ANGIMANGENG 26:31 - KITTA KAREBA MADECENG

³¹ Upinrai kota-kotamu mancaji goppo-goppo ruttungeng, sining onrong assompammu Uwancuru'i sibawa dé' Utarimai sining akkarobammu.

ANGIMANGENG 26:31 Խաչաձեւ Հղումներ

NEHEMIA 2:3

nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

IBRANI 10:26

Saba' rékko biritta polé ri Allataala ripalettu'ni ri idi, iyakiya matteruki bawang pogau' dosa sibawa riyattungkai, dé'na gagana akkarobangeng untu' leddai dosata.

YEHEZKIEL 9:6

Unoi sininna tau worowané sibawa makkunraié, macowa sibawa malolo, tomatowaé sibawa ana'-ana'é. Iyakiya aja' mugéssai muwi séddi tau iya engkaé tanrang ri linrona. Appammulano polé kuwaé, ri Bola-Kué.” Nanapammulaini tugasna mennang sibawa mpunoi sining pamimpinna Israélié iya mattengngangngé tettong ri Bolana Puwangnge.

AWATINGENG 2:7

Nasampéyangngi Puwangnge mézba-Na iya mapaccingngé, sibawa salaiwi Bola-Na muto; Naleppessangngi balié ruttungngi sining témbo'na. Ri onrotta riyolo massompa sibawa mappésta, gora-gorai balié nasaba battowai.

AWATINGENG 1:10

Rirampasa'ni sininna waramparanna risining balinna. Mala harusu'i naita mennang muttamakiwi Bolana Allataala, séuwa pangkaukeng iya nattéyangngé Puwangnge untu' tau iya tenniyaé umma'-Na.

YEREMIA 4:7

Pada-pada singaé massu polé ri assubbuwanna makkuwatoniro joppani pappaccappu bangsa-bangsaé iya polé maélo paccappui Yéhuda. Mancajiwi matu kota-kotana Yéhuda ruttungeng onrong iya dé'é naonroiwi tauwé.

RIWAYA'NA RASUL-RASUL-E 6:14

Purani riyéngkalinga napowada, makkedaé Yésus iyaro polé ri Nazarét maéloi ruttungngi Bolana Puwangngé, nainappa napinra maneng ade'-ade' iya napaturungngé Musa lao ri idi!”

LUKAS 21:24

Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

YEHEZKIEL 24:21

palettu'i iyaé pasengngé lao ri iko: Muwabbangkakengngi awatangenna Bolana Puwangnge. Mupoji mitai sibawa lokkaiwi, iyakiya Puwangnge carépaiwi matu Bola-Na. Sibawa anggota-anggota kaluwargamu iya maloloé mupa, iya monroé ri Yérusalém, riyunoi matu ri laleng ammusurengngé.

YEHEZKIEL 21:15

Naébbui bangsa-Ku teddéng abaraningenna sibawa menrung tabbuttu. Uwancangngi kotana mennang sibawa peddangngéro iya lala'-lala'é pada-pada billa'é, sibawa iya sadiyaé untu' mabbuno.

YEHEZKIEL 21:7

Rékko makkutanai mennang magi mumaddaréké, powadai makkedaé messéko nasaba biritta iya maéloé polé. Iyaro birittaé naébbui matu atinna mennang métau, kapé limanna mennang, sibawa ténré uttuna mennang, pettui sumange'na matu. Polé tongenni wettunna, na iya manennaro kajajiyangngi matu. Iyya Puwang Iya Pommatanré pura mabbicara.”

YEHEZKIEL 6:6

Ripaccappui matu sininna kotana Israélié, sininna mézbana sibawa barahalana ancuru'i tassiya-siya, sining addupa-dupanna tessiyomporeng, sibawa sininna aga iya naébbué teddéngngi matu.

AWATINGENG 1:1

Temmaka sino-sinona Yérusalém makkekkuwangngé, kota iya marowa senna'é riyolo. Riyolo riyattuwang ri yelle'na bangsa-bangsaé, makkekkuwangngé pada-padani jandaé. Riyolo kota iya kaminang ripakalebbié, makkekkuwangngé ripancaji atani.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

YEREMIA 26:9

Barani tongekko makkeda ri laleng asenna Puwangnge makkedaé iyaé Bola-Na mancajiwi matu pada-pada Silo, sibawa iyaé kotaé ripaccappui matu nenniya mancaji onrong iya dé'é nariyonroina.” Nainappaka rikatulung ri tau maégaé.

YEREMIA 26:6

Rékko tette'ko dé' mumaélo turu, iyaé bola assompangngé Ugaukengngi matu pada-pada Silo, angkanna sininna bangsaé ri linoé pakéi asenna iyaé kota Yérusalém selaku tanro.”

YEREMIA 22:5

Iyakiya rékko dé' muturusiwi parénta-parénta-Ku, mattanro-Ka makkedaé iyaé saorajaé mancajiwi matu sésa-sésa. Iyya, Puwang, pura mabbicara.

YEREMIA 9:11

Makkedai Puwangnge, “Upancajiwi matu Yérusalém ruttungeng onronna massubbu asu ale'é. Kota-kotana Yéhuda mancaji masino-sinoi matu, onrong iya dé'énna nariyonroi.”

