ANGIMANGENG 8:6 - KITTA KAREBA MADECENG

⁶ Nainappa nasuro Harun sibawa ana'-ana'na malluru liyolo sibawa bissaiwi aléna.

ANGIMANGENG 8:6 Խաչաձեւ Հղումներ

EFESUS 5:26

Napogau'i Kristus iyaro kuwammengngi naulléi pancajiwi iyaro jema'é sibawa pappagguruwanna enrengngé naolai uwai paccemmé, kuwammengngi rimunri naulléi mabbéréyangngi lao ri Allataala.

1 KORINTUS 6:11

Siyagangngaré ri yelle'mu riyolo kédo-kédo makkuwaro. Iyakiya makkekkuwangngé ripannessano mapaccing polé ri dosaé. Mancajino appunnangenna Allataala iya ripallaingngé. Simadécéngenno paimeng sibawa Allataala, nasaba mateppe'ko lao ri Puwang Yésus Kristus sibawa nasaba akuwasanna Roh polé ri Allataala.

ASSURENG 29:4

Suroi Harun sibawa ana'-ana'na lao ri sumpang Kéma-Ku sibawa bissaiwi aléna.

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

YESAYA 1:16

Bissaini alému gangka mapaccing. Pappésauwi sininna ja iya mupogau'éro. Ya, aja'na mupogau'i majaé,

MAZMUR 51:7

Sitongenna, majaka sipongenna rijajiyang, sibawa nakenna dosa sipongenna ri parémmanangngé.

MAZMUR 51:2

purana riyampareng ri Nabi Natan nasaba malawengngi sibawa Batsyéba.

MAZMUR 26:6

Ubissaiwi limakku tanrang teppasala, sibawa joppa mattulilingiwi mézba-Mu, oh Puwang,

ASSURENG 40:12

Purairo, suroi Harun sibawa ana'-ana'na polé ri sumpang Kémaé sibawa bissaiwi aléna.

ASSURENG 30:19

Iyaro uwai untu' Harun sibawa ana'-ana'na kuwammengngi weddingngi mennang mabbissa lima sibawa ajé

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.

IBRANI 10:22

Rimakkuwannanaro, laono mai taddeppériwi Allataala sibawa ati iya matinulué enrengngé teppe' iya mattinettoé; sibawa ati iya puraé ripépaccingi polé ri pappénedding pasalaé, sibawa watakkalé iya puraé ripépaccingi sibawa uwai iya mapaccingngé.

IBRANI 9:10

Saba' iyaro upacara-upacaraé banna takkennai ri inanré, énungengngé, sibawa maddupa-rupang upacara pappépaccing. Iya manenna banna sining peraturang mallahéreng iya lakué banna narapi wettunna Allataala pakangkai pappakabarué.

ZAKHARIA 13:1

Makkedai Puwang Iya Pommakuwasaé, “Iyaro essoé jompii matu séddi mata uwai untu' paccingiwi wijanna Daud sibawa pabbanuwana Yérusalém polé ri dosana nenniya assompang barahala iya puraé napogau' mennang.

ASSURENG 30:20

ri wettu dé'napa namuttama ri Kémaé iyaré'ga maddeppériwi mézbaé untu' tiwii akkarobangeng ritunué. Harusu'i mennang pogau'i iyaro kuwammengngi dé' nariyuno. Iyaro peraturangngé harusu'i naturusi mennang sibawa wija-wijanna untu' mannennungeng.”

ANGIMANGENG 8:5

makkedani Musa lao ri mennang, “Iya upogau'é makkekkuwangngé iyanaritu paréntana Puwangnge.”

ANGIMANGENG 16:4

Harusu towi napuriyati Harun iyaé sining peraturangngé. Ri wettu dé'napa nauttamakiwi Bili' Pommapaccingngé, harusu'i cemmé nainappa mappakéyang imang, iyanaritu waju, saluwara ponco, babbang sibawa passapu, iya manenna poléi ri lénangngé.