ANGIMANGENG 26:20 - KITTA KAREBA MADECENG

²⁰ Sininna résomu dé' gaga gunana, saba' tanamu dé' nabbéré wassélé sibawa tanet-tanemmu dé' nabbuwa matu.

ANGIMANGENG 26:20 Խաչաձեւ Հղումներ

YESAYA 49:4

Iyakiya makkedaka, “Paracumai turuppuse'ku; upaccappui awatangekku sibawa siya-siya!” Iyakiya mateppe'ka Puwangnge méwaiwi ha'ku, Allataala mpale'ka situru pangkaukekku.

MAZMUR 127:1

Elonna Salomo. Rékko tenniya Puwangnge patettongngi bolaé, siya-siyai majjama sining tukanna. Rékko tenniya Puwangnge linrungiki, siya-siyai sining pengawal-é jaga.

ULANGENG 11:17

Rékko muwajjalékkaiwi iyaro paréntaé, macayii matu Puwangnge ri iko. Dé' matu napateppa bosi; mancaji makarossai tanamu angkanna dé' nabbéré wassélé tanet-tanengngé. Na ri laleng wettu iya dé'é namaitta matéko ri tana commo iya nawéréngngékko Puwangnge.

HABAKUK 2:13

Bangsa-bangsa iya mupatunru'é massussa-sussai temmakkéguna, sibawa sininna séuwa-séuwa iya napatettongngé mennang cappui nanré api. Iya manennaro iyanaritu élona Puwang Iya Pommakuwasaé.

ANGIMANGENG 26:4

maélo-Ka pateppai bosié ri wettunna, angkanna mabbéréi wassélé tanaé sibawa mabbuwai ajukajungngé.

GALATIA 4:11

Bata-bataka, ajakké turuppuse'ku untu' iko siya-siyai bawang.

1 KORINTUS 3:6

Iyya mattaneng na Apolos boloi, iyakiya Aléna muto Allataala iya mébbuéngngi tanet-tanenna tuwo.

HAGAI 2:16

Poléno mitai goppo gandongngé sibawa muwasengngi lolongekko matu 200 kilo gandong, iyakiya annessana banna engka 100 kilo. Laoko untu' séro' 100 bang anggoro polé ri darong anggoro'é, iyakiya iya engkaé banna 40 bang.

YESAYA 17:11

Iyakiya namuni iyaro tanengengngé matterui lokko sibawa mabbunga ri esso mutanenna, iyakiya dé'gaga matu wassélé'na. Iya engkaé banna asussang sibawa pappénedding mapeddi iya dé'é naulléi teddéng.

MAZMUR 107:34

Tana commo'é Napancajiwi padang pejjé, nasaba jana sining tau iya monroiyéngngi.

AYUB 31:40

leppessanni tenniya cadduku sibawa gandong iya tuwoé ri dare'é, sangadinna alekale maddori sibawa ariya.” Sikumiro ada-adanna Ayub.

ULANGENG 28:42

Sininna ajukajummu sibawa tanet-tanemmu cappui matu nanré béré-béré.

ULANGENG 28:18

Tattanroko, angkanna banna céddé bawang ana'mu, wassélé tanamu nenniya saping sibawa bémbé bimbala'mu.

ULANGENG 32:22

Malluwa-luwa'i matu cai-Ku pada-pada apié iya makkanré lettu ri linona tau maté. Iyaro apié nanréi linoé sibawa sininna wassélé'na, sibawa sining bulué lettu ri ure-ure'na.

YESAYA 17:10

Israél, muwallupaini Allataala iya mappassalama'é sibawa linrungiko pada-pada bulu batu iya masse'é. Sibalé'na, purani mutanengi sining palla'é untu' déwata-déwataé.

YEREMIA 12:13

Mampoi gandong umma'-Ku, iyakiya dori ritu naéngngala. Massussa-sussai mennang iyakiya dé' nallolongeng usahana. Macai senna'-Ka angkanna dé' najaji éngngalanna mennang.”

KAJAJIYANG 4:12

Rékko mallaonrumako, dé' napowassélé matu aga-aga tanaé; mancajiko matu tau kalao-lao iya dé'é nappunnai onrong naonroi ri linoé.”

1 ARUNG-NGARUNG 18:2

Najoppana Elia. Iyaro wettué abala akkadérengngé masero senna'ni ri Samaria.

HOSEA 2:11

Sininna péstana Upappajai matu, muwi pésta pattaungengngé iyaré'ga pésta uleng-ngulengngé sibawa esso-esso Saba'é; rippe'na, sininna ramé-ramé agamana.