ANGIMANGENG 7:30 - KITTA KAREBA MADECENG

³⁰ Aléna muto harusu tiwii iyaro akkarobangeng inanré. Lunra' sibawa dadana iyaro olokolo'é harusu'i riyakkasuwiyangeng selaku pakkasuwiyang tanréyangeng lao ri Puwangnge.

ANGIMANGENG 7:30 Խաչաձեւ Հղումներ

ABBILANGENG 6:20

Nainappa imangngé harusu majjellokengngi iyaro inanré selaku pabbéré ripallaing lao ri Puwangnge; iyanaro bagiyang mapaccing iya mancajiyé bagiyanna imangngé, rilainnaé dadana sibawa poppang bimbala lai iya manuru peraturangngé mancajiwi bagiyanna imangngé. Purapiro nappa tau nazir-é wedding ménung uwai anggoro.

ANGIMANGENG 3:14

Untu' akkarobangeng inanré ri Puwangnge, harusu'i nakkasuwiyangeng imangngé sining bagiyangngéwé polé ri bémbé'éro: lunra' iya dokoéngngi lise babuwana,

ANGIMANGENG 3:9

Untu' akkarobangeng pappasidamé lao ri Puwangnge, harusu'i imangngé makkasuwiyangengngi sining bagiyangngéweé polé ri bimbala'éro: lunra'na, sininna ikko'na iya mallunra'é sibawa rirette'i ri seddéna buku lekke'na, lunra' iya dokoéngngi lise babuwana,

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

YOHANES 10:18

Dé' séddi tau mulléi malai polé ri Iyya. Uwabbéréyangngi saba' élo-Ku muto. Makuwasa-Ka untu' mabbéréyangngi, sibawa makuwasa untu' malai paimeng. Iyanaro jamang iya Utarimaé polé ri Ambo'-Ku.”

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

ANGIMANGENG 9:21

Dadana sibawa poppang ataunna iyaro olokolo riyakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna sining imangngé, pada-pada iya napparéntangngé Musa.

ANGIMANGENG 8:27

Nataro manengngi ri limanna Harun sibawa ana'-ana'na, nainappa nakkasuwiyangeng mennang selaku pakkasuwiyang tanréyangeng lao ri Puwangnge.

ANGIMANGENG 8:29

Nainappa nala Musa dadana iyaro bimbala'é nanakkasuwiyangengngi selaku pakkasuwiyang tanréyangeng lao ri Puwangnge. Iyanaro bagiyanna Musa polé ri bimbala lai iya riyakkasuwiyangengngé untu' upacara allantikeng imangngé. Iya manenna napogau'i Musa pada-pada iya napparéntangngé Puwangnge lao ri aléna.

ANGIMANGENG 10:14

Iyakiya iko sibawa ana'-ana'mu worowané sibawa makkunraié weddingngi manréi dadana pakkasuwiyang tanréyangngé sibawa poppanna pakkasuwiyang ripallaingngé. Iyanaro tawana sining imangngé polé ri akkarobangeng pappasidaména bangsa Israélié. Weddikko manréi dé' masala onrong iya dé'é nanajisi'.

ABBILANGENG 8:11

nainappa Harun harusu makkasuwiyangengngi sining tau Léwiéro selaku pakkasuwiyang ripallaing polé ri tau Israélié lao ri Iyya, kuwammengngi weddingngi mennang napogau' assompak-Ku.

ANGIMANGENG 9:20

ri yasé'na dadana iya duwa olokolo'éro, nainappa natunu Harun ri yasé'na mézbaé.

ANGIMANGENG 10:15

Pakkasuwiyang iya ripallaingngé sibawa dadana pakkasuwiyang tanréyangngéro harusu'i ritiwi silaong lunra'na untu' akkarobangeng ritunué, selaku pakkasuwiyang untu' Puwangnge. Iyaro barab-barangngé mancajiwi appunnangemmu sibawa ana'-ana'mu lettu mannennungeng, pada-pada iya napparéntangngé Puwangnge.”

ULANGENG 18:3

Rékko séddié tau makkasuwiyangeng akkarobangeng saping iyaré'ga bimbala, limanna, banginna sibawa lise' babuwana iyaro olokolo'é harusu'i riyabbéréyang lao ri imang-ngimangngé untu' tawana mennang.