ANGIMANGENG 22:20 - KITTA KAREBA MADECENG

²⁰ Aja' muwakkasuwiyangeng olokolo iya engkaé sala-salanna, saba' dé' namaélo Puwangnge tarimai.

ANGIMANGENG 22:20 Խաչաձեւ Հղումներ

ULANGENG 17:1

Aja' muwakkasuwiyangeng saping iyaré'ga bimbala iya sala-salangngé lao ri Puwang Allataalamu, nasaba nacéccéi.

MALEAKHI 1:8

Rékko makkasuwiyakko lao ri Iyya olokolo iya butaé, iya malasaé iyaré'ga képoé, dé'ga na iyaro pangkaukeng sala? Coba mabbéréyangngi olokolo sinrupaéro lao ri gubernur-é! Masennagga sibawa nagaukekkoga sibawa makessing?”

ULANGENG 15:21

Iyakiya rékko sala-salangngi iyaro olokolo'é, ébara'na képpangngi iyaré'ga buta iyaré'ga sala-salang maladde laingngé, dé' nawedding muwakkasuwiyangeng lao ri Puwang Allataalamu.

1 PETRUS 1:19

sangadinna séuwai iya mangke'é; iyanaritu aléna muto Kristus, iya mancajiyé selaku bimbala' iya nakkarobangengngé lao ri Allataala iya dé'é ricéccéiyangngi iyaré'ga cellana.

IBRANI 9:14

Nah, rékko dara sibawa awuéro naulléi pépaccingiwi anajisikenna sining tauwéro, apalagi darana Kristus! Naolai Roh iya mannennungengngé, nakkasuwiyangengngi Aléna lao ri Allataala selaku akkarobangeng iya sukkué. Dara-Na pépaccingiwi atitta polé ri upacara agamaé iya dé'é nakkéguna, kuwammengngi weddikki tumaningiwi Allataala iya tuwoé.

ANGIMANGENG 22:25

Olokolo iya rilolongengngé polé ri tau laingngé dé' nawedding riyakkasuwiyangeng untu' akkarobangeng inanré. Iyaro olokolo'é riyangga sala-salangngi sibawa dé' nawedding ritarima.

ANGIMANGENG 1:3

Rékko iya riyakkasuwiyangengngé sikaju saping, iyaro olokolo'é harusu'i iya laié sibawa dé'é gaga sala-salanna. Iyaro sapingngé harusu'i natiwi ri sumpang Kémana Puwangnge, kuwammengngi natarimai Puwangnge iyaro tauwé.

ANGIMANGENG 3:1

Rékko séddié tau makkasuwiyangeng sikaju saping untu' akkarobangeng pappasidamé, iyaro sapingngé wedding lai, wedding komba, iyakiya dé' nawedding engka sala-salanna.

ANGIMANGENG 3:6

Rékko iyaro riyakkasuwiyangengngé untu' akkarobangeng pappasidamé sikajuwi bimbala iyaré'ga bémbé, iyaro olokolo'é weddingngi lai, wedding komba, iyakiya dé' nawedding engka sala-salanna.

ABBILANGENG 19:2

untu' mabbéréyangngi iyaé sining peraturangngé lao ri bangsa Israélié: Alano sikaju saping komba macella'é iya dé'é gaga sala-salanna sibawa iya dé'éppa naengka naripaké mappallaung.

ABBILANGENG 29:8

Akkasuwiyanno lao ri Puwangnge akkarobangeng ritunu maddupa sikaju saping lai lolo, sikaju bimbala lai sibawa pitukkaju ana' bimbala lai makkéumuru sitaung, tungke'-tungke' dé' gaga sala-salanna. Baunna iyaro akkarobangengngé pésennangiwi atinna Puwangnge.

YEHEZKIEL 45:18

Makkedai Puwang Iya Pommatanré lao ri umma'-Na, “Ri tanggala séddinna uleng séddi, harusu'ko pépaccingiwi Bola-Ku sibawa makkasuwiyangeng sikaju saping lai malolo iya dé'é gaga sala-salanna.

ANGIMANGENG 22:24

Aja' muwakkasuwiyangeng lao ri Puwangnge olokolo iya masolangngé batu lase'na tassipi, rirette, malo iyaré'ga ribuwang. Iyaro gau'é dé' nawedding kajajiyang ri wanuwammu.