AWATINGENG 2:1 - KITTA KAREBA MADECENG

¹ Tinda'i Puwangnge ri laleng caina, Nasalipuriwi Sion sibawa pettang. Arajanna Israélié iya sittanré langié, purani Naggeppuwang ri linoé. Wettunna macai Puwangnge, muwi Bola-Na ri Sion dé'to Najampangiwi.

AWATINGENG 2:1 Խաչաձեւ Հղումներ

MAZMUR 132:7

Laono mai talao ri onrong naonroiyé Puwangnge, sibawa sompai ri yolo-Na kadéra akkarungen-Na.

1 TAWARIKH 28:2

Tettonni Daud ri yolona mennang sibawa makkeda, “Saudara-saudara sibangsa, éngkalingai! Maittana manniya patettong séddi bola mattette untu' Petti Assijancingngé, attuppuwang ajéna Puwang Allataalata. Purana' mébbu pappassadiyang untu' patettong séddi bola onrong sompai Aléna.

LUKAS 10:18

Nappébali Yésus, “Uwitai Ibillisi'é sempé polé ri langié pada-pada billa'é.

MATIUS 11:23

Na iko, Kapernaum! Maélokoga ripakatanré lettu ri surugaé? Mala riyabbéyakko matu ri ranakaé! Saba' akkalarapanna sining anu makalallaingngé iya naébbué ri tengnga-tengngamuro pura ri yébbui ri Sidon, engka mupi Sodom lettu makkekkuwangngé!

YOEL 2:2

Iyaro essoé makalemmengngi namapettang, pennoi saléwu iya mallawu-lawué. Makkapoléngngi tentara incalé pada-pada ellung iya mallebba'é ri yasé'na bulué. Kajajiyang pada-padaéro dé' naengkapa, sibawa dé'to nakkoling matu lettu mannennungeng.

YEHEZKIEL 30:18

Ri wettu Upaccappa'na akuwasanna Maséré sibawa malai akuwasanna iya makkuwaémmani nabbangkakenna, nasalipuriwi matu pettang Tahpanhés sibawa ritawangngi matu sining makkunrainna.

MAZMUR 99:5

Pakalebbii Puwang Allataalata, suju'no ri yolona kadéra arajan-Na, Mapaccingngi Aléna!

LUKAS 10:15

Sibawa iko Kapernaum! Muwasengngiga ripakatanréko lettu ri surugaé? Dé'! Mala riyabbéyakko matu ri ranakaé!”

YEHEZKIEL 24:21

palettu'i iyaé pasengngé lao ri iko: Muwabbangkakengngi awatangenna Bolana Puwangnge. Mupoji mitai sibawa lokkaiwi, iyakiya Puwangnge carépaiwi matu Bola-Na. Sibawa anggota-anggota kaluwargamu iya maloloé mupa, iya monroé ri Yérusalém, riyunoi matu ri laleng ammusurengngé.

AWATINGENG 4:1

Ulaweng iya lala'-lala'é mancaji massalawuni batu-batunna Bolana Allataala tattale'ni ri lalengngé.

AWATINGENG 1:1

Temmaka sino-sinona Yérusalém makkekkuwangngé, kota iya marowa senna'é riyolo. Riyolo riyattuwang ri yelle'na bangsa-bangsaé, makkekkuwangngé pada-padani jandaé. Riyolo kota iya kaminang ripakalebbié, makkekkuwangngé ripancaji atani.

YESAYA 64:11

Bolana Allataala iya mapaccingngé sibawa malebbié onron-Na toriyolota poji-Ko, purani ripaccappu ri apié; sininna onrong iya ripojiyé mancajini ruttungeng.

2 SAMUEL 1:19

“Israél, ri bulu-bulumu, kuwaro maténi pahlawangngé, sining ana'na wanuwaé, maruttunni mennang selaku bungana bangsaé.

1 SAMUEL 4:21

Iyaro ana'é nasenni Ikabod, adanna, “Ahadérékenna Allataala Iya Malebbi'é teddénni polé ri Israélié.” – iya nakkatatiyé iyanaritu Petti Assijancingngé rirampasa'ni sibawa matuwanna nenniya lakkainna maténi. Rimakkuwannanaro makkedai, “Ahadérékenna Allataala Iya Malebbié teddénni polé ri Israélié, nasaba Petti Assijancinna Allataala rirampasa'ni.”

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

YEHEZKIEL 19:12

Iyakiya rireddu'i ri sining lima iya macaié, nainappa riyaggeppuwang ri tanaé. Mangirii anging Alaué, rakkoiwi buwana iya manyilaé. Poloi takkéna, mancaji marakko nainappa ritunu.

MAZMUR 89:45

Mupaccappa'i akuwasanna iya malebbié, kadéra akkarungenna Muwaggeppuwangngi ri tanaé.

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

AWATINGENG 1:12

“Eh sining tau iya laloé ri lalengngé, itai sibawa pénessaiwi! Engkaga silloppona passissa iya upéneddingiyé makkekkuwangngé, passissa iya napatakkennaé Puwangnge lao ri iyya, nasaba cai-Na iya battowa senna'éro?

AWATINGENG 4:11

Napallessui caina Puwangnge sibawa tunui Kota Sion narapi rata sibawa tanaé.

YEHEZKIEL 13:13

Makkedai Puwang Iya Pommatanré, “Ri laleng cai-Ku, Upapoléi matu anginrajaé, bosi rajaé sibawa bosi ése'é untu' mancuru'i iyaro témbo'é.