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

YESAYA 1:7

Purani ripabbinasa wanuwammu; kota-kotamu ritunui gangka cappu. Ri yolona matammu nalai tau laingngé tanamu sibawa mancuru'i sini-sininnaé.

NEHEMIA 2:17

Iyakiya rimunri makkedaka lao ri mennang, “Itani keadaatta iya manrasa-rasaéwé! Sésa-sésana mani Yérusalém monro sibawa pintu-pintu gerbanna cappuni nanré api. Laono mai tapatettongngi paimeng témbo-témbo kotana Yérusalém kuwammengngi dé'na naripakatunaki paimeng.”

2 TAWARIKH 36:19

Naruttungngi témbo'na kota Yérusalém, sibawa natunui iyaro kotaé, muttama'ni Bolana Puwangnge sibawa sininna saorajaé silaong barab-barang mangke'é iya engkaé mupa ri laleng sining saorajaéro.

KAJAJIYANG 8:21

Bau mabauna iyaro akkarobangeng pakkasuwiyangngé pésennangiwi atinna Puwangnge, nanakkeda-Na ri laleng ati, “Dé'na Umaélona tanroiwi linoéwé nasaba pangkaukenna tolinoé; Uwisseng makkedaé mappammulai wettu malolona, iyaro pikkiranna tolinoé majai. Dé'na matu naengkana Upabbinasai sininna mahlu' iya tuwoé pada-pada iya nappaé Upogau'éwé.

2 ARUNG-NGARUNG 22:19

massesse kaléko sibawa pakariyawai alému ri yolo-Ku. Purani uwancang untu' hukkungngi Yérusalém sibawa pabbanuwana. Maélo-Ka pancajiwi iyaro kotaé séddi pakkitang iya mappakatau-taué, sibawa asenna Yérusalém Upancajiwi matu aseng abusungeng. Iyakiya wettunna muwéngkalinga passalenna ancamak-Kuro teriko sibawa sapé'i pakéyammu tanrang masara. Purani Uwéngkalinga sempajammu,

YESAYA 6:11

Makkutanaka, “Siyaga ittana iyaé keadaangngé matteru, Puwang?” Pappébalin-Na, “Narapi kota-kotaé mancaji ruttungeng dé'gaga monroiwi, sining bolaé dé' nariyonroina, sibawa tanaé mancaji kullang sibawa makabuttu,

YESAYA 63:18

Magi Muleppessangngi balié léjja-léjja'i Bola-Mu, sibawa sining tauwé carépaiwi bulu-bulu-Mu iya mapaccingngé?

YEREMIA 44:2

Iyanaé pasenna Puwang Iya Pommakuwasaé, Allataalana Israélié, lao ri mennang, “Alému pura sabbingngi abala iya Upateppaé ri yasé'na Yérusalém sibawa sininna kota laingngé ri Yéhuda. Lettu makkekkuwangngé iyaro kota-kotaé ri laleng keadaang ancuru mupi dé'gaga monroiwi.

YEREMIA 44:6

Iyanaro saba'na Utuppa'i cai-Ku sibawa apéddarak-Ku ri yasé'na kota-kotana Yéhuda sibawa sining lalengngé ri Yérusalém. Utunu manengngi angkanna mancaji sésa-sésa sibawa makabuttu pada-pada iya weddingngé riita makkekkuwangngéwé.

DANIEL 2:46

Nanasuju'na Arung Nébukadnézar ri yolona Daniél sibawa mabbéré parénta kuwammengngi naripakalebbi Daniél sibawa riyakkasuwiyangeng lao ri aléna akkarobangeng ritunu enrengngé akkarobangeng-akkarobangeng iya laingngé.

AMOS 7:9

Onrong-ngonrong iya napaké wijanna Ishak untu' massompa riyancuru'i matu. Onrong-ngonrong mapaccinna tau Israélié riruttungngi matu. Upaccappui matu wijanna Arung Yérobéam.”

ZEFANYA 3:6

Makkedai Puwangnge, “Purani Upallennye maéga bangsa; Uwancuru'i kota-kotana mennang, sibawa Upancajiwi sésa-sésa ruttungeng témbo'-témbo'na sibawa manara-manarana mennang. Masino-sinoi kota-kotana mennang dé' monroiwi sibawa masino-sinoi sining lalenna lalenna.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

YESAYA 64:9

Jaji aja' tamacai senna, oh Puwang, aja'na taéngngerangngi dosata; itani, idi'é umma'-Mu.

YEREMIA 4:26

Tana commo'é mancajini padang kessi marakko, ancuru kota-kotaé, nasaba macai senna'i Puwangnge lao ri umma'-Na. (

YEREMIA 4:27

Napowadai Puwangnge makkedaé sininna linoé mancajiwi matu padang kessi, iyakiya dé' Namaélo paccappu sisengngi.)

AWATINGENG 2:6

Naancuru'i Bola-Na onronna umma'-Na maddeppungeng untu' sompai. Naébbui tauwé mallupaiwi esso Saba'é sibawa esso-esso marajaé. Nasaba macai senna'i Puwangnge, imang sibawa arungngé Nasampéyangngi.

YEHEZKIEL 12:20

Kota-kota iya makkekkuwangngé pennoi sibawa pabbanuwa riyancuru'i matu sibawa sining dare'na mancaji padang kessi'i. Nanaissenni mennang makkedaé iyya ritu Puwang.”