AWATINGENG 2:15 - KITTA KAREBA MADECENG

¹⁵ Sininna iya laloé méllé-kéllé'ko, nasaba ancuruko iya manenna. Napaccilic-cilingngi mennang ulunna sibawa makkeda, “Iyaroga kota iya kaminang magelloé, kota nabbangkakengngé linoé?”

AWATINGENG 2:15 Խաչաձեւ Հղումներ

YEREMIA 18:16

Iyaé wanuwaé purani napancaji mennang onrong iya mappakatau-taué, sibawa tuli mancajiwi akkéllé-kéllékeng. Sininna iya laloiyéngngi napaccilic-cilingngi matu ulunna nasaba métaui.

MAZMUR 48:2

Maraja tongeng Puwangnge sibawa ripoji senna ri Kotana Allataalata, ri bulu-bulu iya mapaccingngé.

YEHEZKIEL 25:6

Makkedai Puwang Iya Pommatanré, “Mappaleppa'ko namuséréto marennu. Mupakariyawai tanana Israélié.

YEREMIA 19:8

Maélo-Ka pakennaiwi abala iya maseroé ri yasé'na kotaéwé angkanna tungke tau iya laloé kuwaro métaui matu sibawa tasséleng.

MAZMUR 50:2

Polé ri Sion, kota iya kaminang magelloé. Mallurui Allataala sibawa maccahaya.

ZEFANYA 2:15

Iyanaro kajajiyang matu ri kota iya marowaéro sibawa iya mangga'éngngi aléna amang sibawa tennang. Nasengngi pabbanuwana makkedaé iyaro kotana mennang kota kaminang battowa ri linoé. Temmaka sino-sinona daéraéro, dé'gaga monroiwi sangadinna olokolo ale iya massarangngé kuwaro! Tungke' tau iya laloé ri kotaéro tasséleng matu sibawa taggeringkering.

YESAYA 64:11

Bolana Allataala iya mapaccingngé sibawa malebbié onron-Na toriyolota poji-Ko, purani ripaccappu ri apié; sininna onrong iya ripojiyé mancajini ruttungeng.

YESAYA 37:22

makkedai Puwangnge, “Kota Yérusalém cawa-cawaiko sibawa méllé-kéllé'ko, Sanhérib!

MAZMUR 22:7

Iyakiya iyya'é lati, tenniya tolino, ricella-cella sibawa ripakatuna ri tau maégaé.

MARKUS 15:29

Sining tau iya laloé kuwaro napaccilic-ciling ulunna sibawa cella-cellai Yésus. Makkedai mennang, “Eh, Iko maéloé ruttungngi Bolana Allataala sibawa patettongngéngngi ri laleng tellungngesso.

MATIUS 27:39

Sining tau iya lalowé kuwaro maccilic-ciling ulunna, sibawa nacella-cellana Yésus.

NAHUM 3:19

Dé' nariyullé mpurai lomu sibawa dé' nariyullé pajjappa. Sininna tau iya méngkalingaéngngi karéba ancurukemmu mappaleppa'i marennu. Saba' manrasa-rasa manenni tauwé nasaba jamu iya dé'é nacappuro.

MIKHA 6:16

Iya manennaro kajajiyangngi nasaba muwaccowériwi sining pangkaukeng majana Arung Omri sibawa ana'na, iyanaritu Arung Ahab. Muwaccowériwi cara-carana mennang. Rimakkuwannanaro Uwancuru'ko matu, nariyéllé'ko matu sibawa ripakatuna ri sininna bangsaé.”

AWATINGENG 2:16

Sininna balimmu naitai tappamu sibawa paccéccé, nacawa-cawaiko mennang sibawa paéllé. Makkedai mennang, “Iyaro kotaé purani riyancuru! Angkanna narapi toni wettunna iya maittaénna tatajengngi!”

AWATINGENG 2:6

Naancuru'i Bola-Na onronna umma'-Na maddeppungeng untu' sompai. Naébbui tauwé mallupaiwi esso Saba'é sibawa esso-esso marajaé. Nasaba macai senna'i Puwangnge, imang sibawa arungngé Nasampéyangngi.

AWATINGENG 1:8

Nacarépaiwi aléna muto Yérusalém ri laleng napogau'na maéga dosa matunaé. Sininna iya pakalebbiéngngi riyolo, makkekkuwangngé napakatunani nasaba naitai allusu-lusunna. Maddarékéi, nasaba ateddéngenni rupa.

YEREMIA 51:37

Mancaji aggoppong ruttungengngi matu iyaro wanuwaé, onronna massubbu asu ale'é. Maséleng tauwé mitai, sibawa dé' muwi séddi tau maélo monro kuwaro.

