya napogau'é sining tau iya dé'é namateppe lao ri Iyya. Narékko massempajangngi mennang untu' méllau gandong sibawa anggoro, naloi mennang aléna pada-pada iya napogau'é sining tau iya massompaé déwata. Tonget-tongengngi mennang naéwa-Ka!

HOSEA 7:7

Ri laleng napessu caina, naunoi mennang sining pamimpinna. Sininna arunna naunoi matturu-turuseng. Iyakiya namuni keadaangngé mancaji makkuwaro jana, dé' muwi séddi tau massempajang lao ri Iyya untu' méllau tulung.”

AWATINGENG 5:21

Oh Puwang, tiwiki lisu ri alé-Mu; maéloki lisu ri alé-Mu! Palisuni keadaatta pada-pada riyolo.

YEREMIA 44:27

Makkuragaka matu kuwammengngi mumacilaka sibawa dé' mumasennang, narapi maté manekko, muwi ri laleng musué iyaré'ga nasaba sai.

YESAYA 64:7

Dé'gaga massempajang lao ri Iko, iyaré'ga méllauwi pattulum-Mu, saba' Musubbui tappa-Mu polé ri idi, sibawa leppessakki ripaccappu ri dosata.

YESAYA 42:9

Iya Ubotoé makkekkuwangngé maddupani; maélo-Ka mappaissengengngi gau'-gau' iya barué; ri wettu dé'napa nakajajiyang iyaro, purani Upowadakko.”

MAZMUR 119:73

Iko ritu pancajika sibawa tappaka, wérékka pappahang untu' magguruiwi sining parénta-Mu.

MAZMUR 119:18

Timpa'i matakku kuwammengngi uwitai pappagguruwang iya mappabengngaé ri laleng hukkum-Mu.

MAZMUR 85:4

Dé'na Muwacairi mennang; cai-Mu iya maseroé Mugettengngi lisu.

ULANGENG 29:4

Iyakiya narapi essoéwé, dé'pa napakkulléko pahang manengngi iya mupéneddingiyéro.

YESAYA 31:1

Cilakani tau iya laowé ri Maséré untu' méllau bantuwang! Nattuwangngi mennang awatangeng tentarana Maséré nasibawang pasukang pakkinnyaranna sibawa anyaranna iya mawatangngé enrengngé karétana iya maégaé. Iyakiya dé' namateppe mennang lao ri Puwangnge, Allataala mapaccinna Israélié sibawa dé' naéllauwi bantuwan-Na.

2 ARUNG-NGARUNG 22:16

ada-adanna Puwang-ngéwé: “Maélo-Ka hukkungngi Yérusalém sibawa sininna pabbanuwana pada-pada iya tarokié ri laleng kitta iya nappaé nabaca arungngé.

YESAYA 43:22

Makkedai Puwangnge, “Iyakiya iko Israélié, dé' musompa-Ka, sibawa dé'tona muwattumani lao ri Iyya.

YESAYA 64:6

Idi manengngé iyanaritu tau najisi, mala muwi pangkauketta iya makessingngé marota'to sibawa macarépa. Lennye'ki matu nasaba jata pada-pada daung makelle'é naluttureng anging.

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

YEHEZKIEL 16:43

Uhukkukko matu nasaba dé' muwéngngerangngi pékkugi-Ka jampangiko wettummu malolo mupa. Muwébbu-Ka macai nasibawang sininna pangkaukemmu iya majaéro. Magi na sininna ampé-ampému iya mappakaciddi-ciddi'éro mutambai mupi sibawa alawengeng? Iyya Puwang Iya Pommatanré pura mabbicara.”