DANIEL 3:29 - KITTA KAREBA MADECENG

²⁹ Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 3:29 Խաչաձեւ Հղումներ

DANIEL 2:5

Nappébali arungngé, “Purani uwala apettungngéwé: Harusu'ko mappaissengengngi nippiéro lao ri iyya, makkuwatoro bettuwanna. Rékko dé' muwulléi, rilétta'-létta'ko matu sibawa riruttungngi matu bolamu.

MAZMUR 76:10

Wettum-Mu tokkong maélo mangadéléki untu' passalama'i tau ritenre'é ri linoé.

ULANGENG 32:31

Naisseng balinna Israélié makkedaé pallinrunna mennang dé' napada-pada Allataala pallinrunna Israélié.

DANIEL 3:28

Nainappa makkeda arungngé, “Pojiwi Allataala iya nasompaé Sadrakh, Mésakh sibawa Abédnégo. Purai nasuro malaéka'-Na untu' passalama'i iya tellu atan-Na iya mateppe'é ri Aléna. Purai mennang najjalékkai paréntaku sibawa lebbi napojiwi maté naiya sompaéngngi iyaré'ga tumaningiwi muwi déwata niga sangadinna Allataalana muto mennang.

DANIEL 3:17

Rékko Allataala iya risompaé naulléi passalama'ki polé ri api iya malluwa'-luwa'éro sibawa polé ri akuwasanna Puwakku, pasti napogau'i.

DANIEL 3:15

Nah, makkekkuwangngé, sadiyakoga untu' suju' sibawa sompai dato'-dato'éro wettunna moni musi'é? Rékko dé' mumaélo, matteruko matu riyaggenrungeng ri laleng api iya malluwa'-luwa'é. Na déwata nigana mulléi passalama'ko matu polé ri akuwasakku?”

MAZMUR 3:8

Passalama'ka, oh Puwang Allataalaku, hukkungngi sibawa képoi sininna balikku.

EZRA 6:11

Uwapparéntangngi kuwammengngi tau iya majjalékkaiyéngngi paréntaéwé ribébbui séddi alliri bolana, naricéru cappa'na, nainappa ritoddokeng watakkaléna tauwéro gangka bettu. Harusu'i ribongkara bolana sibawa ripancaji onrong warowo.

2 ARUNG-NGARUNG 10:27

Iyaro dato-dato'é naancuru'ni silaong bolana nainappa iyaro onrongngé napancaji ajjambangeng lettu essoéwé.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 1:19

Puranana sipabbicara sibawa iya maneng mennang, nalolongenni arungngé makkedaé Daniél, Hananya, Misaél sibawa Azarya napakacauriwi iya lail-laingngé ri laleng sininna passalengngé. Namappammulana mennang majjama ri saorajana arungngé.

DANIEL 2:17

Ritarimani paréllaunna, nainappa lisu Daniél ri bolaé sibawa mappaissengengngi sininna kajajiyangngéro lao ri Hananya, Misaél sibawa Azarya.

DANIEL 2:47

Makkedai arungngé, “Tongeng, Daniél, iyaro Allataalamu kaminang maloppo ri yelle'na sining Allataalaé. Aléna iyanaritu makuwasa ri sininna arungngé, sibawa timpa'éngngi sininna rahasiyaé. Uwisseng gau'éro saba' muwulléi pakatajangngi bettuwanna rahasiyaéwé.”

DANIEL 2:49

Iyakiya nasaba paréllaunna Daniél, nabbéréyangngi arungngé apparéntanna propinsi Babélro lao ri Sadrakh, Mésakh sibawa Abédnégo, na aléna Daniél monroi ri saorajaé.

DANIEL 3:12

Iyakiya siyagangngaré tau Yahudi iya puraé nawéréng Puwakku apparéntang ri propinsi Babél dé' nabati-batiwi paréntana Puwakkuro. Iyanaritu Sadrakh, Mésakh sibawa Abédnégo. Iyaro sining tauwé dé' namaélo sompai déwata-déwatana Puwakku sibawa dé'to nasompai dato-dato ulaweng iya napatettongngé Puwakku.”

DANIEL 6:28

Mappassalama'i sibawa mappaleppe, pogau'i anu makalallaing sibawa dé'é padanna ri langié iyaré'ga ri linoé. Purani ripassalama Daniél, polé ri pakkokkona singa-singaé.”