ASSURENG 6:7 - KITTA KAREBA MADECENG

⁷ Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

ASSURENG 6:7 Խաչաձեւ Հղումներ

ULANGENG 29:13

Nasibawang assijancingngéro Puwangnge pakkasse'ko iyaé essoé mancaji bangsa-Na, sibawa mancajiwi Allataalamu pada-pada iya Najjanciyangngé lao ri iko sibawa lao ri néné-nénému Abraham, Ishak sibawa Yakub.

ULANGENG 7:6

Pogau'i iya manennaro nasaba appunnangennako Puwang Allataalamu. Polé risininna bangsaé ri tompo'na linoé iko ritu napilé Puwang Allataalamu untu' mancaji umma'na iya dé'é padanna.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

WAHYU 21:7

Tau iya pakalaé natarimai matu iyaro gau'-gau'é polé ri Iyya. Mancaji-Ka matu Allataalana, na aléna matu mancaji ana'-Ku.

ULANGENG 26:18

Iyaé essoé natarimako Puwangnge selaku umma ri Aléna, pada-pada iya Najanciyangngékko, sibawa Naparéntakko untu' pogau'i sininna parénta-Na.

ULANGENG 14:2

Iko iyanaritu appunnangenna Puwang Allataalamu; polé ri sininna bangsa-bangsaé ri yasé'na linoé, iko iyanaritu iya napilé Allataala untu' mancaji umma'-Na.”

WAHYU 21:3

Nainappa uwéngkalinga sadda polé ri kadéra arajangngéro gora sibawa maloppo, “Makkekkuwangngé onronna Allataala iyanaritu silaongngi tolinoé! Tuwoi matu sibawa mennang, nancaji matu mennang umma'-Na. Aléna Allataala sionrong matu sibawa mennang enrengngé namancaji Allataalana mennang.

1 PETRUS 2:10

Riyolo tenniyako umma'na Allataala, iyakiya makkekkuwangngé iko iyanaritu umma'na Allataala. Riyolo dé' nariyamaséiko ri Allataala, iyakiya makkekkuwangngé tarimako paressé babuwa.

IBRANI 11:16

Iyakiya annessana, nauddaningiwi mennang séuwa wanuwa iya lebbi makessingngé, iyanaritu wanuwa ri surugaé. Iyanaro saba'na dé' namasiri Allataala rékko mennang nateppui Aléna Allataala, saba' Allataala pura passadiyai séddi kota untu' mennang.

ROMA 8:31

Agana wedding ripowada makkekkuwangngé passalenna iya manennaro? Rékko engkai Allataala ri idi, nigana mulléi méwaki?

MATIUS 22:32

‘Iyya'na Allataalana Abraham, Allataalana Ishak sibawa Allataalana Yakub.’ Iyaro Allataalaé tenniya Allataalana tau maté. Allataalanai tau tuwoé!”

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

HOSEA 1:10

Mancajiwi matu bangsa Israélié singngéga kessi'é ri tasi'é, angkanna dé' nawedding riyukkuru iyaré'ga ribilang. Makkekkuwangngé makkedai Allataala lao ri mennang, “Tenniyako umma'-Ku,” iyakiya narapii matu wettunna makkedai matu lao ri mennang, “Iyya ritu Allataala iya tuwoé na iko ana'-ana'-Ku!”

YEREMIA 31:33

Iyanaé assijancing mabaru iya Uwébbué matu sibawa umma Israélié: Utaroi matu hukkung-hukkuk-Ku ri laleng baténna mennang, sibawa Uwokii ri laleng atinna mennang. Mancaji-Ka Allataalana mennang, na mennang mancaji umma'-Ku.

YESAYA 41:20

Nanaitai matu sininna tauwé sibawa naissenna makkedaé Iyya, Puwang, iya pogau'éngngi. Napuriyatiwi matu mennang sibawa najeppuiwi, Allataala mapaccinna Israélié mébbui iyaro kajajiyang.”

MAZMUR 81:6

Napancajiwi séuwa attettekeng untu' bangsa Israélié, wettunna malluru méwai Maséré. Uwéngkalingai basa iya dé'é uwissengngi,

ASSURENG 16:12

“Uwéngkalingani annoko-nokokenna tau Israélié. Powadanni mennang makkedaé ri arawéngngé weddingngi manré juku, sibawa ri éléé weddingngi manré roti gangka cau. Nanaissengngi matu mennang makkedaé Iyya'na Puwang, Allataalana.”

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 2:11

Wettunna battowani Musa, laoni sita sining tau sibangsana. Naitani pékkugi mennang ripassa jamai jama-jamang matane'é. Naita toni séddi tau Maséré mpunoi séddi tau Ibrani.

ASSURENG 16:6

Namakkedana Musa sibawa Harun lao risininna tau Israélié, “Iyaé arawéngngé muwissengngi matu makkedaé Puwangnge ritu iya tiwiékko massu polé ri Maséré.

ANGIMANGENG 11:44

Iyya'na Puwang Allataalamu, rimakkuwannanaro jagako kuwammengngi tette'ko mapaccing, nasaba Iyya mapaccing.

