ANGIMANGENG 7:26 - KITTA KAREBA MADECENG

²⁶ Tau Israélié, kégi-kégi monro, dé' nawedding manré dara manu'-manu' iyaré'ga dara olokolo laingngé.

ANGIMANGENG 7:26 Խաչաձեւ Հղումներ

KAJAJIYANG 9:4

Séddi-séddinna iya dé'é nawedding muwanré iyanaritu juku iya engkaé mupa darana, saba' iyaro nyawaé engkai ri laleng daraé.

RIWAYA'NA RASUL-RASUL-E 15:20

Iyakiya harusu'ki moki sure' lao ri mennang sibawa pangajariwi kuwammengngi aja' mennang nanré anré najisi'é iya puraé riyakkasuwiyangeng lao ri barahalaé, iyaré'ga manré juku olokolo iya maté riyanrekké'é, iyaré'ga manré dara. Sibawato kuwammengngi napabélaiwi aléna polé risining pangkaukeng malawengngé.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.

1 TIMOTIUS 4:4

Sininna séuwa-séuwaé iya napancajiyé Allataalaro makessing, nadé' muwi séddi iya harusu'é riyangga' harang rékko purani ritarima sibawa mattarima kasi lao ri Allataala.

EFESUS 1:7

Saba' amaténna Kristus, napaleppe'ki Allataala, bettuwanna puraki Naddampengeng polé ri dosa-dosata.

RIWAYA'NA RASUL-RASUL-E 15:29

aja' muwanréi nanré puraé riyakkasuwiyangeng lao ri barahalaé; aja' muwanréi juku olokolo iya maté riyanrekké'é, sibawa abélaiwi sining pangkaukeng malawengngé. Narékko mupabélaiwi alému polé risining gau'éro, mupogau'nitu iya madécéngngé. Sikumiro bawang, salama'!”

YOHANES 6:53

Nakkeda Yésus lao ri mennang, “Ateppe'no: Rékko dé' muwanréi jukuna Ana'na Tolinoé sibawa muwénungngi dara-Na, dé' tongeng muwappunnai matu atuwong ri laleng alému.

YEHEZKIEL 33:25

Rimakkuwannanaro Puwang Iya Pommatanré suroka palettu'i pasengngéwé lao ri mennang, “Muwanréi juku iya engkaé mupa darana; sompako barahala sibawa pogau' abbunowang. Barani tongekko mangaku iyaé tanaé selaku appunnangemmu.

ANGIMANGENG 7:25

Tau iya manrééngngi lunra olokolo iya weddingngé riyakkasuwiyangeng untu' akkarobangeng inanré untu' Allataala, dé'na nariyangga anggota umma'na Allataala.

ANGIMANGENG 7:27

Nigi-nigi majjalékkaiwi iyaro peraturangngé dé'na nariyangga anggotana umma'na Allataala.

ANGIMANGENG 19:26

Aja' muwanré dara. Aja' mupakéi sining paddissengeng mappallajangngé.

ULANGENG 12:16

Banna darana dé' nawedding riyanré, iyakiya harusu'i ritiri ri tanaé pada-pada uwai.

ULANGENG 12:23

Iyakiya juku iya engkaé mupa darana dé' nawedding riyanré, nasaba nyawaé engkai ri laleng daraé, nadé' naweddikko manré nyawa silaong jukuna.

ULANGENG 15:23

Dé' nawedding riyanré darana, iyakiya harusu'i ritiri ri tanaé pada-pada uwai.”

ASSURENG 22:30

makkuwatoro saping sibawa bimbala lai iya bunge' jajiyé. Leppessangngi iyaro olokolo'é monro ri indo'na pitungngesso ittana, nainappa muwabbéréyang lao ri Iyya ri esso maaruwaé.