ANGIMANGENG 4:3 - KITTA KAREBA MADECENG3 Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana. Տես գլուխը |
Iyatoro essoé sininna tau iya lisuénna polé ri appalirengngéro, makkasuwiyanni akkarobangeng ritunu lao ri Allataalana Israélié. Makkasuwiyanni mennang 12 kajunna saping lai untu' sininna Israélié, 96 kajunna bimbala lai sibawa 77 kajunna ana' bimbala; ri lainnaéttoro 12 kajunna bémbé untu' akkarobangeng paddampengeng dosa untu' aléna mennang. Sininna olokolo'éro ritunui selaku akkarobangeng untu' Puwangnge.
Siseng sitaung harusu'i Harun pogau' upacara pappépaccing mézba sibawa cara meppikiwi iya eppa tanru'na sibawa dara olokolo iya riyakkasuwiyangengngé untu' paddampengeng dosaé. Iyaro gau'é harusu'i ripogau' tungke' taung sillampé wettué. Iyaro mézbaé harusu'i mapaccing maneng sibawa ripallaing untu' alé-Ku.”
Untu' akkarobangeng paddampengeng dosa untu' kaluwargana arungngé sibawa ra'ya' Yéhuda, nenniya pépaccingiwi Bolana Puwangnge, tiwii mennang 7 saping lai, 7 bimbala lai, 7 ana' bimbala sibawa 7 bémbé lai. Nasuroni arungngé sining imang wijanna Harun makkasuwiyangengngi iyaro olokolo'é ri yasé'na mézbaé selaku akkarobangeng ritunu.
Untu' mannennungeng tungke' worowané wija-wijanna Harun weddingngi manréi iyaro rotié; iyanaro bagiyanna mennang iya tette'é polé ri inanré iya riyakkasuwiyangengngé lao ri Puwangnge. Tau laing iya géssaéngngi inanré iya puraé riyakkarobangenro, lolongengngi matu acilakang nasaba awatangeng apaccingenna.