ANGIMANGENG 2:4 - KITTA KAREBA MADECENG

⁴ Rékko iyaro riyakkarobangengngé roti iya ritunué ri laleng attunungngé, iyaro rotié harusu'i riyébbu temmakkéragi. Iyaro rotié wedding maompe, riyébbui polé ri lama labbu manenné'é sibawa minnya zaitun, wedding towi béppa iya risapuiyé bawang minnya zaitun.

ANGIMANGENG 2:4 Խաչաձեւ Հղումներ

ASSURENG 29:2

Polé ri labbu tarigu iya kaminang makessingngé, lamani teppaké ragi. Sibagiyang iyaro lama labbu'é harusu'i riyébbu roti silaong minnya zaitun, sibagiyang teppaké minnya, nasésana riyébbui béppa iya risapuiyé minnya.

MAZMUR 22:14

Naoloika sibawa bawa mangnganga, pada-pada singa iya mangngaungngé sibawa palupperi.

1 PETRUS 2:22

Dé' naengka napogau' dosa, sibawa dé' naengka muwi séddi tau méngkalingai mabbellé.

1 PETRUS 2:1

Rimakkuwannanaro, buwanni polé ri alému sininna iya majaé; aja'na muwabbellé, sibawa aja' muwabbonga-bonga. Aja' muwangémpuru, sibawa aja' mupakatunai tau laingngé.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

YOHANES 12:27

“Takkini-kini atik-Ku; aga harusu' Upowada makkekkuwangngé? Harusu'-Ka'ga makkeda, ‘Ambo', paleppe'-Ka polé ri wettuéwé'’? Iyakiya mala untu' péneddingiwi iyaé anrasa-rasangngé na Upoléna.

YOHANES 3:34

Saba' tau iya nasuroé Allataala untu' palettu'i ada-adanna Allataala, nasaba pura riwérénni Rohna Allataala sukku lao ri Aléna.

MATIUS 26:38

Nakkeda lao ri ana'-ana' gurun-Na, “Messé senna'i atik-Ku, samanna maélo-Ka maté. Onrono kuwaé, sibawa accowéno majjaga-jaga sibawak-Ka.”

YESAYA 42:1

Adanna Puwangnge, “Iyanaé atak-Ku iya Usokongngé, tau upilé-Ku iya sennangiyéngngi atik-Ku. Purani Uwéréng akuwasak-Ku lao ri aléna, untu' tiwi adélékeng lao ri tungke bangsaé.

ANGIMANGENG 10:12

Makkedani Musa lao ri Harun sibawa lao ri iya duwa ana'na, Eléazar sibawa Itamar, “Alano gandong iya nasésaé polé ri inanré iya riyakkasuwiyangengngé lao ri Puwangnge. Polé ri labbu'éro ébbuno roti iya dé'é napaké ragi, nainappa muwanré ri seddéna mézbaé, nasaba iyaro akkarobangngé mapaccing senna'i.

YEHEZKIEL 46:20

sibawa makkeda, “Ri onrongngéwé harusu'i sining imangngé séwongngi akkarobangeng pappaledda dosaé sibawa akkarobangeng passullé arogingngé enrengngé panggangngi akkarobangeng gandongngé, kuwammengngi muwi céddé polé ri akkarobangeng iya mapaccingngéro dé' naritiwi ri seddé saliweng angkanna nacilakai ra'ya'é.”

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

ANGIMANGENG 7:12

Rékko iyaro akkarobangngé riyakkasuwiyangengngi untu' mattarima kasi, nasibawang iyaro olokolo'é harusu' towi riyakkasuwiyangeng roti iya dé'é napaké ragi. Iyaro rotié wedding iya maompe'é polé ri lama labbu silaongngé minnya zaitun, wedditto roti rakko iya manipié iya risapuiyé sibawa minnya, iyaré'ga béppa labbu iya riyébbué silaong minnya zaitun.

ANGIMANGENG 1:11

Iyaro tauwé harusu'i nagéré iyaro olokolo'é ri seddé manoranna mézbaé, nainappa sining imangngé harusu mabbolorengngi darana ri iya eppa benrénna mézbaé.

ASSURENG 16:31

Iyaro inanré nasengngi manna tau Israélié. Tappana pada-padai lice'-lice' baiccu iya maputé sibawa rasana pada-padai béppa iya riyébbué paké cani.

ASSURENG 12:8

Iyatoro wennié harusu'i ripanggang jukuna enrengngé riyanré sibawa ukkaju mapai nenniya roti dé' raginna.

ABBILANGENG 6:15

Harusu towi makkasuwiyangeng sibaku roti iya riyébbué dé' napaké ragi, iyanaritu roti mallébu iya riyébbué polé ri labbu'é ricampuru sibawa minnya zaitun, sibawa béppa nipi iya risapuiyé minnya zaitun. Rilainnaéro harusu towi makkasuwiyangeng akkarobangeng ripatala sibawa akkarobangeng énungeng.