ANGIMANGENG 24:14 - KITTA KAREBA MADECENG

¹⁴ “Tiwii iyaro tauwé massu ri akkémangngé. Tungke' tau iya puraé méngkalingai mattanro, harusu'i palénne'i limanna ri tompo ulunna tauwéro untu' mabbéré asabbing makkedaé pasalai. Nainappa sininna umma'é harusu'i genrungngi batu gangka maté.

ANGIMANGENG 24:14 Խաչաձեւ Հղումներ

ULANGENG 17:7

Sining sabbié harusu'i maggenrungengngi batu mammulangngé lao ri tauwéro, naccowériwi sininna ra'ya'é. Nanallalengiro mupallennye'i iyaro jaé.

ULANGENG 21:21

Nainappa sining tau worowané polé ri kotaéro harusu'i genrungngi iyaro ana'é sibawa batu narapi maté. Nanallalengiro mupallennye'i iyaro jaé. Sininna tau Israélié méngkalingai matu passalenna kajajiyangngéro namancaji métau.”

ANGIMANGENG 20:27

Tungke' worowané iyaré'ga makkunrai iya pakangkaé assisumpungeng dibawa roh-rohna tau maté harusu'i rigenrung batu gangka maté. Iyaro tauwé matéi nasaba asalanna muto.”

ANGIMANGENG 20:2

powadai gau'éwé lao ri bangsa Israélié, “Tungke' tau ri yelle'mu iyaré'ga tau laing iya mattette'é ri yelle'mu, iya makkarobangngéngngi ana'na lao ri Molokh, harusu'i rigenrung batu gangka maté ri sininna masaraka'é.

YOHANES 8:59

Napada malana batu sining tau Yahudiéro untu' genrungngi Yésus; iyakiya mallekke'i Yésus, nappa lao nasalaiwi Bolana Allataala.

YOSUA 7:25

Nainappa makkeda Yosua lao ri Akhan, “Magi mupapoléngekki asussang? Makkekkuwangngé Puwangnge maélo papoléngekko asussang!” Narigenrunna batu Akhan silaong kaluwargana gangka maté ri sininna tau Israélié. Sininna waramparang appunnangenna sibawa topa barab-barang naénnauwé ritunui gangka cappu.

ULANGENG 22:21

iyaro makkunraié harusu'i ritiwi ri sumpang bolana tomatowanna. Ri onrongngéro sining tau worowané polé ri kotaéro harusu'i genrungngi sibawa batu gangka maté. Iyaro makkunraié purani napogau' séuwa iya pakasiriéngngi bangsata nasaba kédosalai ri wettu dé'napa nakawing ri wettu monrona mupa ri bolana ambo'na. Ri laleng rihukkunna mupallennye'i iyaro jaé.

ANGIMANGENG 13:46

Ri wettu nakennana iyaro lasaé najisi'i sibawa harusu'i monro ri saliwenna akkémangngé, mabéla polé risining tau laingngé.

ANGIMANGENG 24:13

Makkedani Puwangnge lao ri Musa,

ULANGENG 17:5

tau iya pasalaé harusu'i ritiwi ri saliweng kota sibawa rigenrung batu gangka maté.

1 ARUNG-NGARUNG 21:10

Suroi duwa tau maja tudang mangolo ri aléna sibawa tenre'i makkedaé purani natanroi Allataala sibawa arungngé. Nainappa mutiwi massu ri saliweng kota, namugenrungngi sibawa batu gangka maté!”