AWATINGENG 2:7 - KITTA KAREBA MADECENG

⁷ Nasampéyangngi Puwangnge mézba-Na iya mapaccingngé, sibawa salaiwi Bola-Na muto; Naleppessangngi balié ruttungngi sining témbo'na. Ri onrotta riyolo massompa sibawa mappésta, gora-gorai balié nasaba battowai.

AWATINGENG 2:7 Խաչաձեւ Հղումներ

YEHEZKIEL 24:21

palettu'i iyaé pasengngé lao ri iko: Muwabbangkakengngi awatangenna Bolana Puwangnge. Mupoji mitai sibawa lokkaiwi, iyakiya Puwangnge carépaiwi matu Bola-Na. Sibawa anggota-anggota kaluwargamu iya maloloé mupa, iya monroé ri Yérusalém, riyunoi matu ri laleng ammusurengngé.

AMOS 2:5

Rimakkuwannanaro, kirik-Ka matu api lao ri Yéhuda sibawa tunui gangka cappu sining bénténna Yérusalém.”

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

MATIUS 24:2

Nakkeda Yésus lao ri mennang, “Muwitaga iya manennaro? Issenni, dé'gaga muwi séddi batu polé ri bolaéro monro matu tassusung ri onronna. Iya manennaro riruttungngi matu.”

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

YEHEZKIEL 7:24

Upapoléi matu bangsa-bangsa iya kaminang majapperué untu' tudangiwi sining bolamu. Métaui matu sining tau porému iya baranié narékko Uleppessangngi iyaro bangsa-bangsaé mancuru'i onrong-ngonrong assompammu.

AWATINGENG 2:5

Mancajiwi Puwangnge pada-pada balié; Naunrui Israélié gangka maruttung. Naancuru'i sining bénténgngé nenniya saorajaé, sibawa pamégaiwi sara ninnawaé ri pabbanuwana Yéhuda.

AWATINGENG 2:1

Tinda'i Puwangnge ri laleng caina, Nasalipuriwi Sion sibawa pettang. Arajanna Israélié iya sittanré langié, purani Naggeppuwang ri linoé. Wettunna macai Puwangnge, muwi Bola-Na ri Sion dé'to Najampangiwi.

YEREMIA 39:8

Na wettuéro natununi sining tau Babél-é saorajana arungngé sibawa sining bolana ra'ya'é, enrengngé ruttungngi témbo-témbo'na Yérusalém.

YEREMIA 32:29

sibawa tunui gangka cappu silaong sibawa sining bola kégi tauwé paompoi cai-Ku, nasaba ri pabbingenna sining bolaéro tunui mennang dupa lao ri Baal sibawa tiri anggoro untu' pakkasuwiyang lao ri déwata-déwataé.

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

YEREMIA 26:6

Rékko tette'ko dé' mumaélo turu, iyaé bola assompangngé Ugaukengngi matu pada-pada Silo, angkanna sininna bangsaé ri linoé pakéi asenna iyaé kota Yérusalém selaku tanro.”

2 TAWARIKH 36:19

Naruttungngi témbo'na kota Yérusalém, sibawa natunui iyaro kotaé, muttama'ni Bolana Puwangnge sibawa sininna saorajaé silaong barab-barang mangke'é iya engkaé mupa ri laleng sining saorajaéro.

ANGIMANGENG 26:44

Iyakiya ri wetu engkana mupa mennang ri wanuwanna balié, dé' Usalaiwi mennang iyaré'ga Upabbinasa sisengngi. Saba' rékko Upabbinasai mennang, bettuwanna Upettuini assijancik-Ku sibawa mennang, padahal Iyya'na Puwang, Allataalana mennang.

ANGIMANGENG 26:31

Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.

MAZMUR 89:39

Iyakiya makkekkuwangngé macai-Ko lao ri arungngé, Muwabbéyangngi sibawa sampéyangngi tau Mupilé.

YEREMIA 21:4

paissengiwi Zédékia makkedaé Puwangnge, Allataalana Israélié, makkeda makkuwaé, “Zédékia, maélo-Ka caui pasukammu iya mattengngangngé mammusu méwai arung Babél sibawa pasukanna. Senjata-senjatana tentaramu Ugoppoi matu ri tengnga-tengngana kotaé.

YEREMIA 50:28

Sining tau iya lariyé lao ri Yérusalém polé ri Babél curitai pékkugi Puwang Allataalata mpale'i pangkaukenna tau Babél-é lao ri Bolana Puwangnge.)

AWATINGENG 1:4

Ri esso-esso marajaé dé' muwi séddi tau lao ri Bolana Allataala. Ana'-ana' dara pakkélongngé kuwaro manrasa-rasai, sibawa maddarékéi imang-ngimangngé. Dé'gaga tau ri pintu-pintu gerbangngé, risalipurini amesséng Kota Sion.

2 ARUNG-NGARUNG 25:9

Natununi Nébuzaradan Bolana Puwangnge, saorajana arungngé, sibawa bolana sininna tomariyoloé ri Yérusalém.

YESAYA 64:9

Jaji aja' tamacai senna, oh Puwang, aja'na taéngngerangngi dosata; itani, idi'é umma'-Mu.

YEREMIA 4:26

Tana commo'é mancajini padang kessi marakko, ancuru kota-kotaé, nasaba macai senna'i Puwangnge lao ri umma'-Na. (

YEREMIA 4:27

Napowadai Puwangnge makkedaé sininna linoé mancajiwi matu padang kessi, iyakiya dé' Namaélo paccappu sisengngi.)