Biblia Todo Logo
Առցանց Աստվածաշունչ

- Գովազդներ -




ANGIMANGENG 24:2 - KITTA KAREBA MADECENG

2 mabbéréyangngi iyaé sining peraturangngé lao ri bangsa Israélié: Tiwino minnya zaitun iya tuléngngé sibawa iya kaminang makessingngé untu' lampué ri laleng Kémana Puwangnge, kuwammengngi nawedding ripasang sibawa malluwa matteru.

Տես գլուխը Պատճենել




ANGIMANGENG 24:2
27 Խաչաձեւ Հղումներ  

Allataala iya makkedaé, “Sitinajai polé ri laleng pettangngé mompoi tajangngé,” Allataala éttoro iya paompoéngngi tajangngéro ri laleng atitta, kuwammengngi namancaji matajang pakkitatta untu' pahangngi acakkarenna Allataala iya mattappaé ri rupanna Kristus.


Nabbicarasi Yésus lao ri tau maégaé, adan-Na, “Iyya'naé tajanna linoé. Tau iya maccowériyék-Ka dé' matu najoppa ri laleng pettangngé, iyakiya nappunnangiwi tajanna atuwongngé.”


untu' pakkitai matanna, kuwammengngi nassu polé ri pettangngé nanauttama ri laleng cakkaé; kuwammengngi naleppe polé ri pangarunna Ibillisi'é, narikuwasai ri Allataala. Na ri laleng mateppe'na ri Iyya, riyaddampengengngi matu dosa-dosana sibawa mancajiwi matu mennang anggotana umma'na Allataala iya ripilé.’ ”


Iyaro Yohanés pada-padai lampu malluwa'é sibawa iya mattaparengngé cahaya. Untu' wettu iya dé'é namaitta masenna'ko tarimai cahayanaro.


Tajang tonget-tongengngé iya tappaéngngi sininna rupa tauwé, poléi ri linoé.


Iyaro Saddaé assalennai atuwongngé, na iyaro atuwongngé mabbéréi tajang lao ri rupa tauwé.


“Jaga-jagako moloiwi tungke' gau'. Harusu'ko tuli sadiya mappakéyang sibawa pura ripalluwa pajjennangemmu,


Makkuwani ritu mabbéréyangngi tajan-Na lao ri sininna tauwé iya tuwoé ri laleng apettangengngé sibawa amétaurengngé. Napimpikki ri laleng iya mattujué ri adaméngengngé.”


Makkuwatoniro tajammu harusu'i mattappa ri yolona tauwé, kuwammengngi naitai tauwé pangkaukeng-pangkaukemmu madécéngngé, nainappa napojiwi Ambo'mu ri surugaé.”


Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”


Akuwasanna Puwangnge pimpingngi matu, pancajiwi engka akkalenna sibawa mapanré, macca mala apettung sibawa pogau'i; missengngi élona Allataala sibawa métau ri Aléna.


Baliwi makkuwaé, “Engkalingai pappagguruwanna Puwangnge! Tau iya dé'é nabbicara situru sibawa pappagguruwangngéro, dé' nappunnai amménasang.”


Panunju-panunju'na tomatowammu padai lampu iya macakkaé; pakkamparenna mennang najellokekko cara atuwong iya makessingngé.


Rékko ripakanessai, mabbéréi tajang pappagguruwam-Mu, mabbéréi pappéjeppu lao ri tau biyasaé.


Ada-adam-Mu iyanaritu pajjennangeng untu' jongkaku, cahaya untu' tajangiwi lalekku.


Tungke élé sibawa arawéng mattunu dupai mennang sibawa makkasuwiyangeng akkarobangeng ritunu untu' Puwangnge, enrengngé passadiyai roti ripatalaé. Tungke wenni palluwa'i mennang pajjennangeng ri ajé pajjennangeng ulawengngé. Tette'ki turusiwi parénta-paréntana Puwangnge, iyakiya iko musalaini.


Ajé lampué ripalénne'i ri laleng Kémaé, ri bagiyang yattang, siyolong sibawa méjangngéro,


aju lampu polé ri ulaweng tuléngngé, lampu-lampunna sibawa sininna passake'na, minnya untu' lampué,


Harusu'i Harun matoro'i sining lampuéro mappammulai mapettanna narapi élé ri onrong naonroiyé Puwangnge, ri saliwenna kaing paddenring iya tongkoéngngi Petti Assijancingngé ri Bili' Pommapaccingngé. Iyaro paréntaé harusu'i ripogau' untu' mannennungeng.


Հետեւեք մեզ:

Գովազդներ


Գովազդներ