ASSURENG 6:6 - KITTA KAREBA MADECENG

⁶ Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 6:6 Խաչաձեւ Հղումներ

ULANGENG 26:8

Nasibawang akuwasang nenniya awatangeng iya battowaé Mupaleppe'ki polé ri Maséré. Mupogau'i anu makalallaingngé sibawa mappahérang-hérangngé nenniya paompo kajajiyang-kajajiyang iya patassélengngéngngi balié.

1 TAWARIKH 17:21

Ri sininna linoé dé' gaga bangsa pada-pada Israél. Israél iyanaritu alé-aléna bangsa iya Mupaleppe'é polé ri angatangengngé untu' mancaji umma'-Mu muto. Sininna pangkaukeng battowaé namakalallaing iya Mupogau'é lao ri mennang mébbui asem-Mu tarompo ri sininna linoé. Mupaleppe'i umma'-Mu polé ri Maséré, sibawa panyingkiri'i bangsa-bangsa laingngé wettunna maju umma'-Mu mammusu.

ULANGENG 7:8

Iyakiya Puwangnge piléko nasaba namaséiko sibawa macinnai rupaiwi janci iya Naébbué sibawa néné-nénému. Iyanaro saba'na purako Napassalama sibawa akuwasang iya battowaé sibawa paleppe'ko polé ri angatangenna arung Maséré.

ASSURENG 7:4

Rimakkuwannanaro Uhukkungngi matu Maséré sibawa pahukkungeng iya matane'é, nainappa Utiwi sininna bangsa Israélié, umma'-Ku, massu polé ri wanuwaéro.

NEHEMIA 1:10

Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé.

MAZMUR 81:6

Napancajiwi séuwa attettekeng untu' bangsa Israélié, wettunna malluru méwai Maséré. Uwéngkalingai basa iya dé'é uwissengngi,

ULANGENG 15:15

Engngerangngi makkedaé iko riyolo ata ri Maséré nainappa ripamaradéka ri Puwang Allataalamu; iyanaro saba'na uwérékko paréntaéwé.

ASSURENG 15:13

Mupimpingngi bangsa iya puraé Mupassalama'é, nasaba matinuluko ri jancim-Mu. Nasibawang awatangeng battowa Mulinrungiwi mennang, sibawa Mupimpingngi lao ri tana-Mu iya mapaccingngé.

ASSURENG 3:17

Sibawa pura upettuini untu' tiwii mennang massu polé ri Maséré, onronna mennang ritenre, sibawa mantara'i mennang lao riséuwaé wanuwa iya sugié namacommo, wanuwanna bangsa Kanaangngé, bangsa Hét-é, Amorié, Féris-é, Héwié sibawa Yébus-é.

2 ARUNG-NGARUNG 17:36

Pakalebbi-Ka, Puwang, iya puraé tiwiko massu polé ri Maséré sibawa akuwasang iya battowaé; sompa-Ka sibawa akkasuwiyangenno akkarobangeng lao ri Iyya.

ULANGENG 4:23

Engngerangngi madécéd-décéng! Aja' muwallupaiwi assijancing iya naébbué Puwang Allataalamu sibawa iko. Turusiwi paréntana; aja' sises-siseng muwébburengngi alému dato'-dato' muwi ri laleng tappa aga untu' risompa,

ASSURENG 6:29

Iyakiya mappébaliwi Musa, “Puwang, Muwisseng makkedaé dé' umacca mabbicara. Pékkugi makkullé arungngé maélo méngkalingaka?”

ASSURENG 6:8

Iya manennaro pasenna Puwangnge napalettu'i Musa lao ri bangsa Israélié, iyakiya dé' namaélo mennang bati-batiwi Musa, nasaba angatangeng iya mabecco'éro pura mébbui mennang pettu paddennuwang.

ASSURENG 6:2

Mappaitak-Ka alé lao ri Abraham, Ishak sibawa Yakub selaku Allataala Iya Pommakuwasaé, iyakiya dé' Uwappaissengeng alé lao ri mennang sibawa aseng ‘Puwang’.

YESAYA 9:12

Dé'topa namassessekalé bangsa Israélié, namuni purani rihukkung ri Puwang Iya Pommakuwasaé; dé'topa mennang natoba lao ri Aléna.

YESAYA 9:17

Jana iyaro bangsaé patunu pada-pada api iya paccappuéngngi alekale maddorié. Luwa'na pada-padai ale ritunu iya maggalimpuwaé rumpunna.

RIWAYA'NA RASUL-RASUL-E 13:17

Allataalana bangsa Israélié pura piléi néné-nénéta, sibawa napancajinna bangsaéwé bangsa battowa wettunna mennang monro ri Maséré' selaku topolé-polé. Nainappa nasibawang akuwasanna Allataala iya battowaé tiwii mennang massu polé ri Maséré'.

ASSURENG 1:11

Nanaakkana sining tau Maséré'é jennang untu' sussaiwi atuwonna bangsa Israélié sibawa majjama ladde. Ripassai mennang patettongengngi arung Maséré'é kota Pitom sibawa Raamses untu' pusa'na attarong barangngé.

