ANGIMANGENG 7:19 - KITTA KAREBA MADECENG

¹⁹ Juku iya nakennaé agi-agi iya najisi'é harusu'i ritunu gangka cappu sibawa dé' nawedding riyanré. Juku akkarobangeng pappasidamé banna weddingngi nanré tau iya dé'é nanajisi'.

ANGIMANGENG 7:19 Խաչաձեւ Հղումներ

TITUS 1:15

Sininna séuwa-séuwaé mapaccing lao risining tau iya mapaccingngé. Iyakiya lao risining tau iya macarépaé pikkiranna sibawa iya dé'é namateppe', dé' muwi séddi iya mapaccingngé, saba' pikkirang sibawa atinna mennang macarépani!

2 KORINTUS 6:17

Rimakkuwannanaro, salaiwi iyaro sining tau iya dé'é naissengngi Allataala, sibawa pallaingngi alému polé ri mennang. Aja' sises-siseng musisumpung sibawa iya najisi'é, na-Utarimako matu.

ROMA 14:20

Aja' nasaba soal inanré, namusolangiwi aga iya puraé najama Allataala. Sininna anrékanré mémeng hallala' untu' riyanré; iyakiya rékko aga iyaro naanré Saudara nassabariwi tau laingngé madosa, tentu pasalai Saudara.

ROMA 14:14

Nasaba iyya masséddika sibawa Puwang Yésus, mateppe' senna'ka makkedaé dé' gaga muwi séddi iya sitongennaé najisi'; iyakiya iyaro gau'é najisi'i lao riséddié tau, rékko iyaro tauwé nangga'i najisi'.

RIWAYA'NA RASUL-RASUL-E 10:28

Nakkeda lao ri mennang, “Alétana saudara-saudara missengngi makkedaé riyattéyang tau Yahudié ri agamana lokkaiwi iyaré'ga sisumpung sining tau polé ri bangsa laingngé. Iyakiya Allataala pura mappaitangngi ri iyya makkedaé dé' nawedding uwangga najisi' iyaré'ga harang muwi niga-niga.

LUKAS 11:41

Iya engkaé ri laleng mangko'mu sibawa pennémuro, iyanaro harusu' muwabbéréyang lao risining tau kasiyasié. Caraénnaro nallalengi namapaccing maneng matu untu' iko.

ANGIMANGENG 6:27

Muwi nigi-nigi iyaré'ga agi-agi iya kennaéngngi iyaro juku olokolo'é lolongengngi matu acilakang nasaba awatangeng apaccingenna. Rékko séddié waju nakenna darana iya tabbessi'éro, iyaro wajué harusu'i risessa ri onrong iya ripallaingngé.

ANGIMANGENG 7:18

Iyakiya rékko ri esso matellué iyaro jukué riyanré mupi, iyaro akkarobangngé dé'na matu naritarima sibawa dé' natiwi barakka ri tauwéro, mala mancaji harangngi. Tau iya manrééngngi pasalai sibawa harusu'i tanggungngi addimonrinna.

ANGIMANGENG 7:20

Rékko nanréi tauwé iyaro jukué ri wettunna mattengngang najisi', dé'na nariyangga anggota umma'na Allataala.