AWATINGENG 5:7 - KITTA KAREBA MADECENG

⁷ Madosai toriyolota, dé'ni gaga makkekkuwangngé; iyakiya harusu'ki manrasa-rasa, nasaba dosa-dosana mennang.

AWATINGENG 5:7 Խաչաձեւ Հղումներ

YEREMIA 31:29

Iyaro wettué dé'na nakkeda matu tauwé, ‘Tomatowaé manré buwa iya makeccié, isinna ana'na mangélu,’

YEREMIA 16:12

Iyakiya mupogau'i iya lebbi majaéppasi. Matedde atiko sibawa banna maccowériwi élomu muto iya majaé. Dé' mumaélo mapato lao ri Iyya.

YEHEZKIEL 18:2

“Magi nariteppu matteru-teru iyaé warékkadaé ri Israélié? ‘Tomatowaé manré buwa anggoro iya makeccié, iyakiya ana'-ana'na iya mangélué isinna.’

YEREMIA 14:20

Puwang, lao ri Iko bawang puraki madosa. Riyakuiwi dosata muto sibawa dosana toriyolota.

ASSURENG 20:5

Aja' musompai dato'-dato' makkuwaéro, nasaba Iyya'na Puwang Allataalamu, na dé' umaélo ripappada-padai sibawa muwi aga. Sining tau iya benciyék-Ku, Uhukkungngi lettu ri wija matellué sibawa maeppaé.

YEREMIA 31:15

Makkedai Puwangnge, “Ri Rama riyéngkalingai sadda mpatingngé, sibawa addarékéng iya risalipuriyé apeddireng. Rahél mpatingiwi ana'-ana'na, dé' namaélo risaléwori saba' dé'ni mennang.

KAJAJIYANG 42:36

Namakkedana ambo'na, “Iko nassabarika nateddéng maneng ana'-ana'ku. Dé'ni gaga Yusuf; dé' toni gaga Siméon; na makkekkuwangngé maélosiko mala towi Bényamin. Tenniya pato anrasa-rasakku!”

ZAKHARIA 1:5

Kégani néné-nénému sibawa iyaro nabi-nabié makkekkuwangngé? Dé'ni gaga mennanna.

AYUB 7:21

Dé'ga Muwulléi maddampengengngi dosaku? Dé'ga namakkullé-Ko leddai asalakku? Dé'na namaitta uléwu ri laleng kuburu'é, sibawa rékko Musappaka, dé' matu Mulolongengngi.”

AYUB 7:8

Makkekkuwangngé Muwitaka – iyakiya iyaro dé' namaitta. Rékko matti Musappaka, dé'ni gaga.

KAJAJIYANG 42:13

Nappébali mennang, “Idi'é seppuloki duwa massilessureng, Puwakku, séddimi ambo'ta engkai ri Kanaan. Séddi polé ri idi maténi na iya maloloé makkekkuwangngé engkai silaong ambo'ta.”

ABBILANGENG 14:18

‘Iyya, Puwang, dé' namasitta macai. Uwappaitangngi pammasé-Ku nenniya atinulurek-Ku sibawa maona. Uwaddampengengngi tau iya madosaé sibawa iya méwaékka. Namuni makkuwaro, asalanna tomatowaé Uwakkabalekengngi matu lao ri ana'-ana'na nenniya eppo-eppona, lettu ri wija-wijanna matellué sibawa maeppaé.’

YEREMIA 16:11

Paissengiwi mennang makkedaé Iyya makkeda makkuwaka'é, ‘Nasalai-Ka toriyolomu untu' massompa sibawa mattumani lao ri déwata-déwata laingngé. Dé' najampangi-Ka sibawa dé' namaélo turusiwi peraturang-peraturak-Ku.

YEHEZKIEL 16:58

Harusu'ko manrasa-rasa selaku addimonrinna pangkaukemmu iya macarépaé sibawa mappakaciddi-ciddi'éro. Iyya Puwang pura mabbicara.”