ANGIMANGENG 7:35 - KITTA KAREBA MADECENG

³⁵ Polé ri inanré iya riyakkasuwiyangengngé lao ri Puwangnge, bagiyangngénnaro riwéréngngi lao ri Harun sibawa ana'-ana'na ri esso rilanti'na mancaji imang.

ANGIMANGENG 7:35 Խաչաձեւ Հղումներ

1 YOHANES 2:27

Iyakiya passalenna alému, purani napanurung Kristus Roh-Na lao ri iko. Na ri wettu engkana mupa Roh-Na ri iko, dé' naparellu engka tau laing pagguruko. Saba' Roh-Na pagguruko passalenna sininna séuwa-séuwaé; sibawa aga iya nappagguruwangngéro tongengngi, tenniya bellé. Rimakkuwannanaro, sitinajako matinulu lao ri aga iya nappagguruwangngé iyaro Roh-é, sibawa sitinajako tette' tuwo masséddi sibawa Kristus.

1 YOHANES 2:20

Iyakiya mutarimani Rohna Allataala iya napanurungngé Yésus Kristus, na iyanaro saba'na namuwisseng manengngi pappagguruwang tongengngé.

2 KORINTUS 1:21

Aléna muto Allataala mébbuki sibawa Saudara masse masséddi sibawa Kristus; Iyanaritu piléki banna untu' Aléna.

YOHANES 3:34

Saba' tau iya nasuroé Allataala untu' palettu'i ada-adanna Allataala, nasaba pura riwérénni Rohna Allataala sukku lao ri Aléna.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

YESAYA 10:27

Iyaro wettué Upaleppe'ko matu polé ri attenrekenna Asyur, sibawa dé'na mennang namakuwasa ri yasému.”

ANGIMANGENG 8:30

Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.

ASSURENG 29:21

Alai céddé dara iya engkaé ri yasé'na mézbaé sibawa céddé minnya upacaraé, nainappa muweppikeng Harun sibawa ana'-ana'na enrengngé pakéyanna. Nasibawang caraéro Harun sibawa ana'-ana'na nenniya pakéyanna ripallaingngi untu' alé-Ku.

ASSURENG 29:7

Nainappa muwala minnya upacaraé, tiri'i ri tompo ulunna sibawa minnyakiwi.

ASSURENG 29:1

“Mappakkuwaniyé carana lanti'i Harun sibawa ana'-ana'na kuwammengngi weddingngi mennang tumaningi-Ka selaku imang. Alano sikaju saping lai iya maloloé sibawa duwakkaju bimbala lai iya dé'é gaga sala-salanna.

ASSURENG 28:1

“Obbii Harun kakamu enrengngé ana'-ana'na Nadab, Abihu, Eléazar sibawa Itamar, namupallaingngi mennang kuwammengngi weddingngi tumaningika selaku imang.

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.