ANGIMANGENG 4:31 - KITTA KAREBA MADECENG

³¹ Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 4:31 Խաչաձեւ Հղումներ

ANGIMANGENG 4:26

Nainappa sininna lunra'na iyaro olokolo'é harusu'i ritunu ri yasé'na mézbaé, pada-pada ri akkarobangeng pappasidamé. Makkuwaniro carana imangngé makkasuwiyangeng akkarobangeng untu' dosana séddié panguwasa, nariyaddampengeng matu iyaro tauwé ri Puwangnge.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ANGIMANGENG 1:9

Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ASSURENG 29:18

Akkasuwiyangeng manengngi iyaro bimbala laié ri yasé'na mézbaé untu' akkarobangeng ritunu. Baunna iyaro akkarobangengngé pésennangiwi atik-Ku.

KAJAJIYANG 8:21

Bau mabauna iyaro akkarobangeng pakkasuwiyangngé pésennangiwi atinna Puwangnge, nanakkeda-Na ri laleng ati, “Dé'na Umaélona tanroiwi linoéwé nasaba pangkaukenna tolinoé; Uwisseng makkedaé mappammulai wettu malolona, iyaro pikkiranna tolinoé majai. Dé'na matu naengkana Upabbinasai sininna mahlu' iya tuwoé pada-pada iya nappaé Upogau'éwé.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

IBRANI 10:14

Jaji nasibawang séddi akkarobangeng, napassukkui Kristus sining tau iya puraé ripaccingi polé ri dosaé.

IBRANI 10:12

Sibalé'na, Kristus makkasuwiyangeng banna séddi akkarobangeng untu' paddampengeng dosa, iyaro akkarobangengngé makkanréi lettu mannennungeng. Purana nakkasuwiyangeng iyaro akkarobangengngé, tudanni Kristus ri seddé ataunna Allataala, mapparénta silaong Aléna.

IBRANI 9:12

Muttama'i Kristus ri Bili' Pommapaccingngé ri laleng kémaéro banna siseng bawang lettu mannennungeng. Iyaro wettué dé' natiwi dara bémbé lai iyaré'ga dara ana' saping untu' riyakkasuwiyangeng; dara-Na muto natiwi, nanallalengiro napaleppe'ki lettu mannennungeng.

IBRANI 1:3

Aléna ritu mattapparengngi arajanna Allataala iya millakkillangngé; Aléna ritu gambara'na Allataala iya manessaé. Aléna tona piyarai akkalépunna alangngéwé ri laleng saddan-Na iya makuwasa senna'é. Puranana napakkullé rupa tauwé untu' ripaleppe polé ri dosa-dosana mennang, natudangini kadéra apparéntangngé ri surugaé silaong Allataala, Panguwasa iya kaminang matanré.

EFESUS 5:2

Atuwommu sitinajai rinyawaiwi ri pammasé, pada-padato Kristus mamaséiki. Nakkarobangengngi aléna untu' idi, selaku séddi pakkasuwiyang iya mabaué sibawa pésennangiyéngngi atinna Allataala.

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

YESAYA 53:10

Napuwéloi Puwangnge makkedaé manrasa-rasai, sibawa mabbéréyangngi aléna selaku akkarobangeng pappaledda dosa. Namalampé umuru'i matu sibawa mitai asaronna naolai aléna nakajajiyang élona Puwangnge.

YESAYA 42:21

Maéloi Puwangnge mappassalama; macinnai ripakalebbi hukkun-Na sibawa ripakaraja.

AYUB 42:8

Nah, alano makkekkuwangngé pitukkaju saping lai sibawa pitukkaju bimbala lai, namulao ri Ayub. Nainappa muwakkasuwiyangeng manenro selaku akkarobangeng ritunu untu' alému. Massempajangngi matu Ayub untu' alému na iyaro sempajanna Utarimai matu. Dé' Upakasiriko matu, namuni sipato'ko tarima pahukkungeng. Dé' mupowadai iya sitongennaé passalenna alé-Ku, na Ayub napowadai.”

EZRA 6:10

Pogau' manengngi iyaro kuwammengngi naulléi mennang makkasuwiyangeng akkarobangeng iya pésennangiyéngngi Allataala makuwasaé ri surugaé, sibawa kuwammengngi naéllaungekka barakka sibawa sining ana' worowanéku.

ANGIMANGENG 4:19

Sininna lunra'na iyaro olokolo'é harusu'i riyala nainappa ritunu ri yasé'na mézbaé.

ANGIMANGENG 1:17

Nainappa iyaro manu'-manu'é harusu'i ribibbi ri pong pannina, iyakiya dé' nawedding pettu pannina. Nainappa iyaro manu'-manu'é harusu'i ritunu ri yasé'na mézbaé. Iyaro baunna akkarobangeng ritunué pésennangiwi atinna Puwangnge.

ANGIMANGENG 2:2

Harusu'i natiwi risining imang wija-wijanna Harun. Imang iya majjamaé harusu malai sikemmo iyaro labbu'é sibawa minnya zaitunna enrengngé sininna kamennyanna, nainappa natunu ri yasé'na mézbaé selaku tanrang makkedaé purani riyakkasuwiyangeng maneng lao ri Puwangnge. Baunna iyaro akkarobangeng inanré pésennangiwi atinna Puwangnge.

ANGIMANGENG 2:9

Imangngé malai sibagiyang iyaro rotié nainappa natunu ri yasé'na mézbaé selaku tanrang makkedaé pura manenni riyakaksuwiyangeng lao ri Puwangnge. Baunna pésennangiwi atinna Puwangnge.

ANGIMANGENG 5:6

Sibawa untu' pakkamaja dosana, harusu'i tiwi sikaju bimbala iyaré'ga bémbé lai untu' Puwangnge. Imangngé harusu' makkasuwiyangengngi iyaro akkarobangngé kuwammengngi nariyaddampengeng dosana iyaro tauwé.

ANGIMANGENG 5:10

Purairo nakkasuwiyangenni imangngé manu'-manu' iya maduwaé untu' akkarobangeng ritunu, situru sibawa peraturangngé. Makkuwaniro carana imangngé makkasuwiyangengngi akkarobangeng untu' dosana iyaro tauwé, nariyaddampengeng matu ri Puwangnge.

ANGIMANGENG 14:18

Minnya nasésaé harusu'i riyabboloreng ri tompo ulunna tauwéro ri yolona Puwangnge.

ANGIMANGENG 15:15

Harusu'i nakkasuwiyangeng imangngé manu'-manu' iya sikajué untu' akkarobangeng paddampengeng dosa, sibawa iya sikajuéssi untu' akkarobangeng ritunu. Nanallalengiro pakangkani imangngé upacara pappépaccinna iyaro tauwé ri yolona Puwangnge.

ANGIMANGENG 19:22

Harusu'i imangngé makkarobangngi iyaro bimbala'é ri laleng upacara pappépaccingngé, kuwammengngi nariyaddampengeng dosana iyaro tauwé. Na Iyya, Allataala maélo maddampengengngi.

ABBILANGENG 15:25

Nainappa harusu'i napogau' imangngé upacara paddampengeng dosaé untu' umma'é. Nariyaddampengeng matu mennang nasaba iyaro asalangngé dé' nattungkaiwi pogau'i, sibawa nasaba purani mennang tiwi akkarobangeng paddampengeng dosa nenniya akkarobangeng ritunu lao ri Puwangnge.