DANIEL 1:4 - KITTA KAREBA MADECENG

⁴ Harusu'i mennang kallolo-kallolo iya dé'é sala-salanna. Harusu'i mennang magello, matanré aggurunna, macca sibawa malowang pangissengenna enrengngé sipato untu' majjama ri laleng saorajaé. Aspénas harusu paggurui mennang mabbaca sibawa maroki basa Babél.

DANIEL 1:4 Խաչաձեւ Հղումներ

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

RIWAYA'NA RASUL-RASUL-E 7:22

Sining pangissengeng bangsa Maséré'é ripagguruwanni namancajina tau makuwasa senna' ri laleng ada-adanna sibawa pangkaukenna.

AMSAL 22:29

Engkaga naengka muwitai tau iya maccaé pogau'i jama-jamanna? Iyaro tauwé ripajjamai matu ri saorajana arung-ngarungngé, tenniya ri bolana tau biyasaé.

2 SAMUEL 14:25

Ripojiwi Absalom selaku tau iya kaminang magelloé risininna Israélié. Dé' gaga tau lebbi gello naiya aléna. Polé ri palakajéna lettu ri cappa gemme'na dé' gaga sala-salanna.

DANIEL 2:10

Nappébali sining tau accaéro, “Ri sininna linoé dé' muwi séddi tau iya mullééngngi mappaissengengngi aga iya nacinnaiyé Puwakkuro. Sibawa dé'pa naengka séddi arung, muwi maga rajanna sibawa lebbina, tuntu'i gau' pada-padaéro polé risining pabotoé, pajjappi maccaé, sibawa sining tau mappangissengengngé ri saorajana.

RIWAYA'NA RASUL-RASUL-E 7:20

Ri wettuénnaro najaji Musa; séddiwi ana'lolo iya magello senna'é. Tellumpuleng ittana ripiyara ri bolana ambo'na,

DANIEL 5:7

Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”

DANIEL 4:7

Iyakiya wettunna sining pabotoé, pajjappi maccaé, sining tau mappangissengengngé sibawa sining pappalakiyaéro polé sibawa ucuritangngi nippikkuro lao ri mennang, dé' muwi séddi tau mulléi pakatajangngi bettuwanna.

PAKKATOBBA 7:19

Amaccangngé mébbui iya mappunnaiyéngngi lebbi barani naiya seppuloé panguwasa ri séddié kota.

HAKING-HAKING 8:18

Purairo makkutanani Gidéon ri Zébah sibawa Salmuna, “Pékkugi tappana sining tau iya muwunoé ri Taborro?” Nappébali Zébah sibawa Salmuna, “Sininna mennang maéloko pada, pada-pada wija-wijanna arungngé.”

EFESUS 5:27

Narimakkuwannanaro naébbui Kristus iyaro jema'é tettong sibawa maraja enrengngé mapaccing ri yolona, sibawa dé'gaga akurangenna iyaré'ga cellana muwi aga.

DANIEL 3:8

Siyagangngaré tau Babél pakéi kasempatangngéro untu' cilakaiwi tau Yahudié.

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

YESAYA 36:11

Namakkeda Elyakim, Sébna sibawa Yoah lao ri parawira Asyur-éro, “Puwang, abbicara bawanni ri laleng basa Aram sibawa idi, tapahang muwa. Aja' tapakéi basa Ibranié, napahangngi matu ra'ya'é ri yasé'na témbo kotaéro.”

YEREMIA 5:15

Eh umma Israélié, Puwangnge mattengngang papolé séuwa bangsa polé ri wanuwa iya mabélaé untu' gasako. Iyaro bangsaé engkani riyolopa nariyolo, basana dé' muwissengngi. Mawatang senna'i,

DANIEL 9:1

Ri taung mammulangngé apparéntanna Darius tau Médiaé, ana' worowanéna Ahasywéros ri akkarungeng Babél, iyya Daniél, baca-bacai kitta-kitta agamaé. Unennun-nennungngi makkedaé manuru adanna Puwangnge lao ri Nabi Yérémia, tette'i kota Yérusalém maruttung matu pituppulo taung ittana.

ZAKHARIA 2:4

Makkedai malaéka' mammulangngé lao ri malaéka' iya maduwaé, “Laono masitta ri kalloloéro, namupowadangngi makkedaé makkuwamani matu ripennoinna Yérusalém sibawa tau enrengngé olokolo angkanna dé' namakkullé ripatettong témbo'é ri mattulilinna.