ANGIMANGENG 6:16 - KITTA KAREBA MADECENG

^16-17 Labbu nasésaé harusu'i riyébbu roti iya dé'é raginna sibawa nanréi sining imangngé ri onrong iya ripallaingngé, iyanaritu ri seddéna Kémana Puwangnge. Iyanaro bagiyanna sining imangngé iya nabbéréyangngé Puwangnge lao ri mennang polé ri akkarobangeng inanré. Iyaro inanré mapaccing senna'i, pada-padai akkarobangeng paddampengeng dosaé sibawa akkarobangeng passullé arogingngé.

ANGIMANGENG 6:16 Խաչաձեւ Հղումներ

YEHEZKIEL 44:29

Harusu'i mennang tuwo polé ri pakkasuwiyang gandongngé, akkarobangeng pappaledda dosaé, sibawa akkarobangeng passullé arogingngé; sibawa sininna séuwa-séuwaé iya puraé ripallaing untu' Iyya, harusu'i riwéréng mennang.

ANGIMANGENG 2:3

Lebbinna akkarobangeng ripatalaé iyanaritu untu' sining imangngé. Iyaro akkarobangngé mapaccing senna nasaba riyalai polé ri inanré iya puraé riyakkasuwiyangeng lao ri Puwangnge.

ANGIMANGENG 6:26

Imang iya makkasuwiyangengngéngngi iyaro akkarobangngé harusu'i nanré ri onrong iya ripallaingngé, iyanaritu seddéna Kémana Puwangnge.

ASSURENG 12:8

Iyatoro wennié harusu'i ripanggang jukuna enrengngé riyanré sibawa ukkaju mapai nenniya roti dé' raginna.

1 KORINTUS 5:8

Jaji, laono mai taramé-raméiwi iyaro péstaé sibawa roti iya dé'é gaga raginna, iyanaritu roti maddapangengngéngngi apaccingengngé sibawa sininna iya nasitujuiyé atinna Allataala. Aja' taramé-raméiwi pésta Paskaéro sibawa roti iya engkaé ragi launna, iyanaritu ragi dosa sibawa ja.

ANGIMANGENG 5:13

Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge. Labbu iya nasésaé iyanaritu bagiyanna imangngé, pada-pada ri akkarobangeng gandongngé.

ABBILANGENG 18:8

Makkedai Puwangnge lao ri Harun, “Engngerangngi! Sininna pakkasuwiyang ripallaingngé iya riwéréngngékka iya dé'é naritunu iyanaritu untu' iko. Iyanaro bagiyammu iya puraé ripattentu untu' mannennungeng. Uwérékko iyaro sibawa wija-wijammu.

ANGIMANGENG 6:23

Tungke' akkarobangeng ripatalaé iya nakkasuwiyangengngé imangngé harusu'i ritunu maneng, muwi céddé dé'to nawedding riyanré.

2 TAWARIKH 31:14

Koré ana' Yimna, séddiwi tau Léwi mancaji kapalana pengawal-é ri Pintu Gerbang Alau ri Bolana Puwangnge, riwéréng tanggung jawa' untu' tarimai sining pabbéré iya riyakkasuwiyangengngé lao ri Puwangnge, nainappa nabagé-bagé.