ANGIMANGENG 6:4 - KITTA KAREBA MADECENG

^4-5 Tau iya pasalaéro harusu'i nawaja paimeng sininna iya nalolongengngé sibawa dé' namalempu. Wettunna rilolongeng pasala, harusu'i nawaja penno ri punnana, ritambai duwappulo paresséng.

ANGIMANGENG 6:4 Խաչաձեւ Հղումներ

ZEFANYA 1:9

Maélo-Ka hukkungngi sininna tau iya massompaé pada-pada tau iya dé'é naissek-Ka, enrengngé iya ménnauwé sibawa mabbunoé untu' pennoiwi bolana ponggawana mennang sibawa barab-barang rampasa.”

MIKHA 2:2

Rékko nacinnaiwi mennang séuwa dare', narampasa'i mennang. Rékko nacinnaiwi mennang séddi bola, nasarobo'i. Muwi waramparang iyaré'ga kaluwarga, dé'gaga iya amangngé.

AMOS 3:10

Makkedai Puwangnge, “Iyaro sining tauwé nalisekiwi sining saorajana mennang sibawa barab-barang iya nalolongengngé polé ri appanrasa-rasanna sibawa abeccokenna. Mala dé' sises-siseng mennang naissengngi kédo malempu.

YEHEZKIEL 18:18

Sibalé'na, ambo'na iya pojiyéngngi pabengnguwang, marrampo sibawa pogau' ja laingngé, matéi matu nasaba dosa-dosa iya napogau'é muto.

YEHEZKIEL 18:12

Napoji belléi tau kasiyasié, marrampo, nasittaiwi barang boro'na tau iya makkinrengngé ri aléna. Laowi risining bola assompanna tau iya dé'é naissengngi Puwangnge sibawa sompai barahala iya mappakaciddi-ciddi'é.

YEHEZKIEL 18:7

Dé' naengka napabengnguwang iyaré'ga marrampo. Barab-barang boro'na tau iya makkinrengngé ri aléna tuli napalisui. Tau iya alupurengngé napanréi sibawa tau iya dé'é nappunnai waju, nawéréngngi pakéyang.

AYUB 24:2

Engka sining tau iya paésa'éngngi tanrang pakkaséséngngé, kuwammengngi namancaji malowang tanana. Ménnauwi mennang bimbala makkonrong, sibawa pariwakkéi ri wakké bimbala'na.

AYUB 20:19

Saba' natenre'i sibawa dé' najampangiwi tau iya dé'é nappunnai; narampasa'i sining bola iya dé'é napatettongngi.

KAJAJIYANG 21:25

Iyakiya rimunri nasesse'i Abraham, Abimélékh passalenna séddi bujung iya puraé narampasa ata-atanna arungngéro.

ANGIMANGENG 24:18

Nigi-nigi mpunoi olokolo'na tau laingngé harusu'i nasulléi. Tettongenna iyanaritu ‘nyawa risulléi nyawa’.

ANGIMANGENG 24:21

Nigi-nigi mpunoi olokolo'é, harusu'i nasulléi, iyakiya nigi-nigi mpunoi tauwé harusu'i rihukkung maté.

ABBILANGENG 5:7

iyaro tauwé harusu'i nangakui dosana enrengngé mpajai paccéra'na sibawa sukku, ritambai duwappulo paresséng, lao ri tau iya naparogiyé.

MALEAKHI 1:13

Adammu, ‘Najinnani sibawa sininnaro’, namupakariyawa-Ka. Tiwiko olokolo riyénnau, olokolo iya képo iyaré'ga iya malasaé untu' riyakkasuwiyangeng lao ri Iyya. Mupikkiri'i maélo-Ka tarimai pakkasuwiyammuro?

ANGIMANGENG 4:12

jaji iya manenna sangadinna bagiyang iya puraé ripallaing, harusu'i ritiwi massu ri akkémangngé. Kuwaniro iyaro sapingngé harusu ritunu ri yasé'na aju tunungngé ri onrong akkabbéyangeng awué, iyanaritu onrong iya ripallaingngé untu' iyaro.

NEHEMIA 5:11

Sitinaja tokko leddai sining inrenna ra'ya'éro ri iko, muwi iya maddupa dowié iyaré'ga gandong, muwi anggoro iyaré'ga minnya zaitun. Palisuni masitta dare'na, palla anggoro'na, palla zaitunna sibawa bolana mennang!”

YEHEZKIEL 44:19

Rékko laowi mennang ri seddé saliweng, kégi maddeppungeng umma'é, iyaro imang-ngimangngé harusu'i naludung pakéyang dinasna mennang ri laleng bili'-bili' mapaccingngé ri Bola-Ku, nainappa paké pakéyang laingngé, kuwammengngi pakéyang ripallaingngéro dé' nacilakaiwi umma'é.