ANGIMANGENG 8:22 - KITTA KAREBA MADECENG

²² Nainappa nala Musa iyaro bimbala lai sikajuéppa untu' akkarobangeng allantikeng imang. Harun sibawa ana'-ana'na palénne'i limanna mennang ri tompo ulunna iyaro bimbala'é,

ANGIMANGENG 8:22 Խաչաձեւ Հղումներ

ANGIMANGENG 8:2

“Obbii Harun sibawa ana'-ana'na enrengngé tiwii pakéyang imangngé, minnya upacaraé, sikaju saping lai malolo untu' akkarobangeng paddampengeng dosa, duwakkaju bimbala lai sibawa sibaku roti iya dé'é raginna.

EFESUS 5:27

Narimakkuwannanaro naébbui Kristus iyaro jema'é tettong sibawa maraja enrengngé mapaccing ri yolona, sibawa dé'gaga akurangenna iyaré'ga cellana muwi aga.

EFESUS 5:25

Lakkaié, amaséiwi bainému, pada-padato Kristus mamaséiwi jema'é enrengngé makkarobangengngi Aléna untu' iyaro jema'é.

2 KORINTUS 5:21

Dé' namadosa Kristus, iyakiya Allataala mébbui Natanggungngi dosata, kuwammengngi tasimadécéngeng paimeng sibawa Allataala nasaba masséddiki sibawa Kristus.

1 KORINTUS 1:30

Allataala muto mébbui angkanna Saudara masséddi sibawa Kristus Yésus. Naolai Kristus naripancajiki mapanré. Sibawa naolai Alénato, naébbuki Allataala simadécéngeng paimeng sibawa Aléna enrengngé pancajiki umma'-Na iya mapaccingngé, kuwaéttopa paleppe'ki.

YOHANES 17:19

Untu' apentingenna mennang, Uwabbéréyangngi alé-Ku selaku appunnangeng ripallainna Ambo'é, kuwammengngi namancaji mennang appunnangeng ripallainna Ambo'é naolai atongengengngé.

ANGIMANGENG 8:29

Nainappa nala Musa dadana iyaro bimbala'é nanakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna Musa polé ri bimbala lai iya riyakkasuwiyangengngé untu' upacara allantikeng imangngé. Iya manenna napogau'i Musa pada-pada iya napparéntangngé Puwangnge lao ri aléna.

ANGIMANGENG 7:37

Makkuwaniro sining peraturanna passalenna akkarobangeng ritunué, akkarobangeng inanré, akkarobangeng paddampengeng dosaé, akkarobangeng passullé arogingngé, akkarobangeng allantikengngé sibawa akkarobangeng pappasidamé.