ANGIMANGENG 26:28 - KITTA KAREBA MADECENG

²⁸ nasibawang cai maélo-Ka majara'ko, sibawa hukkukko wékkapitu lebbi tane naiya labe'é.

ANGIMANGENG 26:28 Խաչաձեւ Հղումներ

YESAYA 59:18

Nawale'i sining balin-Na situru sibawa pangkaukenna mennang. Mala bangsa-bangsaé ri pulo-pulo iya mabélaé dé' naleppe polé ri pahukkungen-Na.

YEHEZKIEL 8:18

Napéneddingiwi matu mennang cai-Ku iya maseroé! Dé' Uwaddampengengngi matu sibawa Uwampungiwi mennang. Namuni nagorangngi mennang sempajangngé maladde senna, dé' umaélo méngkalingai!”

YEHEZKIEL 5:15

Rékko macai-Ka sibawa majjamerru lao ri iko enrengngé hukkukko, sininna bangsaé ri mattulilimmu masélengngi matu. Naéllé'ko matu sibawa maja péneddinna mitako.

YEHEZKIEL 5:13

Mupéneddingiwi matu aseronna caina sibawa ajjallo'-Ku narapi najinna-Ka. Kajajiyang manennaro, mateppe'ko matu makkedaé Iyya, Puwang, pura mabbicara lao ri iko nasaba macai-Ka lao ri atemmatinuluremmu.

YEREMIA 21:5

Iyya muto matu musuko sibawa maggangka ullé nenniya nasibawang cai iya mallumpa-lumpaé.

YESAYA 66:15

Tongeng, poléi matu Puwangnge sibawa api; Natonangiwi matu karéta-Na pada-pada anginrajaé, untu' pallessui cai-Na, nenniya makkampareng sibawa maladde.

YESAYA 63:3

“Alé-alé-Ku muttama ri onrong apparakeng anggoro'é ri yelle'na umma'-Ku dé'gaga tuluk-Ka. Uléjja-léjja'i bangsa-bangsaé ri laleng cai-Ku, pada-pada léjja-léjja'i buwa anggoro'é. Tapporo darana mennang rica'i wajuk-Ku, rotakiwi sininna pakéyak-Ku.

NAHUM 1:6

Niga mulléi tahang narékko macayii Puwangnge? Dé'gaga mulléi leppe polé ri cai-Na? Napallessui cai-Na iya malluwa'é ancuru'i batué sibawa mancaji awu ri yolo-Na.

NAHUM 1:2

Dé' namaélo Allataala mappunnai saingang, tau iya méwaéngngi Aléna, pasti lolongengngi pahukkungeng. Nasibawang cai maseroé, makkabale'i lao ri mennang.

YESAYA 27:4

Dé'na Umarasa macaina. Ebara'na engka wella iyaré'ga alekale maddori, maélo-Ka paccappui, sibawa tunu manengngi.

ANGIMANGENG 26:24

Maélo-Ka majara'ko sibawa hukkukko wékkapitu lebbi tane naiya pura labe'é.

ANGIMANGENG 26:27

Rékko purani mupéneddingi sininna pahukkungengngéro matteru mupo méwa-Ka, sibawa dé' mumaélo mapato lao ri Iyya,

ANGIMANGENG 26:41

angkak-Ku tinda'ka méwai mennang sibawa rukkai mennang ri laleng appalirengngé ri wanuwanna sining balinna mennang. Accappurenna, rékko tunru'ni wija-wijammu sibawa purana napéneddingi pahukkungengngé nasaba dosa sibawa ronta'na mennang,

MAZMUR 79:12

Oh Puwang, wale'i bangsa-bangsaéro leppi wékkapitu nasaba sininna pappakatunana mennang lao ri Iko.

YEREMIA 7:20

Iyya, Puwang Iya Pommatanré, maélo pakennaiwi cai-Ku iya maseroé ri yasé'na bola assompangngéwé, ri yasé'na tolinoé sibawa olokolo'é, makkuwatoro ri ajukajungngé sibawa wassélé tanaé. Mallalatungngi matu cai-Ku pada-pada api iya dé'é nariyullé peddéi.”

AWATINGENG 4:11

Napallessui caina Puwangnge sibawa tunui Kota Sion narapi rata sibawa tanaé.