ANGIMANGENG 3:5 - KITTA KAREBA MADECENG

⁵ Iya manennaro, silaong sibawa akkarobangeng ritunu laingngé, harusu'i ritunu ri yasé'na mézbaé. Baunna iyaro akkarobangeng inanré pésennangiwi atinna Puwangnge.

ANGIMANGENG 3:5 Խաչաձեւ Հղումներ

ANGIMANGENG 6:12

Tungke' élé harusu'i imangngé taro aju tunung ri yasé'na mézbaé, matoro'i akkarobangeng ritunué ri yasé'na, sibawa tunui lunra akkarobangeng pappasidamé. Harusu'i matteru-teru malluwa apié ri yasé'na mézbaé sibawa dé' nawedding rileppessang peddé.

1 PETRUS 2:5

Iko pada-padako batu-batu iya tuwoé. Rimakkuwannanaro sitinajako maélo ripaké untu' patettongngi Bolana Allataala iya rohanié. Nanallalengiro mancajiko imang-ngimang iya tuwoé banna untu' Allataala, sibawa iya naolaéngngi Yésus Kristus makkasuwiyangengngi lao ri Allataala, akkarobangeng rohani iya naéloriyé atinna Allataala.

ASSURENG 29:13

Purairo alai sininna lunra'na iya tongkoéngngi lise' babuwana, bagiyang atinna kaminang makessingngé enrengngé iya duwa ginjalna sibawa lunra'na, taro manengngi iyaro ri yasé'na mézbaé sibawa tunui untu' pakkasuwiyang ri Iyya.

YEHEZKIEL 44:15

Makkedai Puwang Iya Pommatanré, “Wettunna tau Israélié nasalai-Ka, sining imang Léwié polé ri wija-wijanna Zadok tette'i matinulu tumaningi-Ka ri Bola-Ku. Rimakkuwannanaro mennang ritu makkekkuwangngé harusu tumaningi-Ka sibawa lao ri yolo-Ku untu' makkasuwiyangeng lunra sibawa dara polé risining akkarobangengngé.

YEHEZKIEL 44:7

Purai mennang nacarépai Bola-Ku, saba' wettunna riyakkasuwiyangeng lunra sibawa dara akkarobangengngé lao ri Iyya, napalaloi mennang muttama ri lalenna sining tau laing iya dé'é narisunna, sibawa iya dé'é naturusi-Ka. Nasibawang sining pangkaukenna mennang iya mappakaciddi-ciddi'éro, purani mennang najjalékkai assijancik-Ku sibawa mennang.

2 TAWARIKH 35:14

Purairo nappai napassadiya sining tau Léwié untu' bagiyanna mennang sibawa untu' sining imang wija-wijanna Harun. Saba' narapi wenni iyaro sining imangngé mappallaungngi matteru makkasuwiyang olokolo selaku akkarobangeng ritunu, sibawa tunui lunra polé risining akkarobangengngéro.

1 ARUNG-NGARUNG 8:64

Iyatoro essoé narésmikangngi Salomo bagiyang tengngana seddé ri yolona Bolana Puwang-ngéro. Nainappa ri seddénaro makkasuwiyangengngi akkarobangeng ritunu, akkarobangeng gandong, sibawa lunra olokolo untu' akkarobangeng pappasidamé. Iya manennaro nakkasuwiyangengngi kuwaro nasaba baiccu senna mézba gessaé untu' sininna pakkasuwiyangngéro.

ANGIMANGENG 4:35

Nainappa harusu'i riyala maneng lunra'na iyaro olokolo'é pada-pada ri akkarobangeng pappasidamé. Iyaro lunra'é harusu'i ritunu ri yasé'na mézbaé, silaong akkarobangeng inanré iya riyakkasuwiyangengngé lao ri Puwangnge. Makkuwaniro carana imangngé makkasuwiyangeng akkarobangeng untu' dosana tauwéro, nariyaddampengeng matu ri Puwangnge.

ANGIMANGENG 4:31

Sininna lunra'na iyaro olokolo'é harusu'i riyala pada-pada akkarobangeng pappasidamé. Iyaro lunra'é harusu'i natunu imangngé ri yasé'na mézbaé, na baunna pésennangiwi atinna Puwangnge. Makkuwaniro carana imangngé makkasuwiyangeng akkarobangeng untu' dosana séddié tau polé ri ra'ya' biyasaé, nariyaddampengeng iyaro tauwé ri Puwangnge.

ANGIMANGENG 1:9

Nainappa iyaro tauwé harusu'i nabissai lise babuwana enrengngé poppanna iyaro sapingngé, na imang iya majjamaé harusu'i natunu maneng. Baunna iyaro akkarobangeng ritunué pésennangiwi atinna Puwangnge.

ANGIMANGENG 3:4

ginjalna sibawa lunra'na enrengngé bagiyang iya kaminang makessingngé polé ri atinna.

ANGIMANGENG 3:11

Imang iya majjamaé harusu'i natunu manenro ri yasé'na mézbaé untu' akkarobangeng inanré lao ri Puwangnge.

ANGIMANGENG 7:28

Puwangnge mpéréngngi Musa iyaé sining peraturangngé

ANGIMANGENG 9:17

Purairo nakkasuwiyangenni akkarobangeng inanré; malai labbu sikemmo, sibawa natunui ri yasé'na mézbaé. Iyanaro pattambana akkarobangeng ritunu esso-essoé.

ABBILANGENG 15:8

Rékko iyaro riyakkarobangngé sikajui saping lai untu' akkarobangeng ritunu iyaré'ga akkarobangeng pappaleppe tinja iyaré'ga akkarobangeng pappasidamé,

ABBILANGENG 28:3

Iyanaé akkarobangeng iya harusu'é riyakkasuwiyangeng lao ri Puwangnge: Untu' akkarobangeng esso-essoé, duwakkaju ana' bimbala lai iya dé'é gaga sala-salanna,

ABBILANGENG 28:12

Selaku akkarobangeng ripatala harusu'i riyakkasuwiyangeng labbu iya ricampuru'é minnya zaitun; tellukkilo labbu untu' tungke' kajunna saping laié; duwakkilo labbu untu' bimbala laié,

ANGIMANGENG 1:13

Nainappa iyaro tauwé nabissai lise babuwana sibawa poppanna iyaro olokolo'é. Nainappa harusu'i nakkasuwiyangeng maneng imangngé lao ri Puwangnge, sibawa tunui ri yasé'na mézbaé. Baunna iyaro akkarobangeng ritunué pésennangiwi atinna Puwangnge.

ANGIMANGENG 1:17

Nainappa iyaro manu'-manu'é harusu'i ribibbi ri pong pannina, iyakiya dé' nawedding pettu pannina. Nainappa iyaro manu'-manu'é harusu'i ritunu ri yasé'na mézbaé. Iyaro baunna akkarobangeng ritunué pésennangiwi atinna Puwangnge.

ABBILANGENG 18:17

Iyakiya sapingngé, bimbala'é sibawa bémbé iya bunge' jajiyé, dé' nawedding ricéra'. Iyaro olokolo'é harusu'i untu' Iyya sibawa harusu'i riyakkarobangeng. Abbolorengngi darana ri mézbaé sibawa tunui lunra'na selaku akkarobangeng. Baunna pésennangiwi atik-Ku.