ANGIMANGENG 7:13 - KITTA KAREBA MADECENG

¹³ Ri lainnaéro harusu'i riyakkasuwiyangetto roti iya riyébbué paké ragi.

ANGIMANGENG 7:13 Խաչաձեւ Հղումներ

AMOS 4:5

Akkasuwiyangenno roti selaku kurru sumange'mu lao ri Iyya, sibawa abborono makkedaé purani mutiwi pattambana pakkasuwiyangngé! Pasti iyaro musennangi pogau'i!

ANGIMANGENG 23:17

Tungke' kaluwarga harusu'i makkasuwiyangeng duwa roti untu' pakkasuwiyang tanréyangeng lao ri Puwangnge. Tungke' rotié harusu'i riyébbu polé ri duwakkilo labbu nenné iya paké ragi sibawa harusu'i riyabbéréyang lao ri Puwangnge selaku pakkasuwiyang wassélé tana iya mammulangngé.

1 TIMOTIUS 4:4

Sininna séuwa-séuwaé iya napancajiyé Allataalaro makessing, nadé' muwi séddi iya harusu'é riyangga' harang rékko purani ritarima sibawa mattarima kasi lao ri Allataala.

MATIUS 13:33

Engka séuwa pakkalarapangeng laing iya nacuritaé Yésus lao ri tau maégaé. “Rékko mapparéntai Allataala, keadaanna pada-padai ragi iya nalaé séddié makkunrai, nainappa napasigaru patappulo banna labbu tarigu angkanna sawé maneng.”

ANGIMANGENG 2:12

Polé ri wassélé tana iya bunge'é tungke' taung, harusu'i riyakkasuwiyangeng sibagiyang lao ri Puwangnge, iyakiya dé' nawedding ritunu ri yasé'na mézbaé.

ANGIMANGENG 23:18

Nasibawang iyaro rotié harusu'i bangsa Israélié makkasuwiyangeng pitukkaju ana' bimbala iya makkéumuru sitaungngé, sikaju saping lai lolo sibawa duwakkaju bémbé. Tungke'-tungke' dé' nawedding engka sala-salanna sibawa harusu'i riyakkasuwiyangeng untu' akkarobangeng ritunu untu' Puwangnge, sibawa akkarobangeng ripatala enrengngé akkarobangeng uwai anggoro. Na iyaro akkarobangengngé napésennangiwi atinna Puwangnge.

YEREMIA 33:11

Iyakiya ri onrong-ngonrongngéro riyéngkalingasi matu sadda ariyo-riyongngé sibawa arennungngé nenniya sadda pésta abottingengngé. Riyéngkalinga towi matu élonna sining tau iya tiwié pakkasuwiyang sukkuru lao ri Bola-Ku. Makkedai matu, ‘Sukkuru'no lao ri Puwang Iya Pommakuwasaé, nasaba makessingngi sibawa pammasé-Na mannennungengngi.’ Upédécéngiwi matu iyaé wanuwaé pada-pada pammulanna. Iyya, Puwang, pura mabbicara.”