ANGIMANGENG 25:22 - KITTA KAREBA MADECENG

²² Na wettunna mutanengi dare'mu ri lalenna taung maaruwaé, éngngalammu polé ri taung maennengngé engka mupa untu' muwanré. Mala pappassadiyang inanrému genne'i matu narapi wettunna paddeppungengngi wassélé taungngéro.

ANGIMANGENG 25:22 Խաչաձեւ Հղումներ

2 ARUNG-NGARUNG 19:29

Nakiring towi Yésaya iyaé pasengngé lao ri Hizkia, “Iyanaé mancaji tanrang matu ri alému. Iyaé taungngé sibawa taung mangoloéwé manréi matu tauwé gandong iya natuwongngé aléna. Iyakiya purairo weddinni mennang mattaneng gandong sibawa anggoro nenniya péneddingiwi wassélé'na.

ANGIMANGENG 26:10

Maonai matu wassélé tanamu, angkanna genne untu' sitaung. Mala tarapassako passui alebbinna polé ri éngngalang iya labe'é kuwammengngi engka onrong untu' taroi éngngalang iya barué.

YESAYA 37:30

Nakiring towi Yésaya iyaé pasengngé lao ri Hizkia, “Iyanaé mancaji tanrang matu ri alému. Iyaé taungngé sibawa taung mangoloé manréi matu tauwé gandong iya natuwongngé aléna. Iyakiya purairo weddinni mennang mattaneng gandong sibawa anggoro enrengngé péneddingiwi wassélé'na.

ANGIMANGENG 25:23

Dé' nawedding mubalu matteru tanamu, saba' iyaro tanaé tenniya appunnangemmu; sangadinna appunnangennai Allataala. Iko banna pada-padako tau laing iya lolongengngé pappalalo untu' pakéi iyaro tanaé.

ASSURENG 16:5

Ri esso iya maennengngé harusu'i mennang paddeppungengngi iyaro inanré leppi wékkaduwa.”