ANGIMANGENG 26:9 - KITTA KAREBA MADECENG

⁹ Maélo-Ka barakkakiko sibawa mpérékko maéga ana' eppo. Aga iya puraé Ujancingekko, pasti Urupaiwi.

ANGIMANGENG 26:9 Խաչաձեւ Հղումներ

MAZMUR 107:38

Puwangnge mpéréngngi mennang maéga ana', sibawa matterui mabbija-bija olokolo'na.

YEHEZKIEL 16:62

Mébbu-Ka matu assijancing iya barué sibawa iko. Namuwissengngi makkedaé Iyya ritu Puwang.

NEHEMIA 9:23

Mupancajiwi wija-wijanna mennang singngéga wéttowingngé ri bitaraé. Muwéréngngi mennang tana untu' naonroi, tana iya puraé Mujanciyangngi néné-nénéna.

YESAYA 55:3

Engkalingai, éh bangsa-Ku, laono ri Iyya, Uwérékko matu atuwong mannennungengngé. Nasaba pammasé sibawa atinulureng iya Uwajjanciyangngé lao ri Daud, siyoka janci mannennungeng sibawa iko.

KAJAJIYANG 28:3

Tennapodo Allataala Iya Pommakuwasaé barakkakiwi akawingemmu sibawa mpérékko ana' eppo iya maégaé, angkammu mancaji wija-wijanna maéga bangsa!

YEREMIA 33:3

“Angobbino ri Iyya, na Umetté matu; Upaissengiko matu gau'-gau' iya magelloé sibawa mappabengngaé iya dé'éppa muwissengngi.

ULANGENG 28:11

Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé Puwangnge lao ri néné-nénému untu' Nawérékko.

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

MAZMUR 89:3

Saba' uwisseng pammasé-Mu mannennungengngi, atinulurem-Mu mattinettoi pada-pada langié.

ULANGENG 28:4

Ribarakkakiko, angkanna maéga ana'mu, wassélé tanamu maonai sibawa saping nenniya bémbé bimbala'mu maégai.

ASSURENG 6:4

Uwéngkalingani addarékénna tau Israélié iya ripowataé ri bangsa Maséré'é, na-Uwéngngeranni iyaro jancik-Ku.

ASSURENG 2:25

Naitani sining tau Israélié ripowata, nanapettuini untu' tulungngi mennang.

ASSURENG 1:7

Iyakiya wija-wijanna mennang, iyanaritu sining tau Israélié, makkéana' epponi maéga senna, sibawa jumellana mennang tattambai masitta senna, angkanna pennoni wanuwa Maséré sibawa mennang.

KAJAJIYANG 28:14

Wija-wijammu singngégai matu awué ri tanaé. Nalowangiwi matu daérana mennang lao tulili, nanaolako sibawa wija-wijammu, maélo-Ka barakkakiwi sininna bangsaé ri linoé.

KAJAJIYANG 26:4

Maélo-Ka mpérékko ana' eppo singngéga wéttowingngé ri langié, sibawa sininna daéraéwé maélo-Ka mpéréngngi mennang. Sininna bangsaé ri linoé méllauwi matu ri Iyya kuwammengngi Ubarakkakiwi mennang pada-pada pura Ubarakkakinna wija-wijammu.

KAJAJIYANG 17:20

Iyakiya Utarima towi paréllaummu passalenna Ismaél. Rimakkuwannanaro Ubarakkakiwi matu sibawa Uwéréngngi wija-wija iya maégaé. Mancajiwi matu toriyolona seppulo duwa kapala suku, sibawa wija-wijanna Upancajiwi matu séuwa bangsa iya battowaé.

KAJAJIYANG 6:18

iyakiya nasibawang iko maéloka mébbu assijancing. Uttama'no ri laleng kappala'éro silaong bainému, sibawa ana'-ana'mu enrengngé sining bainéna mennang.

