ANGIMANGENG 23:37 - KITTA KAREBA MADECENG

³⁷ Iyanaro esso-esso maraja agama iya napalettu'é Puwangnge sibawa iya harusu'é muwappallebbangeng. Ri ramé-raméro harusu'ko pakalebbii Puwangnge sibawa pakangka addeppu-deppungeng untu' massompa sibawa makkasuwiyangeng akkarobangeng inanré, akkarobangeng ritunu, akkarobangeng olokolo sibawa akkarobangeng uwai anggoro, singngéga iya riyapparelluwangngé esso-esso.

ANGIMANGENG 23:37 Խաչաձեւ Հղումներ

ANGIMANGENG 23:2

sining peraturangngé passalenna ramé-ramé agamaé, iya harusu'é riyappallebbangeng selaku esso maraja untu' massompa.

ANGIMANGENG 23:4

Iyanaé esso-esso maraja iya napattette'é Puwangnge sibawa harusu'i riyappallebbangeng ri wettu iya ripattentué.

PAKKATOBBA 3:1

Sininna séuwa-séuwaé ri linoéwé kajajiyangngi ri wettu iya napattentué Allataala

ANGIMANGENG 23:38

Iyaro ramé-ramé sinrupai pattamba ri esso-esso Saba'é biyasaé, jaji iyaro sining pakkasuwiyangngé iyanaritu pattambana towi pabbérému iya biyasaé, ri akkarobangemmu untu' mappaleppe tinja, iyaré'ga akkarobangeng cenning ati iya muwabbéréyangngé lao ri Puwangnge.

ANGIMANGENG 23:44

Makkuwaniro Musa palettu'i ri bangsa Israélié sining peraturangngé passalenna ramé-ramé untu' pakalebbii Puwangnge.