ANGIMANGENG 4:12 - KITTA KAREBA MADECENG

¹² jaji iya manenna sangadinna bagiyang iya puraé ripallaing, harusu'i ritiwi massu ri akkémangngé. Kuwaniro iyaro sapingngé harusu ritunu ri yasé'na aju tunungngé ri onrong akkabbéyangeng awué, iyanaritu onrong iya ripallaingngé untu' iyaro.

ANGIMANGENG 4:12 Խաչաձեւ Հղումներ

IBRANI 13:11

Dara olokolo' iya riyakkasuwiyangengngé selaku akkarobangeng untu' paddampengeng dosa, natiwii Imang Lompoé lao ri Bili' Pommapaccingngé; iyakiya bakkéna iyaro olokolo'é ritunui ri saliweng akkémangngé.

ASSURENG 29:14

Jukuna, bingkulanna sibawa paruna iyaro saping laié harusu'i ritunu ri saliwenna akkémangngé. Iyanaro pakkasuwiyang untu' paddampengeng dosana sininna imangngé.

ANGIMANGENG 16:27

Saping lai sibawa bémbé untu' akkarobangeng paddampengeng dosaé, iya daranaé riputtama ri laleng Bili' Pommapaccingngé untu' paddampengeng dosa, harusu'i ritiwi massu ri akkémangngé sibawa ritunu. Bingkulanna, jukuna sibawa lise babuwana iya duwa olokolo'éro harusu'i ritunu maneng.

ABBILANGENG 19:5

Sininna olokolo'éro, muttama'ni bingkulanna, jukuna, darana sibawa lise babuwana, harusu'i ritunu ri yolona imangngé.

ABBILANGENG 19:3

Abbéréyangngi iyaro sapingngé lao ri Imang Eléazar. Iyaro olokolo'é harusu'i ritiwi ri saliwenna akkémangngé narigéré ri yolona imangngé.

ABBILANGENG 15:35

Nakkeda Puwangnge lao ri Musa, “Iyaro tauwé harusu'i rihukkung maté. Harusu'i ritiwi massu ri akkémangngé nakkuwaniro sininna umma'é harusu'i genrungngi batu gangka maté.”

ABBILANGENG 5:3

Harusu'i mennang risuro lao, kuwammengngi dé' napanajisi'i akkémangngé, iya Uwonroiyé silaong umma'-Ku.”

ANGIMANGENG 13:46

Ri wettu nakennana iyaro lasaé najisi'i sibawa harusu'i monro ri saliwenna akkémangngé, mabéla polé risining tau laingngé.

ANGIMANGENG 4:21

Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 6:30

Olokolo untu' upacara paddampengeng dosaé iya riyalaé sibagiyang darana untu' ritiwi ri Bili' Mapaccingngé, harusu'i ritunu gangka cappu sibawa dé' nawedding riyanré.

ANGIMANGENG 8:17

Iyakiya jukuna iyaro sapingngé, bingkulanna, lise babuwana nalebbié muttama'ni paruna, jaji sininna iyaro sapingngé sangadinna bagiyang-bagiyang iya puraé ripallaing ritunui ri saliwenna akkémangngé pada-pada iya napparéntangngé Puwangnge.

ANGIMANGENG 9:11

Iyakiya juku sibawa bingkulanna iyaro olokolo'é ritunui ri saliwenna akkémangngé.

YEHEZKIEL 43:21

Nainappa alano saping lai untu' pappaledda dosaéro, namutunui ri onrong iya puraé ripattentu, iyanaritu ri saliwenna daéra mapaccinna Bolana Puwangnge.

ANGIMANGENG 6:4

Tau iya pasalaéro harusu'i nawaja paimeng sininna iya nalolongengngé sibawa dé' namalempu. Wettunna rilolongeng pasala, harusu'i nawaja penno ri punnana, ritambai duwappulo paresséng.

ANGIMANGENG 6:23

Tungke' akkarobangeng ripatalaé iya nakkasuwiyangengngé imangngé harusu'i ritunu maneng, muwi céddé dé'to nawedding riyanré.