ASSURENG 13:16 - KITTA KAREBA MADECENG

¹⁶ Iyaro abiyasangngé mancaji papparéngngerangngi lao ri idi pada-pada tanrangngé iya riyassiyorengngé ri limaé iyaré'ga ri linrota. Nanallalengiwi tette'ki matu riparéngngerangi makkedaé puraki napassu Puwangnge polé ri Maséré sibawa akuwasang iya battowaé.”

ASSURENG 13:16 Խաչաձեւ Հղումներ

ASSURENG 13:9

Iyaé ramé-ramé mancaji papparéngngerangngi ri alému pada-pada tanrang iya riyassiyorengngé ri limaé iyaré'ga ri linroé. Iyaé ramé-ramé paréngngerangiko untu' matteru powadai sibawa magguruiwi Hukkung-hukkun-Na Puwangnge, saba' Puwangnge passuko polé ri Maséré nasibawang akuwasan-Na iya battowaé.

ULANGENG 11:18

Engngerangngi sibawa puriyatiwi parénta-paréntaéro. Assiyorengngi ri taiyyamu sibawa pasangngi ri linromu untu' riyéngngerang.

ASSURENG 13:14

Rékko ri munri makkutanai ana'mu aga bettuwanna iya manennaro, harusu'ko baliwi makkuwaé, ‘Nasibawang akuwasang iya battowaé natiwiki Puwangnge massu polé ri wanuwa Maséré, onrotta ripowata.

MATIUS 23:5

Sininna napogau'é mennang banna untu' naita tauwé bawang. Nattungka mennang paké tulu sempajang iya malebba'é sibawa palampériwi jombé-jombé jumbana mennang!

ULANGENG 26:8

Nasibawang akuwasang nenniya awatangeng iya battowaé Mupaleppe'ki polé ri Maséré. Mupogau'i anu makalallaingngé sibawa mappahérang-hérangngé nenniya paompo kajajiyang-kajajiyang iya patassélengngéngngi balié.

ASSURENG 12:13

Dara iya engkaé ri sumpang bolamu mancajiwi matu tanrang polé risining bola muwonroiyé. Rékko Uwitai iyaro daraé, Ulaloiko sibawa dé' Uwunoko wettuk-Ku hukkungngi Maséré.

RIWAYA'NA RASUL-RASUL-E 13:17

Allataalana bangsa Israélié pura piléi néné-nénéta, sibawa napancajinna bangsaéwé bangsa battowa wettunna mennang monro ri Maséré' selaku topolé-polé. Nainappa nasibawang akuwasanna Allataala iya battowaé tiwii mennang massu polé ri Maséré'.

ASSURENG 6:1

Mabbicarani Allataala lao ri Musa, “Iyya'na Puwang.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

ASSURENG 12:41

Ri esso paccappurengngé ri taung ma-430-éro, sininna barisi'na umma'na Puwangnge salaiwi tana Maséré.

ULANGENG 5:15

Engngerangngi, makkedaé iko riyolo ripowatato ri Maséré, nainappa ripamaradéka ri Puwang Allataalamu sibawa awatangeng iya battowaé. Rimakkuwannanaro Uparéntakko untu' pakarajai esso Saba'é.

ULANGENG 6:21

Harusu'ko baliwi makkuwaé, ‘Riyolo mancaji atannaki arung Maséré, nainappa napaleppe'ki Puwangnge sibawa awatangeng battowaé.

NEHEMIA 1:10

Puwang, idi'é ata-atam-Mu, umma ri alé-Mu iya puraé Mupassalama sibawa akuwasang nenniya awatangem-Mu iya maseroé.

MAZMUR 136:11

Nasilaongengngi Israélié massu polé ri Maséré; mannennungengngi pammasé-Na;

AMSAL 6:21

Tuli éngngerangngi ada-adanna mennang sibawa taroi iyaro ri laleng atimmu.

DANIEL 9:15

Oh Puwang, Allataalata, purani Muwappaitang akuwasam-Mu sibawa tiwii umma'-Mu massu polé ri Maséré, na iyaro akuwasam-Mu tette mupi risénge. Purani madosaki sibawa pogau' asalang.