IBRANI 8:9

Dé' napada-pada assijancing iya Uwébbué sibawa néné-nénéna mennang wettuk-Ku dulungngi mennang massu polé ri wanuwa Maséré'. Dé' mennang namatinulu ri assijancing iya Uwébbué sibawa mennang; iyanaro saba'na dé' Napaduliwi mennang.

NEHEMIA 2:20

Umappébali, “Allataala makuwasaé ri surugaé mébbui matu jama-jamatta jaji. Idi'é ata-atannaki sibawa maéloki pammulaini mappatettong. Iyakiya iko dé' muwappunnai ha' iyaré'ga muwi appunnangeng aga ri Yérusalém. Mala rékko mabbicarai tauwé passalenna Yérusalém, dé' nariteppu matu asemmu.”

2 ARUNG-NGARUNG 13:23

Iyakiya mamaséi Puwangnge ri umma'-Na sibawa maddampengengngi mennang. Dé' namaélo leppessangngi mennang ripaccappu sangadinna tulungngi mennang, nasaba assijancingen-Na sibawa Abraham, Ishak sibawa Yakub. Lettu makkekkuwangngé dé' naengka nallupaiwi umma'-Na.

KAJAJIYANG 1:28

Nainappa nabarakkakiwi mennang sibawa makkeda, “Akkéana' eppono iya maégaé, kuwammengngi wija-wijammu monroiwi sininna linoé enrengngé makuwasaiwi. Uwérékko tugas murusu'i sining balé, manu'-manu'é, sibawa sininna olokolo laing iya maliyaé.

KAJAJIYANG 22:17

maélo-Ka barakkakiko sibawa maona enrengngé mébbui wija-wijammu singngéga wéttowingngé ri langié sibawa singngéga kessi'é ri wiring tasi'é. Ana' eppomu nacaui matu sining balinna mennang.

KAJAJIYANG 48:4

Makkedai lao ri iyya, “Uwérékko matu maéga ana' eppo, kuwammengngi wija-wijammu mancajiwi maéga bangsa; maéloka mabbéréyangngi wanuwaéwé lao ri wija-wijammu selaku appunnangenna mennang untu' mannennungeng.”

ANGIMANGENG 26:15

rékko muwajjalékkaiwi assijancingeng iya Uwébbué sibawa iko enrengngé dé mumaélo turusiwi sining Upattette'é sibawa sining peraturak-Ku,

ULANGENG 7:13

Maéloi mamaséiko sibawa barakkakiko, angkanna maéga ana'mu sibawa tattamba-tamba jumellamu. Maéloi barakkakiwi sining dare'mu, angkanna powassélé gandong, anggoro sibawa minnya zaitun. Maéloi barakkakiko angkanna maéga saping sibawa bémbé bimbala'mu. Sininna barakka'éro mutarimai matu ri wanuwa iya nawéréngngékko Puwangnge, situru sibawa jancin-Na lao ri néné-nénému.

YEHEZKIEL 36:9

Engka-Ka ri iko éh Israélié, sibawa Upattentui makkedaé ribéngkussi matu tanamu sibawa riyampori biné.

1 ARUNG-NGARUNG 3:8

Engkaka ri tengnga-tengngana bangsa iya puraé Mupilé mancaji umma'-Mu. Mennang séuwa bangsa iya battowaé iya tenribilangngé jumellana.

YEREMIA 23:3

Iyakiya sésa-sésana umma'-Ku Upaddeppungengngi polé ri wanuwa-wanuwa onronna mennang Upali. Utiwii matu mennang lisu ri tana ancajingenna mennang sibawa wija-wijanna tattambai matu maéga.

YEREMIA 23:4

Makkaka matu pamimping untu' piyarai mennang. Dé'na namétau umma'-Ku iyaré'ga namaséleng; dé' muwi séddi tau polé ri mennang teddéng matu. Iyya, Puwang, pura mabbicara.”