AWATINGENG 1:10 - KITTA KAREBA MADECENG

¹⁰ Rirampasa'ni sininna waramparanna risining balinna. Mala harusu'i naita mennang muttamakiwi Bolana Allataala, séuwa pangkaukeng iya nattéyangngé Puwangnge untu' tau iya tenniyaé umma'-Na.

AWATINGENG 1:10 Խաչաձեւ Հղումներ

ULANGENG 23:3

Tau Amongngé sibawa Moab-é nenniya wija-wijanna mennang lettu iya maseppuloé dé' nawedding mancaji anggota umma'na Puwangnge,

YEREMIA 51:51

Makkedako, ‘Ripakatunaki sibawa ripakasiri; ateddéngenni rupa nasaba natudangiwi sining tau laingngé sining bili' mapaccingngé ri Bolana Puwangnge.’

AWATINGENG 1:7

Maruttunnana sibawa manrasa-rasa, naéngngeranni Yérusalém wettu labe'na, wettunna maéga mupa waramparang; pékkugi pabbanuwana sempé ri limanna balié, na dé' muwi séddi tau polé mattulung. Banna macawai sining balinna mitai aruttungenna.

NEHEMIA 13:1

Wettunna ribacangeng hukkunna Musa lao ri ra'ya'é, rilolongenni pappakatajangngéwé: ‘Tau Amongngé sibawa Moab-é dé' sises-siseng nawedding masséddi sibawa umma'na Allataala;

MARKUS 13:14

“Muwitai matu, ‘Ja iya Paancuru'é’ tettong ri onrong iya riyattéyangngé untu' aléna. (Catatan untu' pabbacaé: Pénessai aga bettuwanna!) Iyaro wettué, tau iya engkaé ri Yudéa harusu'i lari lao ri bulué.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

YEHEZKIEL 9:7

Makkedai Allataala lao ri mennang, “Rotakiwi Bola-Kué! Pennoiwi sining seddéna sibawa sining uju! Pammulaini” Nanapammulaini mennang mpunoi sining tauwé ri laleng kotaé.

YEHEZKIEL 7:22

Dé' matu utinda rékko nasolangiwi Bola-Ku sibawa nacarépaiwi sining parampo'é.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

YEREMIA 20:5

Uleppessang towi matu balinna mennang rappai sibawa tiwii ri Babél sininna asugirenna kotaéwé, enrengngé sininna waramparang appunnangenna, mala sininna barang manana arung-ngarunna Yéhuda.

YEREMIA 15:13

Makkedai Puwangnge lao ri iyya, “Ukiringngi matu balié untu' makkai asugirenna sibawa waramparanna umma'-Ku selaku pahukkungeng nasaba dosa-dosa iya puraé napogau' mennang ri sininna wanuwaé.

YESAYA 63:18

Magi Muleppessangngi balié léjja-léjja'i Bola-Mu, sibawa sining tauwé carépaiwi bulu-bulu-Mu iya mapaccingngé?

YEREMIA 50:28

Sining tau iya lariyé lao ri Yérusalém polé ri Babél curitai pékkugi Puwang Allataalata mpale'i pangkaukenna tau Babél-é lao ri Bolana Puwangnge.)

ULANGENG 23:4

nasaba dé' namaélo mennang mpérékko inanré sibawa uwai wettummu ri laleng allalengengngé massu polé ri Maséré. Mala mennang napéssaroiwi Biléam, ana' Béor polé ri kota Pétor ri Mésopotamia, untu' tanroiko.

2 TAWARIKH 36:18

Pakkakkasa-pakkakkasa Bolana Puwangnge, sibawa barab-baranna iya mangke'é, makkuwatoro waramparanna arungngé sibawa sining pegawénna, iya manenna narampasa'i iyaro arung Babél nainappa natiwi ri Babél.

YEREMIA 27:19

Saba' Iyya, Puwang Iya Pommakuwasaé, Allataalana Israélié, pura pettuiwi makkedaé sininna barangngéro ritiwii matu lao ri Babél, sibawa tette'i kuwaro narapi Ujampangiwi paimeng. Ri wettuépparo Utiwii paimeng lisu ri onronnaé. Iyya, Puwang, pura mabbicara.” Barab-barang iya engkaé mupa ri Bolana Puwang-ngéro iyanaritu: alliri-alliri, kullang gessa, karéta-karéta, sibawa siyagangngaré barang laing appunnangenna Bolana Puwangnge. Iyaro barab-barangngé dé' naccowé ritiwi lao ri Babél, wettunna Yoyakhin ana' worowanéna Yoyakim arunna Yéhuda enrengngé sining tomariyolona masaraka'na Yéhuda sibawa Yérusalém ritiwi ri Babél ri Arung Nébukadnézar.