YEREMIA 29:18

Ulellungngi matu mennang sibawa musu, akkadéreng, sibawa sai angkanna sininna bangsaé risininna linoé takkini-kini matu mitai keadaanna mennang. Kégi-kégi Upassara-sarangngi mennang, takkini-kinii matu tauwé sibawa métau mitai aga iya puraé kajajiyang sibawa mennang. Riyéllé'i matu mennang, sibawa asenna mennang ripakéi selaku tanro.

YEREMIA 25:18

Yérusalém sibawa sininna kotaé ri Yéhuda, silaong sining arungngé nenniya pajaba-pajaba'na, uwérénni naénungngi iyaro anggoro'é, angkanna mancajini mennang pada-pada padang iya makabuttué sibawa mappakatau-taué. Lettu essoéwé ripakéi asenna mennang selaku tanro.

YEREMIA 25:9

‘Maélo-Ka mobbii sininna bangsaé polé ri manorang, sibawato atak-Ku, Nébukadnézar arung Babél. Upangarai matu mennang untu' mammusu méwai Yéhuda sibawa pabbanuwana enrengngé sininna bangsaé ri seddéna. Bangsa Yéhudaé sibawa bangsa-bangsaé ri seddéna Upabbinasai matu sibawa Uleppessang ancuru untu' mannennungeng. Sining tau iya mitaéngngi tassélengngi matu sibawa métau. Iyya, Puwang, pura mabbicara.

2 TAWARIKH 7:21

Iyaé bola assompangngé ripakalebbi senna'i makkekkuwangngé, iyakiya iyaro wettué tungke tau iya laloé kuwaro hérangngi matu mitai. Makkedai matu mennang, ‘Magi Puwangnge napogau'i makkuwaéro lao ri wanuwaéwé sibawa bolaéwé?’

2 ARUNG-NGARUNG 19:21

makkedai Puwangnge, “Nacawa-cawaiko sibawa naéllé-kéllé'ko kota Yérusalém, Sanhérib.

MAZMUR 64:8

Iyakiya Allataala mattémbakengngi pana-Na lao ri mennang, natennasenna-sennai maloi mennang.

MAZMUR 109:25

Sining tau iya mitaékka napakatunaka nanapaccilic-ciling towi ulunna.

YESAYA 28:21

Tokkongngi matu Puwangnge pada-pada ri Bulu Pérazim. Méwai matu pada-pada ri Lompo Gibéon untu' pogau'i akkatta-Na, akkatta iya makalallaingngé untu' tolinoé! Napogau'i matu winru-Na iya mappabengngaé.

YEREMIA 48:27

Dé'ga nariyolo purani ricawa-cawai tau Israélié ri Moab sibawa ripetenna samanna mennang purai ripoléi mattengngang silaong sining pangaé?

AWATINGENG 1:21

Oh Puwang! Engkalingai addarékékku, dé'gaga saléworika. Marennui sining balikku, nasaba Muwébbuka macilaka. Papoléni esso iya Muwajjanciyangngéro; ébbui mennang manrasa-rasa pada-pada iyya.

YEHEZKIEL 16:14

Sininna bangsaé pojiwi agelloremmu iya sukkuéro, na Iyya ritu pura mébbuko mamello. Iyya Puwang Iya Pommatanré pura mabbicara.

MAZMUR 48:3

Sion, Bulu Allataala maccaloli'i magello kotana Arung Marajaé perennuiwi sininna linoé.

YEREMIA 26:6

Rékko tette'ko dé' mumaélo turu, iyaé bola assompangngé Ugaukengngi matu pada-pada Silo, angkanna sininna bangsaé ri linoé pakéi asenna iyaé kota Yérusalém selaku tanro.”

YEHEZKIEL 5:15

Rékko macai-Ka sibawa majjamerru lao ri iko enrengngé hukkukko, sininna bangsaé ri mattulilimmu masélengngi matu. Naéllé'ko matu sibawa maja péneddinna mitako.

YEHEZKIEL 16:13

Makkuwaniro mabbélo-bélo ulawekko sibawa péra'; pakéyammu riyébbui polé ri kaing lénangngé sibawa sabbé risulangngé. Weddikko manré roti polé ri tarigu iya kaminang makessingngé, nasibawang cani sibawa minnya zaitun. Agelloremmu dé' tongeng padanna sibawa mancaji ratuko.

YEHEZKIEL 23:32

Makkedai Puwang Iya Pommatanré, “Harusu'i muwemme lise' cangkiri'na kakamu. Iyaro cangkiri'é battowa sibawa maliyung. Lise'na pennoi pangéllé, iya harusu'é mutanggung polé ri tungke tau.

DANIEL 9:16

Purani Muéwai ri wettu riyolo, rimakkuwannanaro aja'na Mumacaisi lao ri Yérusalém, kota-Mu muto, bulu-bulu-Mu iya mapaccingngé. Nasaba dosata sibawa jana néné-nénéta, na sininna tauwé ri mattulilitta naita mariyawai Yérusalém sibawa umma'-Mu.