ANGIMANGENG 6:10 - KITTA KAREBA MADECENG

¹⁰ Mancaji awunnana iyaro akkarobangngé, massaluwara' ponco'ni imangngé sibawa jumba polé ri kaing lénangngé, harusu'i makkai iyaro awu mallunra'é polé ri yasé'na mézbaé nanataroi ri seddéna mézbaé.

ANGIMANGENG 6:10 Խաչաձեւ Հղումներ

ANGIMANGENG 16:4

Harusu towi napuriyati Harun iyaé sining peraturangngé. Ri wettu dé'napa nauttamakiwi Bili' Pommapaccingngé, harusu'i cemmé nainappa mappakéyang imang, iyanaritu waju, saluwara ponco, babbang sibawa passapu, iya manenna poléi ri lénangngé.

WAHYU 19:14

Tentarana surugaé maccowériwi sibawa makkinnyarangiwi sining anyarang puté, sibawa mappakéyang lénang iya maputé mapaccingngé.

WAHYU 19:8

Purani riwéréng pakéyang lénang iya lala'-lala'é untu' napaké.” (Iyaro pakéyang lénangngé iyanaritu sining pangkaukeng makessingngé iya napogau'é umma'na Allataala.)

WAHYU 7:13

Sala séddinna polé risining pamimpingngéro makkutana lao ri iyya, “Iyaé sining tau majjumba puté-puté, niga mennang sibawa polé kégai mennang?”

MAZMUR 37:20

Iyakiya tau majaé binasai matu, teddéngngi matu balinna Puwangnge pada-pada bungaé ri padangngé, lennye'i matu ri laleng rumpué.

MAZMUR 20:3

Tennapodo kiringngi bantuwang polé ri Bola-Na, sibawa mabbéréi pattulung polé ri Bulu Sion.

ABBILANGENG 16:35

Nainappa mappapolé Puwangnge api iya mangurengngéngngi iya 250 tau iya makkasuwiyangngéngngi dupaéro.

ABBILANGENG 16:21

“Sorono polé risining tauwéro; maéloka paccappui mennang makkekkuwangngétto.”

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:9

Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 4:12

jaji iya manenna sangadinna bagiyang iya puraé ripallaing, harusu'i ritiwi massu ri akkémangngé. Kuwaniro iyaro sapingngé harusu ritunu ri yasé'na aju tunungngé ri onrong akkabbéyangeng awué, iyanaritu onrong iya ripallaingngé untu' iyaro.

ANGIMANGENG 6:11

Purairo harusu'i nasulléi pakéyanna nanatiwii iyaro awué ri saliwenna akkémangngé, ri onrong iya ripattentué untu' iyaro.

ANGIMANGENG 8:2

“Obbii Harun sibawa ana'-ana'na enrengngé tiwii pakéyang imangngé, minnya upacaraé, sikaju saping lai malolo untu' akkarobangeng paddampengeng dosa, duwakkaju bimbala lai sibawa sibaku roti iya dé'é raginna.

YEHEZKIEL 44:19

Rékko laowi mennang ri seddé saliweng, kégi maddeppungeng umma'é, iyaro imang-ngimangngé harusu'i naludung pakéyang dinasna mennang ri laleng bili'-bili' mapaccingngé ri Bola-Ku, nainappa paké pakéyang laingngé, kuwammengngi pakéyang ripallaingngéro dé' nacilakaiwi umma'é.

ANGIMANGENG 2:11

Akkarobangeng ripatalaé untu' Puwangnge dé' nawedding ricampuru sibawa cani iyaré'ga ragi, nasaba cani'é sibawa ragié dé' nawedding ritunu untu' pakkasuwiyang lao ri Puwangnge.

ANGIMANGENG 6:18

Untu' mannennungeng tungke' worowané wija-wijanna Harun weddingngi manréi iyaro rotié; iyanaro bagiyanna mennang iya tette'é polé ri inanré iya riyakkasuwiyangengngé lao ri Puwangnge. Tau laing iya géssaéngngi inanré iya puraé riyakkarobangenro, lolongengngi matu acilakang nasaba awatangeng apaccingenna.

ANGIMANGENG 6:22

Untu' mannennungeng tungke' wijanna Harun iya rilanti'é mancaji Imang Lompo harusu'i makkasuwiyangengngi iyaro akkarobangngé. Iya manenna harusu'i ritunu untu' pakkasuwiyang lao ri Puwangnge.

ANGIMANGENG 21:22

Iyakiya weddingngi manré inanré iya riyakkasuwiyangngé, muwi akkarobang inanré iya mapaccingngé muwi akkarobangeng inanré iya mapaccing senna'é.