ANGIMANGENG 6:20 - KITTA KAREBA MADECENG20 passalenna akkarobangngé wettunna rilanti séddié imang wijanna Harun. Ri esso rilanti'na, harusu'i makkasuwiyangeng sikilo labbu gandong lao ri Puwangnge. Sitengngana harusu'i riyakkasuwiyangeng ri éléé na sésana ri arawéngngé. Տես գլուխը |
Rékko tau iya pasalaé dé' namampu passadiya sipasang bekku iyaré'ga jangang-jangang untu' akkarobangeng paddampengeng dosa, harusu'i tiwi sikilo labbu. Iyaro labbu'é dé' nawedding ricampuru minnya zaitun iyaré'ga nasibawang kamennyang, saba' iyaro akkarobangngé iyanaritu akkarobang paddampengeng dosa na tenniya akkarobangeng ripatala.
Mattanggung jawa' towi lao ri iya mangoloéwé: roti iya riyakkasuwiyangengngé lao ri Allataala, labbu iya ripaké untu' pakkasuwiyang lao ri Puwangnge, béppa nipi iya riyébbué temmakkéragi, akkarobangeng ripanggang, sibawa labbu iya ricampuru'é minnya zaitun. Harusu towi mennang timbangngi sibawa mola'i sining pakkasuwiyang iya ritiwié ri Bolana Puwangnge.