ASSURENG 4:13 - KITTA KAREBA MADECENG

¹³ Iyakiya mappébaliwi Musa, “Uwéllauwi, aja' musuroka, oh Puwang, suroni tau laingngé.”

ASSURENG 4:13 Խաչաձեւ Հղումներ

YUNUS 1:3

Iyakiya mala Yunus joppai lao ri onrong laingngé untu' mabélaiwi Puwangnge. Laowi ri Yopa, nanasitujuwangngi engka kappala iya maéloé lao ri Spanyol. Puranana nawaja tampana, ménré'ni ri kappalaé, nainappa sompe silaong ana' kappala'é lao ri Spanyol, untu' mabélaiwi Puwangnge.

ASSURENG 4:1

Nanappébali Musa lao ri Puwangnge, “Iyakiya pékkugi akkalarapanna rékko sining tau Israélié dé' namaélo mateppe sibawa dé' namaélo bati-batiwi ada-adakku? Aga harusu upogau' akkalarapanna makkedai mennang makkedaé dé' nappaitang alé Puwangnge lao ri iyya?”

YOHANES 6:29

Nappébali Yésus, “Iyanaé naélori Allataala polé ri iko: Ateppe'ko lao ri iya nasuroé Allataala.”

MATIUS 13:41

Ana'na Tolinoé suroi matu malaéka'-malaéka'-Na paddeppungengngi polé ri yelle'na umma'-Na sininna iya nassabariyé tauwé pogau' dosa, sibawa sininna tau laingngé iya pogau'é ja.

YUNUS 1:6

Wettunna nakodana iyaro kappala'é nonno ri yawa, naruntu'ni Yunus kuwaro mattengngang matinro. Nanakkeda, “Masa weddikko matinro ri laleng keadaang makkuwaéwé! Ayo, oto'no! Assempajanno lao ri déwatamu untu' méllau tulung. Nigana missengngi mamaséi matu lao ri idi angkatta dé' tabinasa.”

YEREMIA 20:9

Iyakiya rékko ri laleng atikku makkedaka, “Leppessanni uwallupai bawang Puwangnge, dé'na umaélo mabbicara ri laleng asen-Na,” na pasem-Mu samanna api iya mabbaraé ri ati marilalengngé. Purani ucoba tahangngi, iyakiya annessana dé' umakuwasa.

YEREMIA 1:6

Mappébalika, “Oh Puwang Iya Pommatanré, dé' umacca mabbicara nasaba malolo senna mupa.”

HAKING-HAKING 2:1

Laoni malaéka'na Puwangnge ri Bokim polé ri Gilgal sibawa makkeda lao risining tau Israélié, “Purani Upassuko polé ri Maséré, sibawa tiwiko ri wanuwa iya puraé Ujanciyangngi néné-nénému. Pura Upowada towi, ‘Assitarong janci ri yelle'ta Iyya sibawa iko dé' Umaélo pettuiwi.

ASSURENG 23:20

“Maéloka suroi malaéka'-Ku poddiyoloiko untu' linrungiko ri laleng allalengengngé sibawa tiwiko ri onrong iya Upassadiyaé.

KAJAJIYANG 48:16

Aléna ritu malaéka iya puraé paleppe'ka polé risininna bahayaé. Tennapodo iyaro Allataala barakkakiwi iyaé ana'-ana'é. Tennapodo tuwoi matteru asekku sibawa asenna Abraham nenniya Ishak nasaba iyaé ana'-ana'é! Tennapodo makkéana eppoi mennang, sibawa massossorengngi maéga ri linoé.”

1 ARUNG-NGARUNG 19:4

nainappa mallaleng lao ri padang kessi'é siesso ittana sibawa mappésau ri yawana séddié aju iya maworongngé. Kuwaniro tudang sibawa macinna kuwammengngi namaté bawang. Adanna lao ri Puwangnge, “Dé'na utahanna, Puwang. Ala bawanni nyawaku. Dé' ulebbi makessing naiya toriyoloku!”

KAJAJIYANG 24:7

Puwang, Allataala iya makuwasaiyéngngi langié, pura tiwika polé ri bolana ambo'ku sibawa polé ri wanuwanna sumpuloloku, napurani mattanro lao ri iyya makkedaé maéloi mpérékka iyaé wanuwaé lao ri wija-wijakku. Alénato suroi matu malaéka'-Na untu' tulukko, kuwammengngi mulléi runtu séddi bainé polé kuwaro untu' ana'ku.

ASSURENG 4:12

Makkekkuwangngé, laono, utulukko matu mabbicara sibawa pagguruko aga iya harusu'é mupowada.”

ASSURENG 4:14

Namacaina Puwangnge lao ri Musa sibawa makkeda, “Dé'ga muwappunnai silessureng iya riyasengngé Harun? Uwisseng maccai mabbicara. Sitongenna, engkai ri laleng allalengengngé lao kuwaé, namasennangngi matu méwako sita.