ASSURENG 2:11

Wettunna battowani Musa, laoni sita sining tau sibangsana. Naitani pékkugi mennang ripassa jamai jama-jamang matane'é. Naita toni séddi tau Maséré mpunoi séddi tau Ibrani.

ASSURENG 12:41

Ri esso paccappurengngé ri taung ma-430-éro, sininna barisi'na umma'na Puwangnge salaiwi tana Maséré.

ASSURENG 12:51

Iyaro essoé natiwini Puwangnge sininna umma Israélié massu polé ri Maséré.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

ASSURENG 16:6

Namakkedana Musa sibawa Harun lao risininna tau Israélié, “Iyaé arawéngngé muwissengngi matu makkedaé Puwangnge ritu iya tiwiékko massu polé ri Maséré.

ASSURENG 18:1

Yitro, matuwanna Musa, imang ri Midian, naéngkalingani passalenna sininna séuwa-séuwaé iya napogau'é Allataala untu' Musa sibawa bangsa Israélié, wettunna mennang napimping massu polé ri Maséré.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 5:15

Engngerangngi, makkedaé iko riyolo ripowatato ri Maséré, nainappa ripamaradéka ri Puwang Allataalamu sibawa awatangeng iya battowaé. Rimakkuwannanaro Uparéntakko untu' pakarajai esso Saba'é.

ULANGENG 6:12

jagaiwi madécéd-décéng kuwammengngi aja' muwallupaiwi Puwang iya puraé paleppe'ko polé ri Maséré, onrommu ripowata.

YEREMIA 21:5

Iyya muto matu musuko sibawa maggangka ullé nenniya nasibawang cai iya mallumpa-lumpaé.

YEREMIA 32:21

Nasibawang akuwasam-Mu nenniya awatangem-Mu iya battowaé Mutiwii umma Israélié massu polé ri Maséré. Pogau'ko sining anu dé'é padanna nenniya sining makalallaingngé enrengngé kajajiyang-kajajiyang iya sélengiyéngngi balié.

ASSURENG 3:8

Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

ASSURENG 7:5

Nanaissenni matu tau Maséré'é makkedaé Iyya'naé Puwang, wettuk-Ku hukkungngi mennang sibawa tiwii Israélié massu polé ri wanuwanna mennang.”

ASSURENG 13:16

Iyaro abiyasangngé mancaji papparéngngerangngi lao ri idi pada-pada tanrangngé iya riyassiyorengngé ri limaé iyaré'ga ri linrota. Nanallalengiwi tette'ki matu riparéngngerangi makkedaé puraki napassu Puwangnge polé ri Maséré sibawa akuwasang iya battowaé.”

ASSURENG 32:11

Naéllauni Musa ri Puwang Allataalana, adanna, “Puwang, magi Muharusu pogau'i makkuwaéro lao ri mennang? Tenniyaga Iko pura passalama'i mennang polé ri Maséré sibawa akuwasang nenniya awatangeng iya battowaé?

ULANGENG 7:19

Engngerangngi sining abala maseroé iya alémué sabbingngi, sining anu makalallaingngé, sibawa awatangeng battowaé iya nakkégunangngé Puwang Allataalamu untu' paleppe'ko. Makkuwatoro Puwang Allataalamu tinda matu lao ri sininna bangsaé iya muwétauriyé.

ULANGENG 9:29

Iyakiya éngngerangngi, Puwang, makkedaé mennangngé bangsa iya Mupilé mancaji umma'-Mu, sibawa Mutiwii polé ri Maséré nasibawang awatangeng sibawa akuwasam-Mu iya battowaé.”

ULANGENG 11:2

Engngerangngi makkekkuwangngé aga iya muwissengngé passalenna Puwangnge polé ri pengalamammu. Ana'-ana'mu dé' nappunnaiwi iyaro pengalamangngé. Iko ritu pura sabbingngi arajanna Puwang Allataalamu, awatangen-Na, akuwasan-Na

MAZMUR 77:16

Nasibawang awatangem-Mu Mupaleppe'i umma'-Mu, wija-wijanna Yakub sibawa Yusuf.

MAZMUR 81:7

“Purani uwakka tiwi polé ri salangkammu, sibawa leppessangngi baka lémparengngé polé ri limammu.

MAZMUR 81:11

Iyya ritu Puwang Allataalamu, iya dulungngékko massu polé ri Maséré. Wettummu malupu riwérékko inanré.

YEREMIA 27:5

“Nasibawang akuwasak-Ku iya battowaé nenniya nasibawang awatangek-Ku purani Upancaji linoé sibawa tolinoé nenniya sininna olokolo'é, naweddik-Ka mabbéréyangngi lao ri nigi-nigi iya Uwéloriyé.

YEHEZKIEL 20:33

“Nasaba Iyya, Allataala iya tuwoé, Puwang Iya Pommatanré, Uparéngngerangiko makkedaé nasaba cai-Ku, Uparéntako matu sibawa matedde nenniya manessa angkanna mupérasai akuwasak-Ku. Upaddeppungekko matu sibawa Utiwi lisu polé ri sininna wanuwaé onrommu pura ripassara-sarang.