ANGIMANGENG 23:17 - KITTA KAREBA MADECENG

¹⁷ Tungke' kaluwarga harusu'i makkasuwiyangeng duwa roti untu' pakkasuwiyang tanréyangeng lao ri Puwangnge. Tungke' rotié harusu'i riyébbu polé ri duwakkilo labbu nenné iya paké ragi sibawa harusu'i riyabbéréyang lao ri Puwangnge selaku pakkasuwiyang wassélé tana iya mammulangngé.

ANGIMANGENG 23:17 Խաչաձեւ Հղումներ

ABBILANGENG 28:26

Ri esso mammulangngé ri Pésta Engngalangngé, esso maraja leppe pitu aha', wettunna makkasuwiyangeng gandong baru ri Puwangnge, harusu'ko pakangka addeppu-deppungeng untu' massompa, sibawa dé' nawedding pogau' pallaung matane.

ANGIMANGENG 7:13

Ri lainnaéro harusu'i riyakkasuwiyangetto roti iya riyébbué paké ragi.

ASSURENG 34:26

Tungke' taung harusu'ko tiwi ri Bolana Puwang Allataalamu wassélé bunge'na tanamu. Juku ana' bimbala iyaré'ga ana' bémbé'é dé' nawedding rinasu silaong uwai susunna indo'na.”

ASSURENG 34:22

Ramé-raméiwi Pésta Engngalangngé wettummu mappammula méngngalai wassélé bunge' polé ri gandongngé. Ramé-raméi towi Pésta Kalampang Daud-daungngé ri cappa'na taungngé, wettummu maccéppu buwa-buwa.

ASSURENG 23:19

Tungke' taung harusu'ko tiwi ri Bolana Puwang Allataalamu gandong bunge' muwéngngalaé. Juku ana' bimbala'é iyaré'ga ana' bémbé'é dé' nawedding rinasu sibawa uwai susunna indo'na.”

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

YAKOBUS 1:18

Nasaba Aléna muto nanapancajiki ana'-ana'-Na naolai ada-adan-Na iya tongengngé. Napogau'i iyaro kuwammengngi talolongeng onrong iya makessingngé ri yelle'na sininna mahlu' napancajiyé.

1 KORINTUS 15:20

Iyakiya annessana purani ripatuwo paimeng Kristus polé ri amaténgngé. Iyanaé boro'na makkedaé sining tau iya matéénna ripatuwoi matu paimeng.

ROMA 8:23

Sibawa tenniya sininna alangngé bawang maddaréké, idi paimeng maddaréké ri laleng batétta. Purani ritarima Rohna Allataala selaku pabbéréna Allataala iya pammulangngé, iyakiya ritajeng mupi Allataala paleppe'i sininna aléta sibawa pancajiki ana'-ana'-Na.

MATIUS 13:33

Engka séuwa pakkalarapangeng laing iya nacuritaé Yésus lao ri tau maégaé. “Rékko mapparéntai Allataala, keadaanna pada-padai ragi iya nalaé séddié makkunrai, nainappa napasigaru patappulo banna labbu tarigu angkanna sawé maneng.”

ABBILANGENG 15:17

Puwangnge mpéréngngi Musa

ANGIMANGENG 2:12

Polé ri wassélé tana iya bunge'é tungke' taung, harusu'i riyakkasuwiyangeng sibagiyang lao ri Puwangnge, iyakiya dé' nawedding ritunu ri yasé'na mézbaé.

ASSURENG 23:16

Ramé-raméiwi Pésta Engngalangngé ri wettunna mupammulai wassélé bunge'na dare'mu. Ramé-raméiwi Pésta Kalampang Daud-daungngé ri paccappurenna taungngé wettunna mupaddeppungeng wassélé palla anggoro'é sibawa palla buwa-buwaé.

ASSURENG 22:29

Ri wettu iya ripattentué, akkasuwiyangengngi ri Iyya si bagiyang polé ri wassélé gandommu, uwai anggoro'mu sibawa minnya zaitummu. Abbéréyangngi lao ri Iyya ana'-ana' worowanému macowaé,

ANGIMANGENG 23:18

Nasibawang iyaro rotié harusu'i bangsa Israélié makkasuwiyangeng pitukkaju ana' bimbala iya makkéumuru sitaungngé, sikaju saping lai lolo sibawa duwakkaju bémbé. Tungke'-tungke' dé' nawedding engka sala-salanna sibawa harusu'i riyakkasuwiyangeng untu' akkarobangeng ritunu untu' Puwangnge, sibawa akkarobangeng ripatala enrengngé akkarobangeng uwai anggoro. Na iyaro akkarobangengngé napésennangiwi atinna Puwangnge.

NEHEMIA 10:37

Ritiwii matu lao risining imangngé ri Bolana Puwangnge lama labbu polé ri gandongngé iya bunge' riyéngngalaé tungke' taung, makkuwatoro sining pakkasuwiyang laing maddupa anggoro'é, minnya zaitun sibawa sininna rupanna buwa-buwaé. Pakkasuwiyang tawa seppulo polé ri dare'ta ritiwii matu risining tau Léwi iya lélééngngi sining pakkasuwiyang tawa seppuloé ri kota-kota allaonrumangngé.

ABBILANGENG 18:12

Uwérékko sininna iya kaminang makessingngé polé ri éngngalammu bunge'-bunge'é iya nakkasuwiyangengngé tau Israélié lao ri Iyya tungke' taung, iyanaritu minnya zaitun, uwai anggoro sibawa gandong.

ABBILANGENG 18:13

Iya manennaro iyanaritu untu' iko. Tungke' anggota kaluwargamu iya dé'é nanajisi' weddingngi nanré.