ANGIMANGENG 11:45

Iyya'na Puwang iya tiwiékko massu polé ri Maséré, kuwammengngi weddikka mancaji Allataalamu. Sitinajako mapaccing, nasaba mapaccikka.

YESAYA 49:23

Arung-ngarungngé pada-padai matu ambo'é lao ri iko, sibawa sining ratué selaku indo'. Suju'i matu pakalebbiko sibawa pakariyawai aléna lao ri iko. Namuwissengngi matu makkedaé Iyya Puwang; tau iya mamménasaé ri Iyya dé' naripakacélé.”

YESAYA 49:26

Uwébbui matu balimmu mabo' dara, angkanna sisulléi matu mennang siyuno. Nanaissengngi matu sininna tolinoé, makkedaé Iyya, Puwang, Pappassalama'mu; Iya Pommawatangngé, Allataalana Yakub, Paccéra'mu.”

YESAYA 60:16

Napiyarako matu bangsa-bangsaé sibawa arung-ngarungngé, pada-pada séddié indo' piyarai ana'na. Namuwissengngi matu makkedaé Iyya'na Puwang, Pappassalama'mu, sibawa Allataalana Israél iya mawatangngé Pappaleppe'mu.

YESAYA 63:8

Makkedai Puwangnge, “Tongeng, mennang iyanaritu umma'-Ku, ana'-ana' iya dé'é namappéjulé.” Namancajiwi Pappassalama'na mennang,

YEHEZKIEL 20:19

Iyya ritu Puwang Allataalamu. Turusiwi hukkung-hukkung sibawa parénta-parénta-Ku.

KAJAJIYANG 26:3

Maélo-Ka linrungiko sibawa barakkakiko. Sininna daéraéwé maéloka mpérékko sibawa wija-wijammu. Maélo-Ka rupaiwi janci iya puraé Uwabbéréyang lao ri Abraham, ambo'mu.

KAJAJIYANG 28:13

Na ri seddéna tettongngi Puwangnge sibawa makkeda, “Iyya'na Puwang, Allataala iya nasompaé Abraham sibawa Ishak. Maéloka mabbéréyangngi lao ri iko sibawa lao ri wija-wijammu tana onrommu léwué.

ASSURENG 7:17

Rimakkuwannanaro makkeda makkuwaiyé Puwangnge, ‘Polé ri aga iya Upogau'é matti, muwissengngi matu makkedaé Iyya'na Puwang.’ Uwunrui matu uwaina saloé sibawa tekkengngéwé, natappinra matu uwai mancaji dara.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

ASSURENG 14:4

Upancajiwi matu matedde ati angkanna nalellukko. Iyakiya maélo-Ka mappaitangngi aku wasak-Ku ri yasé'na arung Maséré sibawa tentarana, nanaissengngi matu mennang makkedaé Iyya'na Puwang.” Nanapogau'ni tau Israélié pada-pada iya napparéntangngé Puwangnge lao ri mennang.

ASSURENG 14:18

Nanaissengngi matu tau Maséré'é makkedaé Iyya'na Puwang.”

ASSURENG 15:2

Puwangnge pangéwaingekku iya mawatangngé; Aléna ritu passalama'ka. Aléna Allataalaku, Allataala nasompaé néné-nénéku, upakarajai Aléna.

ASSURENG 15:16

Métau senna'ni mennang, sabbingngi awatangenna Puwangnge. Wettunna labe umma'-Mu, dé' namakuwasa balié mattahang, labe'ni bangsa iya puraé Mupaleppe.

ABBILANGENG 15:41

Iyya'na Puwang Allataalamu; Iyya tiwiko massu polé ri Maséré kuwammengngi Umancaji Allataalamu. Iyya'na Puwang.”

ULANGENG 29:5

Patappulo taung ittana Puwangnge pimpikko molai padang kessi'é, namuni pakéyammu sibawa sandala'mu dé' namancaji malusa.

ULANGENG 29:12

Puwang Allataalamu mébbu assijancing sibawa iko, sibawa maddeppungeng manekko kuwaé untu' siyoi iyaro assijancingngé enrengngé tarimai kewajibang-kewajibanna.

1 ARUNG-NGARUNG 8:60

Nanallalengiwi sininna bangsaé ri linoé naissengngi matu makkedaé banna Puwangnge alé-aléna Allataala, dé'gaga laingngé.

1 ARUNG-NGARUNG 20:28

Nanapoléna séddi nabi ri Arung Ahab sibawa makkeda, “Iyanaé napowada Puwangnge: ‘Nasaba nasengngi sining tau Siriaé makkedaé banna makuwasa-Ka ri bulué nadé' ri tanété, maélo-Ka mpérékko apakalang lao ri tentarana mennang iya maéga senna'éro. Iko sibawa ra'ya'mu muwissengngi matu makkedaé Iyya'na Puwang.’ ”

NEHEMIA 1:10

Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé.

MAZMUR 100:3

Engngerangngi makkedaé Puwangnge ritu Allataala. Aléna pancajiki sibawa appunnangenna-Ki; idi umma'-Na, bangsa iya napiyaraé.

YESAYA 51:15

Saba' Iyya ritu Puwang Allataalamu, iya pabbombangngéngngi tasi'é angkanna memmu bombanna. Asek-Ku iyanaritu Iya Pommakuwasaé.