ANGIMANGENG 27:3 - KITTA KAREBA MADECENG

^3-7 Situru elli iya takkennaé ri Kémana Puwangnge: – riyasé'na 60 taung: worowané 15 dowi péra' makkunraié 10 dowi péra' – pallawangenna 20-60 taung: worowané 50 dowi péra' makkunraié 30 dowi pera' – pallawangenna 5-20 taung: worowané 20 dowi péra' makkunraié 10 dowi péra' – ri yawana 5 taung: worowané 5 dowi péra' makkunraié 3 dowi péra'

ANGIMANGENG 27:3 Խաչաձեւ Հղումներ

ASSURENG 30:13

Tungke' tau iya maccowéé ribilang ri laleng abbilangengngéro harusu'i makkamaja sijumella dowi iya ripattentué manuru ellinna iya takkennaé ri Kéma-Ku selaku sumbangeng untu' Iyya.

ABBILANGENG 18:16

Harusu'i ricéra' ana'-ana'é wettunna mennang makkéumuru siuleng. Paccéra' iya ripattentué untu' iyaro iyanaritu lima dowi péra', situru paccéra' iya takkennaé ri Kéma-Ku.

ANGIMANGENG 27:25

Sininna ellié harusu'i ripattentu manuru elli iya takkennaé ri Kémana Puwangnge.

2 ARUNG-NGARUNG 12:4

Riséuwaé esso naobbini Yoas sining imangngé nanasuroi mennang taroi dowi iya nalolongengngé polé risining pakkasuwiyangngé ri Bolana Puwangnge, muwi dowi pakkamaja akkarobangeng, iyaré'ga dowi pabbéré cenning ati.

ABBILANGENG 3:47

Untu' tungke' ana', harusu'ko wajai lima dowi péra' situru elli iya takkennaé ri Kéma-Ku;

ANGIMANGENG 27:14

Rékko séddié tau makkasuwiyangengngi bolana lao ri Puwangnge, imangngé pattentui ellinna manuru keadaanna iyaro bolaé. Elli iya pura ripattentué iyanaritu elli maté.

ANGIMANGENG 6:6

Untu' akkarobangeng passullé aroging iyaro tauwé harusu'i makkasuwiyangeng sikaju bimbala iyaré'ga bémbé lai iya dé'é gaga sala-salanna sibawa riyangke'i situru ellinna iya ripatakkennaé ri Kémana Puwangnge.

ANGIMANGENG 5:15

Rékko séddié tau dé' nattungkaiwi pogau' dosa nasaba takkalupai ri laleng mabbéréyangngi sining pakkasuwiyanna iya riwajikengngé untu' Puwangnge, iyaro tauwé harusu'i tiwi akkarobangeng passullé aroging. Iyaro akkarobangngé harusu'i sikaju bimbala iyaré'ga bémbé lai iya dé'é gaga sala-salanna, sibawa riyangke situru ellinna iya ripatakkennaé ri Kémana Puwangnge.

ASSURENG 38:24

Ulaweng iya riyakkasuwiyangengngé lao ri Puwangnge untu' Kéma Mapaccingngé, iya manenna sisebbu kilo jumellana, ritimbangngi situru timbangeng iya ripaké ri Kémana Puwangnge.