ANGIMANGENG 26:13 - KITTA KAREBA MADECENG

¹³ Iyya, Puwang Allataalamu, iya tiwiékko massu polé ri Maséré kuwammengngi dé' mumancaji ata. Akuwasang iya tenre'ékko purani Upolo, na Upancajiko tau maradéka.”

ANGIMANGENG 26:13 Խաչաձեւ Հղումներ

YEHEZKIEL 34:27

Mabbuwai matu ajukajungngé, mabbéréi matu wassélé sining dare'é, sibawa sininna tauwé monroi matu sibawa amang ri tanana muto. Rékko purani Upettui ranté passiyona umma'-Ku sibawa purani mennang Upaleppe polé risining tau iya powataéngngi, naissennitu mennang makkedaé Iyya ritu Puwang.

MAZMUR 116:16

Iyya'é atam-Mu, oh Puwang, pada-pada indo'ku, massompa tokka lao ri Iko puraka Mupaleppe polé ri tahanangngé.

ANGIMANGENG 25:38

Iyanaro paréntana Puwang Allataalamu, iya puraé tiwiko massu polé ri Maséré untu' mabbéréyangngi wanuwa Kanaan lao ri iko, kuwammengngi Namancaji Allataalamu.

ASSURENG 20:2

“Iyya'na Puwang Allataalamu iya tiwiékko massu polé ri Maséré onrommu ripowata.

YEREMIA 2:20

Makkedai Puwangnge, “Maittani dé' mumaélo massompa ri alé-Ku; dé' mumaélo turusi-Ka iyaré'ga sompa-Ka. Ri tompo'na tungke bulu-bulu iya maccaloli'é, sibawa ri yawana tungke aju iya maworongngé musompai déwata-déwatana acommokengngé.

ANGIMANGENG 25:55

Séddié tau Israél dé' nawedding mancaji ata gangka maté nasaba bangsa Israélié iyanaritu ata-atannai Puwangnge. Puwangnge ritu tiwii mennang massu polé ri Maséré. Aléna ritu Puwang, Allataalana mennang.

YESAYA 51:23

Iyaro anrasa-rasangngé Uwabéréyangngi lao ri tenre'ékko, iya puraé suroko léwu ri tanaé, sibawa léjja-léjja'ko, samannako laleng iya naolaé tauwé.”

ANGIMANGENG 25:42

Tau Israélié iyanaritu ata-atanna Puwangnge; aléna ritu tiwii mennang massu polé ri Maséré, namakkuwannanaro dé' nawedding mennang ribalu selaku ata.

ASSURENG 6:7

Utiwiko matu ri wanuwa iya Uwajjanciyangngé sibawa tanro lao ri Abraham, Ishak sibawa Yakub; iyaro tanaé Uwérékko mancaji appunnangeng ri alému. Iyya'na Puwang.”

YEHEZKIEL 30:18

Ri wettu Upaccappa'na akuwasanna Maséré sibawa malai akuwasanna iya makkuwaémmani nabbangkakenna, nasalipuriwi matu pettang Tahpanhés sibawa ritawangngi matu sining makkunrainna.

HOSEA 11:4

Nasibawang sininna pammasé-Ku, Upaddeppéi ri alé-Ku. Sininna anrasa-rasanna Uringengiwi, sibawa nasibawang akacuwang Uwéréngngi inanré.

ASSURENG 14:8

Mémeng Puwangnge pancajiwi arungngé matedde ati, angkanna nalellungngi tau Israélié iya mattengngangngé ri laleng allalengengngé salaiwi wanuwaéro ri yawa allinrungenna Puwangnge.

YESAYA 9:3

Purani muwala tiwina iya matane'é sibawa aju pallémpana polé ri salangkanna. Mucaui bangsa patenre'éro iya para'éngngi umma'-Mu. Pada-pada muto ri wettu iya labe'é wettunna mucau tentara Midiangngé.

YEREMIA 28:2

makkedaé Puwang Iya Pommakuwasaé, Allataalana Israélié, makkeda makkuwaiyé, “Purani Uképo awatangenna arung Babél.

YEREMIA 28:4

Utiwi towi matu lisu Yoyakhin ana' worowanéna Yoyakim arunna Yéhuda, silaong sininna ra'ya'na Yéhuda iya puraé ritiwi lao ri Babél. Tongeng, Uképoi matu awatangenna Babél. Iyya, Puwang, pura mabbicara.”

NAHUM 1:13

Makkekkuwangngé maélo-Ka paccappa'ni akuwasanna Asyur lao ri iko, sibawa upettuiwi ranté iya siyoékko.”