AWATINGENG 4:16 - KITTA KAREBA MADECENG

¹⁶ Dé'na najampangini Puwangnge umma'-Na; Aléna muto passara-sarangngi mennang sibawa mébbui imang-ngimangngé dé'na riyangke; sining pamimpingngé dé'gaga mamaséiwi.

AWATINGENG 4:16 Խաչաձեւ Հղումներ

AWATINGENG 5:12

Ritikkengngi sining pamimpitta sibawa rigattung, sining tomacowata dé'na naripoji.

IBRANI 8:9

Dé' napada-pada assijancing iya Uwébbué sibawa néné-nénéna mennang wettuk-Ku dulungngi mennang massu polé ri wanuwa Maséré'. Dé' mennang namatinulu ri assijancing iya Uwébbué sibawa mennang; iyanaro saba'na dé' Napaduliwi mennang.

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

ULANGENG 32:26

Macinnaka pallennye sisengngi mennang, kuwammengngi dé'na Nariyéngngeranna mennang.

ULANGENG 28:25

Rékko dé' muturusiwi Puwang Allataalamu, Naébbuko matu ricau risining balimmu. Maggasako matu secara taratoro', iyakiya lariwi sibawa tassiya-siya. Sininna bangsaé ri linoé métaui matu mitai acilakammu.

YEREMIA 15:4

Uwébbui matu sininna bangsaé ri linoé métau mitai mennang. Iya manennaro Upogau'i nasaba pangkaukenna Manasyé ana' worowanéna Hizkia ri Yérusalém wettunna mancaji arunna Yéhuda.”

MAZMUR 106:44

Iyakiya naéngkalingai Puwangnge gorana mennang, Najampangiwi asussanna mennang.

2 TAWARIKH 36:17

Puwangnge pakédoi atinna arung Babél kuwammengngi nagasai mennang. Iyaro arungngé naunoi tau Yéhuda maloloé, muttama'ni mennang iya engkaé ri laleng Bolana Puwangnge. Dé' namaséiwi muwi séddi tau, macowa iyaré'ga malolo, worowané sibawa makkunrai, malasa iyaré'ga saléwangeng. Riyabbéréyang manengngi mennang ri Allataala lao ri arung Babél.

KAJAJIYANG 49:7

Tattanroi caina mennang, nasaba serona. Tattanroi caina mennang, nasaba abeccokenna. Upassara-sarangngi matu mennang, ri sininna Israélié. Uwassiyamporengngi matu mennang ri yelle'na sininna bangsaé.

YEREMIA 52:24

Ri lainnaéro, natikkengngi Nébuzaradan Imang Lompo Séraya, Zéfanya wakkélé'na, tellu tau panganrowang sumpanna Bolana Puwangnge,

AWATINGENG 2:6

Naancuru'i Bola-Na onronna umma'-Na maddeppungeng untu' sompai. Naébbui tauwé mallupaiwi esso Saba'é sibawa esso-esso marajaé. Nasaba macai senna'i Puwangnge, imang sibawa arungngé Nasampéyangngi.

MAZMUR 106:27

Nabbéyangngi matu wija-wijanna mennang ri yelle'na bangsa-bangsaé sibawa passara-sarangngi ri wanuwa-wanuwa laingngé.

YESAYA 24:2

Sininna tauwé napéneddingiwi toto iya padaé: imang-ngimangngé sibawa ra'ya'é, ata riyelli sibawa ponggawana, pabbalu'é sibawa pangelli, panginrengngé sibawa pappainrengngé, sugié sibawa kasiyasié.

YESAYA 47:6

Riyolo macai-Ka lao ri umma'-Ku, dé'na mennang Uwangga'i appunnangek-Ku. Nainappa Uwabbéréyang mennang lao ri iko, na iko dé' muwamaséiwi mennang, mala iya macowa-cowaé mutenre'i sibawa mabecco.

AWATINGENG 2:20

Puwang, itani sibawa pénessaini mennang iya Musissaéro! Engkaga pura Mugaukeng makkuwaro? Nanréi indo'é ana' riyaléna iya naéloriyé, riyunoi imangngé sibawa nabié ri Bola-Mu iya mapaccingngé.

YEHEZKIEL 5:10

Nanréi matu tomatowaé ana' ri aléna sibawa ana'é nanréi matu tomatowanna. Makkuwaniro mennang Uhukkung matu, na iya tuwoé mupa Upassara-sarangngi lao ri sininna sulapa'é.