ASSURENG 6:1 - KITTA KAREBA MADECENG

¹ Mabbicarani Allataala lao ri Musa, “Iyya'na Puwang.

ASSURENG 6:1 Խաչաձեւ Հղումներ

ASSURENG 12:33

Naridessa'na tau Israélié ri tau Maséré'é kuwammengngi namasitta-sitta salaiwi iyaro wanuwaé. Adanna mennang, “Maté manekki matu rékko dé' mulao!”

MAZMUR 136:12

nasibawang lima mawatang sibawa poré; mannennungengngi pammasé-Na.

ASSURENG 12:39

Tununi mennang roti dé'é raginna polé ri lama labbu iya natiwié mennang polé ri Maséré. Ripaddésu'ni mennang polé kuwaro sibawa tennasenna-senna, angkanna dé' narapii passadiya bokong.

ASSURENG 12:31

Iyatoro wennié, naobbini arungngé Musa sibawa Harun namakkeda, “Laono polé kuwaé, iko maneng! Salaiwi wanuwakku! Laono sompai Allataalamu pada-pada iya muwéllauwé.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

ASSURENG 11:1

Nakkeda Puwangnge lao ri Musa, “Maéloka patatteppa séddi abalapa ri yasé'na arung Maséré sibawa ra'ya'na. Purapiro, naleppessanno matu lao. Mala iko maneng napaddésu'ko matu polé kuwaé.

YESAYA 63:12

Kégani Puwang iya ranrengngéngngi Musa sibawa liman-Na iya mawatangngé naporé sibawa puwé'éngngi uwaié ri yolona mennang kuwammengngi nakalabba asen-Na mannennungeng?

MAZMUR 89:13

Iko ritu pancajiwi manorang sibawa yattang, Bulu Tabor sibawa Bulu Hérmon gora-gorai untu' alé-Mu.

MAZMUR 12:5

iya makkedaé, “Makuwasaki sibawa lilata! Agi-agi riyulléi powadai, na dé'gaga iya weddingngé lawa-lawaiwi!”

2 TAWARIKH 20:17

Dé' muparellu mammusu ri laleng ammusurengngéwé. Laono ri onrong iya puraé ripattentungekko sibawa tajengngi kuwaro. Muwitai matu Puwangnge mpérékko apakalang. Eh pabbanuwana Yéhuda sibawa Yérusalém, aja' mumanenneng iyaré'ga métau. Uttamaki bawanni ammusurengngé, Puwangnge tulukko matu!”

2 ARUNG-NGARUNG 7:19

Na iyatoro wettué ajudang paribadinna arungngéro pura makkeda, “Pékkugi wedding! Mustahélé iyaro, namuni iyato wettué napateppa bosi raja Puwangnge polé ri langié!” Naribali ri Elisa, “Muwitai matti iyaro gau'éro kajajiyang, iyakiya dé' matu mupéneddingiwi iyaro inanré muwi céddé.”

2 ARUNG-NGARUNG 7:2

Nappébali ajudang paribadinna arungngé, “Pékkugi wedding! Mustahélé iyaé, namuni iyaro wettué napateppai Puwangnge bosi raja polé ri langié!” Nappébali Elisa, “Muwitai matti iyaro gaué kajajiyang, iyakiya dé' mupéneddingiwi iyaro inanré muwi céddé.”

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ABBILANGENG 23:23

Dé' gaga pajjappi iya mamosoé lao ri Yakub dé' gaga paddissengeng iya paullé lao ri Israélié. Passalenna iyaro bangsaé makkedai matu tauwé, ‘Itani anu makalallaing iya Naébbué Allataala!’

ASSURENG 14:13

Nappébali Musa, “Aja' mumétau! Attahanno! Muwitai matu aga napogau' Puwangnge untu' passalama'ko. Tau Maséré iya muwitaé makkekkuwangngé, dé'na matu muwitani paimeng.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

RIWAYA'NA RASUL-RASUL-E 13:17

Allataalana bangsa Israélié pura piléi néné-nénéta, sibawa napancajinna bangsaéwé bangsa battowa wettunna mennang monro ri Maséré' selaku topolé-polé. Nainappa nasibawang akuwasanna Allataala iya battowaé tiwii mennang massu polé ri Maséré'.

ASSURENG 7:4

Rimakkuwannanaro Uhukkungngi matu Maséré sibawa pahukkungeng iya matane'é, nainappa Utiwi sininna bangsa Israélié, umma'-Ku, massu polé ri wanuwaéro.

ASSURENG 7:5

Nanaissenni matu tau Maséré'é makkedaé Iyya'naé Puwang, wettuk-Ku hukkungngi mennang sibawa tiwii Israélié massu polé ri wanuwanna mennang.”

ASSURENG 15:6

Awatangem-Mu mappabengnga senna, oh Puwang, Muwébbui balié cappu tassiya-siya.

ASSURENG 13:9

Iyaé ramé-ramé mancaji papparéngngerangngi ri alému pada-pada tanrang iya riyassiyorengngé ri limaé iyaré'ga ri linroé. Iyaé ramé-ramé paréngngerangiko untu' matteru powadai sibawa magguruiwi Hukkung-hukkun-Na Puwangnge, saba' Puwangnge passuko polé ri Maséré nasibawang akuwasan-Na iya battowaé.

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

ASSURENG 13:16

Iyaro abiyasangngé mancaji papparéngngerangngi lao ri idi pada-pada tanrangngé iya riyassiyorengngé ri limaé iyaré'ga ri linrota. Nanallalengiwi tette'ki matu riparéngngerangi makkedaé puraki napassu Puwangnge polé ri Maséré sibawa akuwasang iya battowaé.”

ABBILANGENG 11:23

Nappébali Puwangnge, “Engkaga paggangkanna akuwasak-Ku? Cinampe'pi muwitai aga iyaro Upowadaé tongeng kajajiyang iyaré'ga dé'!”

MAZMUR 12:6

Adanna Puwangnge, “Ritenre'i tau kasiyasié sibawa tau manrasa-rasaé maddarékéi. Na makkekkuwangngénna Upolé mabbéré atennangeng iya nauddaningiyé mennang.”