ANGIMANGENG 24:8 - KITTA KAREBA MADECENG

⁸ Tungke' esso Saba'é harusu'i engka roti iya ripatalaé ri laleng Kémana Puwangnge. Iyanaro kewajibanna bangsa Israélié untu' mannennungeng.

ANGIMANGENG 24:8 Խաչաձեւ Հղումներ

2 TAWARIKH 2:4

Makkekkuwangngé maéloka patettong séddi bola assompang iya ripallaingngé untu' pakalebbii Puwang Allataalaku. Ri bolaéro iyya sibawa ra'ya'ku maélo massompa ri Aléna sibawa mattunu dupa mawangié, enrengngé makkasuwiyangeng roti ripatala untu' Aléna secara tette. Ri bolaéttoro maéloki makkasuwiyangeng akkarobangeng ritunu tungke élé sibawa wenni, tungke Esso Saba', Esso Maraja Uleng Baru sibawa esso-esso ri pallaing laingngé untu' pakalebbii Puwang Allataalata. Saba' purani Napparéntang kuwammengngi iyaro gau'éro napogau'i untu' mannennungeng tau Israélié.

ABBILANGENG 4:7

Harusu'i mennang pallebba silampa kaing magawu ri yasé'na méjang appatalang roti untu' Puwangnge, na ri yasé'na méjangngéro harusu'i mennang palénne penné loppo, baki onrong dupa, baki onrong pakkasuwiyang, sibawa kendi untu' pakkasuwiyang uwai anggoro. Patala rotié harusu'i tuli engka ri méjangngéro.

1 TAWARIKH 9:32

Sining tau polé ri appang Kéhat mattanggung jawa'i untu' passadiyai patala rotié untu' Puwangnge tungke' esso Saba'.

NEHEMIA 10:33

Maéloki passadiyangengngi sining apparelluwang assompangngé ri Bolana Puwangnge, iyanaritu: roti ripatala, pakkasuwiyang gandong esso-essoé, olokolo untu' akkarobangeng ritunu esso-essoé, pakkasuwiyang mapaccing laingngé, akkarobangeng-akkarobangeng paddampengeng dosana Israélié, sibawa sininna aga riyapparelluwangngé untu' Bolana Puwangnge.

1 TAWARIKH 23:29

Mattanggung jawa' towi lao ri iya mangoloéwé: roti iya riyakkasuwiyangengngé lao ri Allataala, labbu iya ripaké untu' pakkasuwiyang lao ri Puwangnge, béppa nipi iya riyébbué temmakkéragi, akkarobangeng ripanggang, sibawa labbu iya ricampuru'é minnya zaitun. Harusu towi mennang timbangngi sibawa mola'i sining pakkasuwiyang iya ritiwié ri Bolana Puwangnge.

ASSURENG 25:30

Iyaro méjangngé harusu'i ritaro ri yolona Petti Assijancingngé, sibawa ri tompo'na méjangngé harusu'i tuli tassadiya patala roti.”

1 SAMUEL 21:7

Nasitujuwangngi, Doég tau Edongngé, kapala pakkampi olokolo'na Saul engkai kuwaro ri essoéro untu' rupaiwi séuwa kewajibang agama.)

2 TAWARIKH 13:11

Tungke élé sibawa arawéng mattunu dupai mennang sibawa makkasuwiyangeng akkarobangeng ritunu untu' Puwangnge, enrengngé passadiyai roti ripatalaé. Tungke wenni palluwa'i mennang pajjennangeng ri ajé pajjennangeng ulawengngé. Tette'ki turusiwi parénta-paréntana Puwangnge, iyakiya iko musalaini.