AWATINGENG 2:8 - KITTA KAREBA MADECENG

⁸ Purani napettui Puwangnge makkedaé sining témbo'na Sion harusu'i riruttung. Iyaro sining témbo'é purani naukkuru, kuwammengngi naullé manengngi mancuru'i. Sining témbo'é sibawa sining manaraé, mancaji ruttungeng manenni makkekkuwangngé.

AWATINGENG 2:8 Խաչաձեւ Հղումներ

2 ARUNG-NGARUNG 21:13

Maélo-Ka hukkungngi Yérusalém pada-pada Uhukkunna Samaria sibawa Ahab arunna Israélié enrengngé wija-wijanna. Maélo-Ka pépaccingiwi Yérusalém pada-pada penné iya puraé ribissai sibawa ripaoppang.

YEREMIA 14:2

“Messé atiwi Yéhuda céddé'ni maté kota-kotana. Léwuni sining taunna ri tanaé sibawa maddaréké. Kelli Yérusalém méllau ribantu.

YESAYA 34:11

Unrengngé sibawa landa'é monroiwi matu, kacoci'é sibawa kao-kaoé monro matu kuwaro. Puwangnge pancajiwi iyaro tanaé kacau sibawa kullang pada-pada ri wettu dé'napa appancajingengngé.

YESAYA 3:26

Ri gerbang-gerbanna kotaé mabbaratai matu tauwé sibawa mpating, sibawa iyaro kotaé pada-padai matu makkunrai ripallusu-lusuiyé iya tudangngé ri tanaé.

YEREMIA 5:10

Suroka matu bali untu' solangiwi palla anggoro'na mennang, iyakiya tenniya untu' paccappui. Usuroi matu iyaro balié lébongngi carangé-carangéna pong anggoro'na mennang, saba' iyaro carangé-carangéé tenniya appunnangek-Ku.

YEHEZKIEL 20:22

Iyakiya dé' Upogau'i kuwammengngi aja' naripakatuna asek-Ku ri bangsa-bangsa iya mitaék-Ka tiwii Israélié massu polé ri Maséré.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

AWATINGENG 2:5

Mancajiwi Puwangnge pada-pada balié; Naunrui Israélié gangka maruttung. Naancuru'i sining bénténgngé nenniya saorajaé, sibawa pamégaiwi sara ninnawaé ri pabbanuwana Yéhuda.

AWATINGENG 2:2

Tungke' padang wellaé ri wanuwa Yéhuda, Naancuru'i temmaressé. Naleppoi ri laleng cai-Na gangka maruttung sining bénténg iya linrungiyéngngi wanuwaéro. Iyaro akkarungengngé silaong sining pamimpinna Napasempé'i angkanna mancaji matuna.

YESAYA 28:17

Adélékengngé Upancaji tulu pangukkuru, sibawa alempurengngé Upancaji tulu becci'na.” Bosi batué seringngi matu gangka mapaccing sininna bellé iya muwattuwangngé. Lémpe'é malirengngi matu onrong assubbuwammu.

YESAYA 5:5

Mappakkuwaiyé Ugaukengngi matu iyaro palla anggoro'-Ku: Ubébbui matu sappo iya mattulilingiyéngngi, témbo iya linrungiyéngngi Uruttungngi matu, nainappa Uleppessang olokolo masekkangngé solangiwi sibawa léjja-léjja'i.

AYUB 13:21

appésauno sissaka, sibawa aja' Mugeppaka sibawa aserom-Mu!

2 SAMUEL 8:2

Nacau towi Daud tau Moab-é. Nasuroi mennang léwu ri tanaé, nainappa nauno duwa tau ri yelle'na tellu tau. Jaji, tunru'ni tau Moab-é lao ri Daud sibawa makkamaja pakkasuwiyang lao ri aléna.

AWATINGENG 2:18

Eh témbo'-témbo' Yérusalém, angobbino lao ri Puwangnge! Pabbarébé'i uwai mataé pada-pada salo massolo'é esso wenni. Atteruno teri, aja' muwappésau narapi matekko watakkalému!

YESAYA 22:5

Mémeng Puwang Iya Pommatanré sibawa Pommakuwasaé pura pattentui iyaé essoé selaku esso akacaungeng, awéwangeng sibawa arocakeng ri Lompo Pakkitangngé. Riruttunni témbo-témbo kotaé. Kelli méllau tulungngé maddaremmeng ri bulu-bulué.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.